13/07/2022
تعالي تعالي اسمعي مني وادعيلي 💁😅
اشفطي بطنك وانتي ماشية وانتي قاعدة هتتشد وتلم🙋
بلاش فكرة الدايت اللي كل يوم هتبدأي من بكرة انتي واصحاب الكرش اصحابك وابدئي من دلوقت🙆😂
بلاش تسمعي كلام صحابك دايت 50 كيلو في اسبوع ده مش دايت ده انتحار 😂
بلاش الدايت الاسلامي تاكلي محشي وكشري وتقضيها رمرمة وتدعي ربنا تخسي تفتكري ربنا هيرضي باللي بتعمليه في نفسك 😂🙆
بلاش مرار وكل شوية عياط واكتئاب كدة مش هتخسي وكرشك هيبقي مترين قدامك🙅😢
بلاش ماتكليش حاجه علشان تخسي كدة هيجيلك جفاف يا قلبي وهتقعي من طولك ومستشفيات ومحاليل ومرار بلاش طرق التخسيس الغير شرعية دي 😂
بلاش محشي الحاجة اللي عامل زي القنبلة ده وتقولك مقلله الارز بتكدب عليكي 🙅
متدبيهاش وتنامي كدة كرشك هيدعي عليكي🙅
متناميش 14 ساعة في اليوم 8 حلوين من 12 الي 8
بلاش جو السهر ومبعرفش انام بدري والجو ده دي 🙆صحتك اهم من الرغي
كلي اكل صحي بلاش جو كيت كات وجلاكسي اللي 😇😇هيوديكي في داهية
بلاش تقعدي تلزقي في الكرسي خليكي خفيفة واتحركي😂
بلاش تاكلي في المطبخ وانتي واقفة الاكل مش هيطير بطلي طفاسة😅
متشربيش حوارق الكرش😂 (كمون-جنزبيل_قرفة) ووصفات الحل السحري وانت قاعدة طول النهار في المطبخ بتاكلي 😁😁😁
💁اشربي مياه كتير اوي قد ماتقدري والله مبتعملش كرش
بلاش ماك وكريب وعك بطلي اكل الجامعة والرمرمة
وبلاش تاكلي بسرعة والله مش سباق اكل كلي علي مهلك
خلي الفاكهة والخضار دايما في اكلك علشان الفيتامينات🙆👌🏼
بلاش تدلقي الملح والسكر علي الاكل استخدميه بحذر ❌
هاتي ٢ كيلو تفاح كل يوم تفاحة بلاش كرواسون وكيك💪🏽💃
اقولك حاجه سر التخسيس في 4 حاجات:💃
١-نامي واصحي بدري نامي 8 ساعات مش 6 🙆
٢-نظمي سعراتك متاكليش بالبركة🙋
٣-اتمرني كل يوم ساعة مانتي بتقعدي على النت 15 ساعة في اليوم مش ساعة التمرين هي الي تقيلة عليكي اوي 💪🏽✔️
٤-راحة نفسية مفيش حد هينفعك إلا نفسك
♥️
