Club Africain : Actualité Infos Analyse

06/04/2026

نبينا و صلينا عليه ؟
ايا سيدي احنا النادي الإفريقي اصحاب المرتبة الثانية بنظام البطولة متاعنا ( نفس النقاط مع صاحب المرتبة الأولى )
عملنا 24 مقابلة جبنا 54 نقطة في 12 في رادس و 12 à l’extérieur عملنا نفس النتائج ( 8 ربح و 3 تعادل و خسارة ) و هذي مفارقة و الجمعية الوحيدة لي عملت الأرقام هذي ! كي نغزرو للي مازال
🏠القيروان -الملعب التونسي-الأولمبي الباجي
✈️المستير -سليمان -الترجي
هوما
🏠 جرجيس-صفاقس-الإفريقي -
✈️بنزرت-العمران -بن قردان
ملخر مازال ما تلعب شيئ! اما فما ألعاب قبل الدربي تنجم تأثر علينا و عليهم 😉 الخدمة مش في الTerrain بركة و مش منافسينا حتى منافسيهم و هذيكا قوتهم و مستانسين وًمن قبل مش من تاوا 👌

02/04/2026

والله الإدارة متع الحمودي بش تجيب اخرتها والله 😂

باسم بلعيد حكما لكلاسيكو النجم والترجي

01/04/2026

الزدمة لي عملها جمهور الإفريقي على المدرب السابق خلاه يخرج عن صمته و يتوجه للناس الكل بالكلام هذا لي كان إيجابي جدا !
في المقابل السؤال لي يفرض روحو هي مهمة المسؤول شنية ؟ تسيير ، تيسير بأخذ قرارات … و المشكل لي نفس المسؤول لي جاب Andreas Wagner هو بيدو لي نحاه بعد ما هز معاه الكؤوس و ال Super و الاهم البطولة لي تهز لل BAL
علاش ما كملش… علاش الناس لي تفهم في الBasket تقلك لي المدرب الحالي هو واحد من أسباب مشاكلنا …
سامي بالقاضي ما عليه كان يعمل Point Média يفسر فيها برشةً حاجات و إلا راهي الكلامات و الإشاعات و الأخبار المسمومة و الناس لي تصطاد في الماء العكر راهي في دورة في تفسد الأجواء و ال Groupe

28/03/2026

الناس ماعاتش صابرة… الخسارة ليوم يحبو يهدو بيها خدمة متع عامين متع reconstruction متع Groupe باهية في ال Hand رانا كملنا اللوالا ( بالاحتراز صحيح) هذيكا اللعبة (على فكرة Budget الترجي قدك 7 مرات ( نعرفو شنقولوً) اما كي تجيك الفرصة بش تذبحهم ما تضيعهاش .. ليوم ضيعنا على رواحنا فرصة البطولة على بكري … اما راهو مازال ما تعلب شيئ رجعنا قد قد ليوم
و ليوم لعبةًجديدةًوًبطولةًجديدةً فيها ماتش دربي بال GALA متاعنا نربحو نهزو البطولة … الكورة عندهم الملاعبية ليوم

28/03/2026

بس نجيبو طرح ال retour على خاطرك انتي بالذات 👌
نعرفوك كيفاش تعيش ! حتى كي ترقد و تقوم … تصبح و تمسي بالأفريقي مهما صار و مهما هزيت titres و ربح دربيات !
عقدتك لي عمرها ما بش تتحل 😉👌

23/03/2026

صباح الخير الناس الكل ، برشة مالناس ما قراوش حساب حساب كي شدو الراجل هذا في تركينة وً قتلوه بال matraquage قريب يحطموه و زادو خلاو جماهير الفرق المنافسة تلقى ما تشعل النار و تزيد الظغط … #المرناوي مش ليوم بش نردوه ما يعرفش و عنا 4 سنين نتمناو فيه معانا … مش الليوم خاطر manque de réussite و لا هو en baisse يصير معاه هاكا و نحطمو واحد مالعرص متع الbasket في تونس ! اما جمهورنا لي اكثرية ما عندوش مع رياضات القاعات و البسكات يتبع تتبيع و page على زور على وحدة اخرة تولي polémique و نخوظو جمهور كامل اكثر من شطرو ماهو فاهم شيئ !
ليوم مقابلة décisive للعام هذا
علاش !؟ خاطر البطولة اهم لقب يلزمك تحافظ عليه علاش !؟ خاطر هي لي تظمنلك المسابقات الكل و المكانة الاهم على الصعيد الوطني و القاري …

22/03/2026

تزامن مع خسارتنا ليوم … هذي تدوينة إسلام المدب و المرتزقة لي معاه في Sans Gants !!!
حطب جهنم … ان شاء الله لكل فتان 🙏🏻
قولو آمين 🤲

ترتيب مساهمات أعضاء الهيئة المديرة للنادي الأفريقي على منصة All4one

22/03/2026

سي فوزي مدرب رباح و اي جمعية يشدها يحطها على السكة … اما هذا ما يعنيش انو Intouchable و ما ينتنقدش في خياراته … المستير متع ليوم في حتى ظروف ما تربحناش… خير منها في كل شيئ … غير التفلسيف ليوم سهل عليهم الماتش … ليوم يظهلي الناس الكل لاحظت المشاكل الكبيرة في الوسط و الهجوم … عملنا جمعية واضحة les 11 de départs متاعها كل ماتش تصير فلسفة تخسرو mi-temps !
👈🏻ليوم صادق محمود Titulaire علاش و هو ناقص compétition و temps de jeu !
👈🏻الشريمي لي 4 ولا 5 ماتشوات الاخيرة بناك نلقاوه Titulaire ؟ علاه ؟ ارقامو و ال rendement متاعو خير من سايدو خان ؟
👈🏻 الحرزي كل ما لعب في وسط كان مايسترو و 10 كلاسيكي يعاون و يسربي في الكور و يصلح تقول ترميه في couloir و تخلي كيزومبي عالبنك و مبعد تهبط المسماري ( ailier gauche) عاليمين المهم كيزومبي لا ! الخضراوي بدى يسار ما نجح رجع يمين ما نجح ( نحكيو ليوم ) ! مخليه للوقت هذاكا علاه !؟
👈🏻بوقرة بدى ياخو في temps de jeu و مركى و confima في الماتشوات لي تعدات تخليه عالبنك وقتلي كنت تنجم تبدى بيه و الخضراوي عاليمين الحرزي 10’( كيما ماتش المتلوي ) و مشات صحيحة و الناس شاخت كورةً!
👈🏻الصادق قديدة لي كل ماتش يقعد للدقيقة 83 و 85 بش يهبط بش نلقاوه وقت نستحقوه ولا كي يبدى. فراس شواط مش في نهارو كيما ليوم !؟
والله القلب معبي اما التفلسيف ليوم خسرنا في Titre ! ليوم خسرنا Titre رانا مش ماتش récupérable !! راهو الكاس من 8 سنين ما هريناهاش ! و السنة جمعيتها قادرة كانت تروح بيه تفرح بيه الناس و تفك عزلة الألقاب متع السنين لي تعدات الكل ! غير الله يهدي STAFF و ملاعبية!
هذا ما يعنيش لي ماتش قابس الكلنا في الStade و في الفايسبوك مع جمعيتنا في الخايب و الباهي و مدافعو عليها قدام الطحانة و الي قاعدين يصطادو في الوحل و الماء المسخ ولي بش يكثرو مع اول défaite في الأمتار الاخيرة في الموسم … مازلنا حييين و الخدمة متع السنة ما يلزمهاش طيح في الماء كي كل عام و نبنيو عالموجود و نصلحو و بقدرة ربي الثنية الصحيحة احنا فيها و بش نوصلو مهما طالت الpériode

22/03/2026

أنا ما نعرفش علاه ال Staff متاعنا في الفترة الأخيرة و خاصة بعد المركاتو متع الشتاء كل مرة يخسر mi-temps
كيزومبي-بوقرة -سايدو خان عالبنك !؟ و الحرزي نخسروه في الوسط !؟ معناها خاسرين الوسط والphase offensive متاعنا على طول … و مع هاذاكا كنا نجمو نكملو ال mi-temps رابحين ! ( 3 فرص لشواط ما يضيعوش …و ضاعو !
اما مع الخور هذا الكل بش نترشحو !😉👌

18/03/2026

مش هذا لي صحح غادي ؟ 😅

10/03/2026

الحكام غلطو في طرد الملاعبية الزوز من الفريقين … ايه ؟
نعاودو المقابلة حسب ال fédération !!!
تو هاذم مسؤولين !؟ آش مدخلنا احنا ؟ رابحين ماتشونا!علاش نعاودو فيه ؟ و الحكاية غلطة مالحكام و على الزوز الفرق و الجامعة قالك شافت الفيديوات من caméra مش officielle
تو normal هاذم !!