CA HAND

30/08/2026

❤️🇦🇹

28/08/2026

Socios Clubistes ♥️

28/08/2026

المنسق عزمي حمودة يعزز صفوف النادي الإفريقي قادما من الشمال القطري

27/08/2026

25/08/2026

اعتزال اسلام حسن اللعب نهائيا
في لحظات الوداع، تعجز الكلمات أحيانًا عن الإحاطة بمسيرة لاعب أعطى الكثير من قلبه وموهبته للنادي الإفريقي. اليوم نودّع لاعبًا حمل ألوان الأحمر والأبيض بكل فخر، وترك بصمته داخل الميدان وخارجه. إسلام حسن، شكرًا لك على كل لحظة، كل مجهود، وكل قتال من أجل هذا القميص. مسيرتك مع كرة اليد قد تصل اليوم إلى محطتها الأخيرة، لكن ذكراك ستبقى حاضرة في قلوب الأحباء وفي ذاكرة النادي الإفريقي. نتمنى لك كل التوفيق في خطوتك القادمة شكرًا إسلام حسن... وديما حمرا وبيضاء 🇵🇪❤️

24/08/2026

أكثر فرع متوج في تاريخ النادي الإفريقي
و الفرع الوحيد لي عمرو لا بعد على هوية النادي الإفريقي
30 بطولة 30 كأس

24/08/2026

منشور صالح لكل زمان ومكان

فرع كرة اليد النسائي٫ الفرع الأكثر تتويجا في تاريخ النادي٫ الفرع الأسطوري ٫ الفرع صاحب النجوم الثلاثة٫ الفرع صاحب الثلاثين كأس
الفرع الوحيد لي محافظ على بلاصتو في السنوات الأخيرة
الفرع الي طالما كان مشرفا وممثلا لألوان النادي وهويته
الفرع الذي طالما حارب الظروف الصعبة وقلة الإمكانيات وكان حضوره دائما في منصات التتويج
في المقابل موش مقبول وموش معقول يتم معاملتو بهذه الطريقة موش مقبول في 6 جولات يتم بث زوز ماتشوات كهو موش مقبول حتى تصاور الماتشوات ماهمش قاعدين يهبطو، من الجولة الثالثة ماهبطت حتى تصويرة، موش معقول 00 تغطية إعلامية للتدريبات
وقت لي المفروض يكون عندهم باج خاصة بيهم في العالم الكل ندعمو الناجحين ونحسنولهم الظروف بش يتقدمو ويطورو موش نعاملوهم بنكران الجميل
وإن شاء الله اخر العام كي العادة بش نراوهم في البوديوم

21/08/2026

رغم انتقادنا لرئيس الفرع حسين ڨندورة علي توجهات تخص فرع الأكابر.
أما مايمنعش بش نشكروه علي الخطوة الكبيرة الي عملها في إصلاح فروع الشبان .
حسين ڨندورة حل دوسي كبير ومتروك عندو سنين هوا دوسي أكاديمية النادي الإفريقي.
بسبب الظروف الصعيبة الي تعدات بيهم الجمعية ٫ فما أطراف عبثت وعاثت فسادا في النادي.
أطراف فيبالها النادي ملكية خاصة تعمل فيه الي تحب .
أكاديمية النادي الإفريقي توا سنين ينطبق عليها مثل" تسمع جعجعةً ولا ترى طحينا "
مصاريف تثقل كاهل الميزانية وأولياء تدفع في فلوس .
ولكن النتيجة لا شئ ٫ توا سنين مطلعناش ملاعبي يصلح للعب في فريق الأكابر ممكن آخر ملاعبي اسامة الرميكي
في وقت كان فيه الإفريقي هوا الممول الأول لكافة المنتخبات ليوم منتخب الأواسط مفيشو حتي لاعب من النادي الإفريقي.
فما زوز أشخاص سنين وهوما يتمعشو من الأكاديمية ويبتزو في الأولياء ويتصرفو كأنها ملكهم الخاص .
ليوم مع أول بوادر التغيير والإصلاح حسو الي مكانتهم في خطر ومصدر رزقهم مهدد .
حلو حرب علي رئيس الفرع والمدير الفني السيد عماد بن يحي الي مشهودلو بالكفائة وأخر ألقاب توجنا بيها في الشبان كانت تحت إشرافو .
نحن لا مصلحة لنا إلا مصلحة نادينا ٫ كي نشوفو عباد تحب تخدم رانا بش ناقفو وراها ٫ وكي نشوفو ناس تعرقل في الإصلاح رانا بش نحاربوها .
وفي رسالة مضمونة لزوز أشخاص معينين النادي ماهوش ملككم الخاص .

21/08/2026

4yx42r

تنجمو تدخلو من ال lien هذا:
https://fantasy.premierleague.com/api/leagues/auto-join/4yx42r
ولا بالكود:

16/08/2026

بصراحة غريب جدا وغير مفهوم ما قام بيه السيد حسين ڨندورة رئيس الفرع .
حسين ڨندورة إستلم فريق جيد جدا بشهادة جميع الفنيين فيه نواة تبنات عمناول باهية برشا
فريق هوا الاكثر تمثيلا للمنتخب في كأس افريقيا الاخيرة
فريق حرمه سوء الحظ (الإصابات )٫ القرارات الإدارية (تغيير منير حسن)٫ والمشاكل المالية من التتويج الموسم الفارط
فريق رغم كل الظروف الكارثية لعب لأخر ماتش علي البطولة.
فريق كان ناقص شويا تروشيك بزوز ولا 3 إنتدبات كحد أقصي مع إطار فني ممتاز ويكون قادر علي التتويج.
إش يعمل رئيس الفرع ؟ يفسخ هذا الكل .
يتخلي علي ركائز الفريق ويفسخ عقودهم ومجددش للي وفات عقودهم
لهنا المنطق يقول الي المنتدبين بش يكونو خير ملي خرجو .
لكن لا يتم إنتدبات ملاعبية أغلبهم صف ثاني وثالث ( بإستثناء 3 ملاعبية) .
ويتواصل التخبط والقررات الغريبة ويتم التخلي علي نص الإنتدبات قبل حتي بداية البطولة.
علي أي أساس صارت الإنتدبات؟ وشكون مسؤول علي الإختيارات ؟
يقولو التعلة هي سياسة التقشف ونقص الميزانية .
أما الي يحب يتقشف ميعملش 11 انتداب .
الي يحب يتقشف موش كان من الأجدر المحافظة علي 5 او 6 من ركائز الفريق والتخلي علي للملاعبية الي أجورهم ما تتناسبش مع أدائهم و يتم تعويضهم بتصعيد ملاعبية شبان كيما أحمد بن صالح ، يوسف لحبيب ٫ أمان الله بن شعبان و حازم غبارة .
وقتها تنقص في المصاريف وتحافظ علي فريق ينافس علي الألقاب
في سياق مشابه فرع كرة السلة أيضا نقصولو في الميزانية أما نجح بش يعمل توازن ويكون فريق ينافس مع المحافظة علي التوازنات المالية
إنك تكون رئيس فرع في النادي الإفريقي راك مطالب بش تكون فريق ينافس مهما كانت الظروف.
اليوم الميركاتو مزال محلول نتمناو يتم تدارك الأخطاء ويتم إنتداب ملاعبية كونفيرمي تعطي إضافة.