05/05/2026
توصل تحلف و تحط يدك على القرآن خاطر كورة جلد مدورة
لهنا ستوب معادش فيها حبسوها يزي
الحمد لله مستير ستة سنين تنافس عالبطولة بكل جدية و لآخر رمق و خرجت أحسن ملاعبية توا ينشطو في البطولة و دخلت أحسن أجانب لتونس و لعبت كورة نظيفة ما هزيناش البطولة صحيح و قعدت غصة في قلوبنا أما كسبنا إحترام الجميع لا بكينا لا شكينا لا إحترازات لا دمغات لا بلاتوات فتنة
السنا ما نافسناش بجدية عالبطولة تعدينا برشا مشاكل مادية بالأساس تلزينا نبيعو جوراتنا للفرق لنافسو فيها بعنا للترجي كيما زادة بعنا للإفريقي بالرغم كجمهور ماناش راضين على سياسة تفريغ الاعبين
فزنا على الترجي و تعادلنا مع الإفريقي و إحترمنا الميثاق الرياضي لا أكثر لا أقل
للأسف لنشوفو فيه توا غير عادي و ربي يهدي الجميع
