12/08/2026
ملف صدام بن عزيزة .. أغلق نهائيا وإلى الأبد 🔥🔥🔥
🎗️ الحمد الله 🙏 جماهير ليتوال ما رضاوش بالهدف المرسوم وواصلوا الهبّة لين قدرنا نع بعضنا نحققو زوز أهداف جديدة لكنها بالغة الأهمية:
- الهدف الأول: قاعدين نوفرو في مداخيل إضافية للنادي بعنوان التسيير .. وهذا شي على قدر كبير من الأهمية لضمان ديمومة الفريق 👌
- الهدف الثاني: قاعدين نغلقو في ملفات بصفة استباقية بش ما تصبحش في المستقبل نزاعات تمنع النادي من المشاركة في مسابقات المواسم القادمة أو تمنعو من الانتداب 🧿
🔖 جمهورنا العزيز، إلى حد الآن أغلقنا 4 ملفات إضافية (الأول يتعلق بالقسط الأول من ملف اللاعب "جاسر الخميري"، الثاني يتعلق بالقسط الأول من ملف اللاعب "يوسف العبدلي"، الثالث غلق ملف وكيل الأعمال "كمال الأحمر" نهائيا، والرابع غلق نهائي لملف اللاعب "صدام بن عزيزة") 🔥🔥🔥
🎗️ وكيما تعرفو بخصوص الملف الرابع جملة الدين تبلغ 500 ألف دينار و"صدام بن عزيزة" مشكور كان وافق على الحصول على مبلغ 300 ألف دينار وتقسيط المبلغ المتبقي على 4 أقساط.. وبما أنو المداخيل اللي وفّرتها مجانين ليتوال فاقت الأهداف المرسومة إرتئينا استباق عملية الخلاص وغلق ملف اللاعب نهائيا وإلى الأبد وهذا ما تم بفضل دعمكم الأسطوري 🔥🔥🔥
❎️ جمهورنا العزيز هذا إنجاز مش بالهيّن 👏 تحية لكل من شكّك لحظة في وفائكم 🫣 تحية لكل من اعتقد أنو ليتوال دار ما غير رجال ونساء يوقفولها 🤐 تحية لكل من انتظر اندثار هذا الصرح ونقولولو أرجع غدوة 😎
🔖 ربي يخليكم يا جمهور ليتوال... إنتوما الADN⭐️
⛔️ للمشاركة في الحملة واقتناء الاشتراكات أو لتقديم تبرعات يمكنكم الدخول على الرابط التالي:
https://litiges.etoile-du-sahel.com/
