07/03/2017
الي زارع في مخوا ثقافة الاحباط عمروا ما ينجح و يما بطولات تفكة بفارق اكبر من هذا بطولة الرباعية الي هزيناها كان الفارق 13 نقطة و بطولة 2007 كان الفارق 7 نقاط
البطولة موش زروز ماتشوات دربي وكلاسيكو الي الرزنامة حطنا فيهم قلتها سابقا و أعيدها انها رزنامة احباط للجماهير ثم احباط للاعبين و الاطار الفني و سيتم توضيفها اعلاميا و نرجعوا لسيدي المجروح متاع الافريقي في ازمة و الافريقي غير قادر على مجارات نسق البطولة و الافريقي لا يملك زاد بشري ؟؟
ايا سيدي لكم تحليلي الشخصي و المتواضع من خبرة سنين الكورة الي خضتها و لو لا ولد سي فلانة و سي فلان لكنت احد نجوم 2001
الافريقي الأكثر رصيد من حيث تقارب المستوى في نفس الخطة عندك ثلاث لاعبين ارتكاز في خطة رولييار هو يحى العيادي و الدخيلي و عندك ثلاث لاعبين ارتكاز فكاكة الغندري و خليل و الوذرفي
عندك ستة لاعبين في وسط الميدان من افضل ما يكون و معاهم افضل صانع العاب حاليا في تونس الدراجي ؟؟ و تصدقوا في الاعلام انو ما فماش رصيد و ان خط الوسط تاعب ؟؟ هو صحيح تاعب لكن موش الملاعبية الي امكانياتها تاعبة؟ لا صراحة اختيارات الليلي في الدربي و الكلاسيكو هي الغير مدروسة لانوا تمشي معاك التركيبة متاع ثلاث ملاعبية خصال بيفوا فكاك و رولييار مع ڨابس و حمام الانف و باجة و غيرهم لكن تاكل كف بيها في الدربي و صفاقس و سوسة ؟؟؟ تم انقاض طرح صفاقس و قام بتعديل الاوتار في اقحام الدراجي و قد قلب هذا الاخير الطرح لصالح الغالية ضربة جزاء و اسيست لخليفة و بدوره لروزيكي.... طرح الدربي اخطأ في تقديره لكل العوامل اولا عامل الجمهور و الحكم حيث انه يعلم مسبقا انه سيلعب ضدهم ثم هو يعلم جيدا انه لعب 120 دقيقة ضد بنزرت ثم قام الفريق بمجهود جبار ضد الصفاقسي ؟؟؟ كل هذه المعطيات و تددخل المبارات ب خطة 4*3*3 ؟؟؟ بأي منطق تلعب بثلاث بيفوات في دربي فيه كل تلك المعطيات بدنيا ما ينجموش يلعبو 90 دقيقة و هوما يدافعو و يغطيو بالطول و العرض؟ فنيا ثلاث بيفوات مساكن حدهم حد فكان كورة و تتظيفها بناء الهجمة بعيد عليهم، موش صنعتهم خاصة مع جمعيات < كبار> آش صار هوني نفس الخطأ الي عملوا اليعقوبي في طرح دربي الكوب فرغ وسط الميدان و كعبرها لروحوا و خلا خط الهجوم في عزلة حيث انك كي تلعب بثلاثة ملاعبية في الوسط و انت ما تكسابش فيهم صانع العاب الي يبني الهجمة آليا باش تلقى روحك ضايع و تعب ملاعبيتك و تلهثهم في الفارغ و الأسوء هو أنك تلقى روحك تعاون في الخصم و تسهلوا في الطرح و هذا الي صار في طرح الكوب مع اليعقوبي و طرح صفاقس و الدربي و النجم مع الليلي.....
تحب تلعب 4*3*3 القاعدة الكروية في العالم لكها تقول لازمك تلعب بيفو فكاك + (روليار& فكاك ) + صانع ألعاب و مع هاذم لازم يكون عندك ديفاع صلب بأتم معنى الكلمة بطبيعة أحنا عنا الشيئ هذا !! و لازم يكونو لاعبو الهجوم عندهم نجاعة هجومية رهيبة كيف كيف أحنا عنا الشيئ هذا !!! ما كش الريال و ماكش البايارن و ماكش البرسا ياعباد ربي 4*3*3 راهي متاع أندية عالمية و متاع ملاعبية اطير طيران بدنيا و فنيا و دون هذا لكل لازم تطبق بقواعدها خاصة في خط الوسط القواعد 1 بيفو فكاك 1 بيفو روليار أو ما يسمى بفو بيفوا و صانع ألعاب إنته الدرس بالنسبة لخطة 4*3*3: ملاحظة الي يحب يعمل مقياس ما يقليش هاو ضد المرسى و هاو ضد جرزيس و هاو ضد حفوز!!؟ الي عندوا مقياس لاطراح لعبناهم ب 4*3*3 ونجحنا فيه ضد الفرق ( الكبرى ) يفكرني و قبل ما يفكرني نحب نقلوا نحكي على 3 بيفوا في الوسط......
نرجعوا لموضوعنا و أخطاونا من أخطأ الماضي الي موش باش تغير شيئ موضوعنا هو هل أن الإفريقي قادر بالمجموعة هذي إنوا يتوج باللقب الإجابة هي أنه قادر و موش بالكلام بل بالأرقام و المنطق رغم أنه كرة القدم ليس بها منطق. كيف ذلك ؟ ====>
سبق و أنوا حكينا على الرصيد البشري الموجود و قلنا عنا ملاعبية ممتازين خاصة في وسط الميدان.
1 إذا أحنا مكتوب علينا باش نلعبوا 4*3*3 يا خويا المطلوب فقط أنها تكون صحيحة و قلنا شنية خصال كل لاعب إلي لازمها تتوفر
2 عنا زوز أطراح في رادس و قادم جمهونا بن قردان و المتلوي هاذم ما فيهمش بيع و شراء
3 طرح صفاقس هو طرح البطولة بالنسبة لينا الطرح هذا هو البطولة يعني لا تكتيك و لا والوا الرجلة و الڤرينتا
4 ٱش يبقى زوز اطراح الدربي و الكلاسكوا أطراح الجمهور ورد الإعتبار من الملاعبية لشخصهم
5 بن قردان و المتلوي لبرا زوز أطراح صعاب لكن موش على الأفريقي لو كان نبعدوا على الفلسفة
