قلعة الأجداد

15/05/2026

سؤال :
كيف بعنا غرام ببرشا مليارات تصلح حال الجمعية ؟ بشكون عوضناه ؟ بالحرابي و العيوني
كيف بعنا كانتي ببرشا مليارات عوضناه ؟ تصلح حالنا؟
كيف بعنا قبلهم مرياح دارت الفلوس ؟؟ و الأمثلة عديدة ..
الجوارات لي خرجو مالجمعية و قلنا ما يكبر حد عالجمعية و طز فيهم وين توا ؟ شواط و الحرزي في الافريقي، صبري في الإيتوال و بن علي في الترجي

ملخص الحديث عندنا سنين نبيعو في الجورات بالمليارات و الديون و المنع كل عام يتبع فينا، جواراتنا لي يعمل إسم ديراكت يمشي لفريق منافس

صعيب برشا نبنيو جمعية بالعقلية هاذي، و صعيب نلعبو عالألقاب و من المستحسن إيجاد طرق تمويل حديثة و جديدة سياسة تبيع باش تعيش متاع المرسى و المستير موش جمعية كبيرة هدفها الأول و الأساسي دوري أبطال إفريقيا

15/05/2026

🚨 [ فكرة Top مال Inbox ]

▪︎ السلام عليكم فما برشا كلام على بيعان مونديكو أنا ضد بيوع ركائز الفريق أما على إلي نتعداو بيه نتصور فما حالين لا غير و لا تقولي رجال أعمال و لا شيء 👌

1️⃣ الحل الأول : تبيع بش تنجم تشارك في الكاف و البطولة الموسم الجاي و إلي أنا ضدو بالطبيعة 🙄

2️⃣ الحل الثاني و الأمثل: هيا سيدي أهو الصحيح ماكم تحبو ستاد يهز 60 ألف و قلتو تعابيوه عندي إقتراح منها نأكدو للدولة إلي أحنا نستحقو ستاد يهز 60 ألف و منها نخرجو جمعيتنا من الأزمة هذي ...

✅️ الإقتراح: نعتبرو روحنا عندنا نهائي في رادس و لزمنا نعبيو الستاد, الهيئة تحط على ذمتنا 60 ألف تذكرة و سعر التذكرة 50 دينار لا أكثر و لا أقل و المباراة مزالتلها 15 يوم نبداو من نهار إلي يهبطو نقصو في التذاكر حتى لو 30 ماي كان وصلو تباعو التذاكر الكل تدخل لخزينة النادي 3 مليارات (60 ألف 50x دينار =3 مليون دينار ) في وقت قياسي في ضرف أسبوعين نلقاو جزء كبير مالمشكل المادية تحل 🤝

نتصور هذا أفضل إقتراح و عاش النادي الرياضي الصفاقسي 🖤🤍🖤🤍

💡 نزار عقربي

14/05/2026

مقابلة كرة و كل واحد يحارب على جمعيته 90 دقيقة و نحب نربحك كل طرح وكان لزم بScore اما بالكرة و نعمل عليك جو كيف نربحك

اما موش وقيت تتنحى غنايات الجهوية المقززة و اللي فيها مس من الجهات هاو صفاقسي بيه هاو ساحلي عليه و سب الام في ملاعبنا بسبب او من غير سبب راهو عيب من الشيرتين؟

تحكي مع هاذم يقلك هوما سبونا قبل و العام هذاكا ضربونا و غارو علينا و في الVolleY دارولنا و فكلونا و Rivalité و موش باش تفصلها...

ربي يهدي ما خلق
منقول

13/05/2026

أغبى قرار تنجم تاخذو الساقية إنها تخرج من ملعبها و تحول للطيب المهيري و هذا ما يتمناه أغلب الفرق المنافسة و قاعدين يحاولوا يجروكم ليلو.

زعمة كيما تجيب الترجي في ملعب السبعي كيما تجيبها في الطيب المهيري عشب طبيعي و في الconfort يعاونها باش تلعب كرتها عبارة في رادس ؟

فما جمعيات عملت تقاليد في الوطني أ و نبتت عروق ، موش على خاطر عندهم إمكانيات و إلا فلوس و إلا تسيير محكم ، لا على خاطر ملاعبهم صعبة المراس على غرار المتلوي و بن قردان و إلي يجي غاد لازم يلعب ضد الملعب قبل المنافس.

علاش يعجبني بوحوش على خاطرو فاهم الطرح ، مكبش يلعب في زويتن رغم إنو معلوم كراه غالي موش على حاجة ، على خاطر يعرفو ملعب غداد و ما ينجم يلعب فيه كان المستانس بيه، رغم إنو ينجم يلعب في أي ملعب آخر في العاصمة و بأقل التكاليف.

الساقية إذا تحب تضمن البقاء الموسم المقبل بالمرتاح ما لازمش تخرج من ملعبها ، و ما لازمش تنساق وراء الدعوات الخبيثة.

بالنسبة للطيب المهيري نخليوه للدربي بيناتنا ذهاب و إياب و يكون عرس كروي.

أما الفرق المنافسة لازمك تجيبهم في السبعي في الحفرة و تبهذل بأحوالهم خاصة هاكا الزوز حوم.

13/05/2026

13/05/2026

السيد هذا في ظرف شهرين
طرد زوز مدربين
قرع للعربي سفنارية
طرد وليد قرفالة
خرج المختار التليلي في شورت
جاب بطولة للافريقي بعد 11 عام 🤣👌
كان ازيد عويم اخر الترجي معادش تحلم بيها الشمبيونزليق وتترسم عند الافريقي
هذا الكللللل موش باش اخلينا ننساو
But confirmé ya fraj 👌
الجملة هاذي باش تقعد في التاريخ كيف الجملة اللي قالها هاك العام زياد الجزيري :
تونس الكل تعرف 👌
فم اقوال مع مرور الوقت تولي اقوال ماثورة
ومبروك لساقيتنا الصعود للرابطة الاولى
وديما النادي الصفاقسي العريق يبقا في القلب 🖤🤍

12/05/2026

ساقيتنا مشرفة صفاقس و متقدمة 3-0 على هلال الرديف في 15 دقيقة لعب.

مبروك الصعود للساقية و الخدمة للرابطة الاولى لازم تنطلق اليوم و تدعيم الفريق بلاعبين بارزين و المحافظة على ابرز الاعبين

في صورة التفريط لازم يكون فقط خارج تونس او للنادي الصفاقسي

11/05/2026

و لا حياة لمن تنادي

10/05/2026

🚨 مذبينا مكتب الرابطة يسلط العقوبات اللازمة قبل الجولة الأخيرة فما أكثر من لاعب خاصة مالترجي ينجم يتعاقب لأكثر من 4 - 5 لقاءات.... الاعتداءات واضحة و الفيديوات ما شاء الله 🤷‍♂️

04/05/2026

⚠️لحظة إصابة مدرب ساقية الداير يسري بن كحلة على مستوى الرأس من قبل جماهير الملعب الڨابسي
لهنا على الرابطة تطبيق الفصل 56 وهزيمة الملعب الڨابسي جزائيا 2/0
ننتظرو عدم المحابات و شكرا

04/05/2026

الكوتش يسري بن كحلة عاوده الألم على مستوي الرأس وهو الآن في المستشفى تحت الرعاية الصحية 😓

حسب تصريح ثامر المكور الحكم كان قيد القاء القوارير مما تسبب في اصابة المدرب قبل ثواني من الصافرة النهائية

من المنتظر أنو اللجنة القانونية ماش تاخذ شهادة طبّية إثر الفحوصات والكشوفات التي خضع لها المدرب هناك ماش تستعين بها في تقديم احتراز اعتمادا على الصور التلفزية و تقرير الحكم و ماش يلتجؤو لتقارير المراقبين زادة وذلك طبق الفصل 56 من المجلّة التّأديبية للجامعة التّونسية لكرة القدم اللي ينصّ على أنّ أيّ اعتداء على أحد الرسميين في الملعب يعرّض الفريق المضيّف إلى العقوبة التالية:
▫️زم الفريق المعني جزائيّا.

▫️خوض 3 مقابلات في ملعب محايد بدون حضور جمهور.

▫️خطيّة قدرها 20 ألف دينار.

وتنظر الرّابطة في الملفّ من تلقاء نفسها دون اعتماد إثارة أو احتراز من أي فريق
نتمنى السلامة للمدرب يسري بن كحلة
و إن شاء الله الرابطة تنصف الساقية 🤲
في انتظار الجلسة اللي ماش تتعقد مع المسؤولين نهار الأربعاء...
و اللي ما شافش اللقطة اوكي في اول كمنتار 😉