31/07/2026
إن شاء الله تتفرجوا في الفيديو هذا بروح رياضية. عملتو باش نصفي القلوب ونقرب وجهات النظر، موش باش نكبر النفوس ولا نعمل خلافات. أنا ولد الملاكمة، كبرت وترعرعت فيها، وما عندي حتى هدف كان نشوف الملاكمة التونسية ترجع لمكانتها وتوصل للعالمية.
هذا علاش ديما نتكلم في فيديوهاتي ونحاول نقدم أفكار بناءة، موش باش نرجعو بالملاكمة للوراء.
غدوة، إن شاء الله، مع الثامنة متاع الليل، نستنا تفاعلكم ومداخلاتكم باش نتحاورو بكل احترام ونخرجو بنتيجة باهية تخدم مصلحة الملاكمة التونسية. ونتمنى زادة المسؤولين يشاركوا معانا ويحكيو على برنامجهم وخطتهم للمرحلة القادمة.
ربي يوفق الجميع، وإن شاء الله تكون جلسة فيها الخير ونخرجو منها بأفكار تخدم رياضتنا العزيزة.
