Carthaginians قرطاجيون

30/06/2026

Mille bravos ! Vous vous êtes honorés vous-mêmes ... et vous avez honoré le Maghreb tout entier.
يعطيكم الصحة .. شرفتم انفسكم و شرفتم المغرب العربي الكبير و شرفتم العرب ..

27/06/2026

برافو و الف شكر لبن حميدة ...
أولا لعبت بكل رجولة و بكل روح ..
ثانيا لمواقفك الشهمة مع الاعبين الشبان في المنتخب .. و دورك الجيد داخل المجموعة دون حسابات .. خاصة موقفك مع مهيب الشامخ لترميم معنوياته..
انت اليوم كسبت كل إحترام التونسيين ... لأنك لست كنبان ..بل صاحب عقلية نظيفة .. انت قائد حقيقي .. و مع ذلك لا تبحث على القيادة ..فقط تبحث على ما ينفع المجموعة .. و ليس لديك شيء في عقليتك اسمه إختلاف الالوان .. بل لون واحد وهو لون المنتخب ..
ألف شكر يا بن حميدة ...

27/06/2026

كل المساندة للاعب الموهوب خليل العياري بعد ما حصل له بعد مباراة بلجيكا من طرف بعض لاعبي الخبرة الذين لم نرى منهم أي خبرة ... هم فقط كراكات متاع تكنبين..
لذلك لم يلعب العياري حتى دقيقة في أول مونديال له ..
لكن عليك يا خليل بالتحلي بروح التحدي و مواصلة العمل بكل قوة و صبر ... و خذ الامر من الناحية الإيجابية و كن إيجابي و ستعود من جديد و نستمتع بموهبتك .. و ستكون بإذن الله أيقونة عالمية .. فقط واصل العمل بجدية و أصلح بعض الأشياء التي تخص طريقة لعبك ..و الله يكن في عونك...

26/06/2026

يا مستوري أشنوا زادا انت ها التصريج ؟؟!!..توا هذا كلام؟.. .. يا مستوري ياخي علاه تقزمو في الشبان الجدد .. يا مستوري ياخي انتم الكبار في العمر آش عملتو في كاس افريقيا و كاس العرب ؟؟... يا مستوري الشبان هام مالعبوش .. العياري مالعبش.. النفاتي مالعبش ..آدم عروس مالعبش .. اللومي مالعبش .. تونكتي لعب بعض الدقائق في الثلاث مباريات .. حسب مافهمت انتم تحبو انتم الكبار في العمر تسجلو حضوركم في كاس العالم و مايهمكمش في النتيجة .. السخيري و الطالبي و العاشوري الضعاف يلعبو على خاطرهم اصحاب الخزري .. هذاك علاه العاشوري لعب و العياري لا.. على خاطر رونار ما يعرفش الملاعبية ثم اشكون يفرق في البالايص خاطر رونار مازال ما يعرفش ..حتى برون وصل لعب ... آش تقول ها مستوري .. و الله عيب عليكم ..هاكم نفس الفريق ..الكبار في العمر ..موش في اللعب .. و تجي تحطها في الشبان لمالعبوش جملة .. في بالي عاقل يا مستوري ..و الا تبع في غيرك و بره .. فك عليك فكر مليح و اعرف آش تقول.. ملا قالو هانا حكينا مع المدرب و قلنالو مايجيش تبديل المراكز ..اول مرة نسمع بملاعبية يدربو في مدربهم .. غرايب ..

25/06/2026

أكثر تصريح مستفز هو تصريح إلياس السخيري :" ماعناش مستوى گأس عالم ." .. يا خويا علاه ماشي ؟.. علاه تقول فيه توا ؟.. ياخي في بالك كل الفرق عندها مستوى كأس عالم ؟. و إلا ماشيين باش يهزو كاس عالم ؟.. ياخي مثلا كوراساو و هايتي عندهم مستوى المنافسة في كاس العالم ؟.. هام لعبو بالباهي ..موش مهم برشا كخسرو .. المهم عملو ماتشوات باهيين .. هذا هو مستوى المنافسة.. فيه درجات ... و الا حسب كلامك يمشو لكاس العالم كان 5 و الا 6 فرق ..
قول ضعنا و دخلنا في فوضى و ماتقولش ماعناش مستوى.. ..لحقيقة تصريح مستفز .. ياخي كفاش الناس كانوا يستنو فيكم و ساهرين و انتم في أمخاخكم مستسلمين؟!!! ...

21/06/2026

إن لم تستحي فافعل ما شئت يا علي العابدي... أصحابك الملاعبية لتحب عليهم و انت كان جيتو ملاعبية راكم نجمتو ارواحكم في كاس إفريقيا...
خلي هذا كاس عالم.. انت بيدك ماحقهمش يعيطولك لكاس العالم .. صلاح و حكيمي عمرهم ما تكلمو كيفك مع منتخباتهم ..تجي انت ماشفنا منك شي تحكي هكا؟؟!!! ..
الصغار لموش عاجبينك عملو ماتش باهي ضد كندا ..قبل مايبدى تربص طبرقة وقت لبديت انت و لكراكات لكيفك في تسميم الاجواء...
انت لهلكت المجموعة خاطرك ماكش قابل الملاعبية الجدد الصغار.. من كلامك باين قاعد تحطم فيهم في التمارين و الفيستيار .. خاطرك تحب على اصحابك .. كرّهت الملاعبية الصغار في ارواحهم.. لدرجة تونكتي ماعادش يعرف يجري بالكرة و سعد و غيرهم .. ياخي ما نعرفوش تونكتي؟؟!!.
هاك عاد وليت تعمل في مسرحية ...
ظاهر من تصريحك تعمل في لتحب عليه و ما يحكم فيك حد ..و رونار مازال موش فايق بيك....
أصلا أشكون ها الملاعبية الطيارات لتحكي انت عليهم لمامشوش لكاس العالم .. بيك واحد و الا اثنين تجبهم يمشو و آكهو و مجرد بغض منك للجدد.. الظلم موش باهي هانو حتى هو طاح فيك انت و لكيفك و خسرتو بفضيحة و دمرتو صمعة ارواحكم و صمعة المنتخب التونسي...

20/06/2026

La performance de Talbi et Abdi a décliné au fil des matchs sur une longue période, et ils ont été une cause de la fragilité de la défense.L'expérience est inutile sur le terrain pour un joueur dont les performances déclinent depuis longtemps. L'intérêt de l'équipe nationale exige qu'on ne lui garantisse pas une place de titulaire...

20/06/2026

علي العابدي .. كيف يتراجع مستواك.... راجع نفسك .. موش تدخل في حكايات تضر بيها المنتخب ...

20/06/2026

انتم تفكرو في مصالحكم و مصالح جمعياتكم موش في صمعة تونس الرياضية بين البلدان .. أبعدو بمصالحكم بعيد على المنتخب ..

12/05/2026