28/06/2022
Présidence Tunisie رئاسة الجمهورية التونسيةPrésidence du Gouvernement Tunisien - رئاسة الحكومة التونسيةعار وعيب علي دولة عندها رئيس حكومة ورئيس جمهورية في بلاصتكم نحاكم كل مسؤول علي قلت احترام المريض وقتلي نشوفو التوانسة كيفاش يعاملو فينا الأجانب في بلادهم تقول نعيش معاهم ولا في بلادنا 😡😡الوزراه الي ماعندهمش جهد باش يسيطرو علي مئسساتهم ديارهم اولي بيهم 😤😣
🔴🔴مستشفى صالح عزيز تونس
موش أنا كنت قابلة المرض و شايخة و أنا باش نعمل عملية؟
أنا اليوم قررت نخلي الكونسار ياكلني و مستحيل نعمل اي خطوة للعلاج و هذا الكل بفضل سبيطار صالح عزيز.
اليوم عطاوني موعد باش نرقد مشيت مالفجاري و القاعة معبية كدس ناس باش ترقد الي جاية من قابس و الي جاية من سليانة و كل حد من بر خذاو علينا ورقة الموعد و قالونا تستناو 11 نعيطولكم قلنا ميسالش سخانة و مرض التعب مخلوف.سي الرحال وقتاش يجي؟ 13 بالطبيعة بعد ما كمل خدمتو في الكلينيك قاللهم هاتو الدوسيات نعطي فيها قرار.
14:30 بداو يعيطو بعثوني الطابق الثالث.قالولي لا ماكمش باش ترقدو نحنا عطيناكم موعد باش نقولوكم راهو لازم تعملو تحاليل و تصويرة عالصدر و روحو توا نطلبوكم!!!!! بالله و الكلام هذا علاش ماتقولوهش ملول قلك هذا الي فما و الي ما عجبوش يطير.
فتكم بالحديث وخيتكم عندي اعاقة في ساقي و عندي 26 يوم نزيــــ ـف من جرة فيبروم في الرحــــ ـم و د م 8 و سكر 0.71 نهار بعد نهار في الطبيب.
وليت نبكي و قلتلهم نحب نقابل هذا الرحال الي يحط في البرنامج. فما فرملي قلي توا تضــــ ـربلو على الطيارة و واحد قالي تروح و تسكر فمك كبشت و من فم ايا دخلني اش يقلي؟" ياخي تحب ترقد تأكل و تشرب على حساب السبيطار؟ قتلو دكتور و النزيــــ ـف راني شربت الدوايات الكل شي ؟ قلي "شنوة المشكلة انــــ ـزف"
فما طبيبة قالت شبيها هذي تبكي و تمخط.
يا دكتورة هذي الي تبكي و تمخط كانت باش تعمل في طفل الانبوب و هذا دواء مالكنام و اهوكا كل ماتحل الفريجيدار تلقاه تقوم تبكي خاطرها موش باش تستعملو ؟
هي الي تبكي و تمخط يا دكتورة قريب تبيع دبشها باش حضرتلكم ا رم و سكانار الي قلتولي لازم يحضرو في جمعة
هذي الي تبكي و تمخط يا دكتورة رملة كيف تقولولها أمشي لعين زغوان باش تعمل بيوبسي و أمشي للمنزه خوذ بروتاز فيسع و أمشي في نهارهم صبهم في كنام حمام الأنف تصرف 60 د تكسيات خاطر ماتنجمش تطلع في الكار و الميترو و متسلفتهم زادة.
هذي يا ملائكة الرحمة الي تبكي و تمخط داخت في الطاق الثالث مالنــــ ـزيف و السخانة و دموماتها في القاعة و ترد و ما تلفتلها حتى طبيب و لا فرملي كان من الناس الي كيفي هزوني.
هذي الي تبكي و تمخط تسيب علاها كلب بولــــ ـيسية مربي في حومتها قريب كلاها نهارت الي جاتك أنت و دكتور بن ناصر نهار الجمعة وقتها خارجة 4 و نصف متع الصباح لولا لطف ربي لين رديت د م مالفجعة
هذي الي تبكي و تمخط المرض قضالها على حلم الامومة
هذي الي تبكي و تمخط عروسة عام يا دكتورة رملة مارات شي مالدنيا
هذي الي تبكي و تمخط يا انسة رملة اليوم دخلت تضحك لموعد العملية خرجت و قررت تستسلم للمرض و لا تستسلم للذل متاعكم و قلة انسانيتكم.
#الكونسار ينجم يكون رحيم بيا أما انتوما لا
منقول
