Keep Calm And Watch CAB

17/07/2026

جماهير النادي البنزرتي، لا تنسي من وقف مع النادي 💛

09/07/2026

المطلوب اليوم حل يحفظ حقوق الجميع، ويحمي النادي الرياضي البنزرتي من مزيد الأزمات. وعلى السلط المعنية أنها تتدخل وتلقى تسوية لهذا الملف، وعلى جماهير السي آ بي الرجال مش الشمات الوقوف مع جمعيتهم و معا الرئيس في الوقت الحساس هذا.

النادي الرياضي البنزرتي أكبر من أي شخص، لكن زاده ما يلزمش اللي يضحي من أجلو يلقى روحو وحدو وقت الشده.

ان شاء الله ربي يفرج عليك يا سمير و ترجع لبلادك و لعايلتك في أقرب وقت 🤲

08/07/2026

08/07/2026

🚨💛🖤 معطيات جديدة… وتصريحات منتظرة!

🎙️ سمير يعقوب، رئيس الهيئة التسييرية السابقة للنادي البنزرتي، يحلّ غدًا ضيفًا على الإعلامي حيدر الشارني، في حوار خاص سيكشف خلاله عن عديد المعطيات الجديدة والخطيرة المتعلقة بالنادي.

⏳ تفاصيل قد تُغيّر الكثير من المعطيات داخل أسوار النادي البنزرتي… 👀

17/07/2024

برافو علاء الي سامح في مبلغ كبير برشة و انشاء الله بقية لملاعبية من اولاد الجمعية زادا تسامح وترجع شوية لجمعية الي مستحقتلكم 💛

16/07/2024

برافو لناس الكل في أقل من نصف ساعة بعد نداء الهيئة👌💛
يلا ناس الكل يد وحدة مع جمعيتنا
رابط للمساهمة في الحملة :

https://cab.guichet.tn/en/challenge/8/alklna-yd-ohd-maa-algmaay

16/07/2024

سمير يعقوب رئيس نادي البنزرتي يخرج عن صمته و يكشف حقائق لجمهور نادي البنزرتي :
- مالقينا حتى مساعدة من رجال الأعمال في بنزرت
- فما نزل في بنزرت رفض يستقبلنا و قال لي نزل ممتلأ ، قبل مباراة نلقاو الفريق المنافس يقيم في نزل هاكا من غير ما يعمل حجز أو شي
- أتصلت بمدير نزل في الموضوع قالي عندي أفكار لنادي البنزرتي ، يعني يرفض يستقبلنا و يحب يعطي أفكار و راي متاعو في نادي
- نزل لي اقمنا فيه هذا الموسم هو نزل النور ، رفض يعمل سوم لنادي البنزرتي و كل أسبوع كي نمشاو يطلب منا شاك قبل الخروج ، وصلنا معاه اكثر من 100 مليون الموسم الفارط ، الموسم هذا قلنا سعر كراء غرفة باش يكون 530 دينار ! سعر عمروا ما صار في بنزرت و يراو فينا غنيمة أو فريسة
- فكرنا نولاو قبل كل مباراة نشوفوا نزل في تونس للاقامة
- نادي البنزرتي يسال الجامعة 600 مليون و واصف جليل وعدني باش يصبهم و لليوم ماتصب حتى مليم منهم
- نهائي كاس تونس كل فريق يتحصل على مبلغ 100 مليون ، الملعب التونسي تصبلهم 100 مليون الاسبوع الفارط و نحنا لا ، كي اتصلت برئيس الجامعة قالي هاكم عندهم مشاركة افريقية!
- جامعة سبق و خلصت على فرق اكثر من زوز مليارات ، علاش ماتخلصش على نادي البنزرتي
- الجامعة علاش تتعامل هكا مع نادي البنزرتي ؟ تبدل رئيس جامعة و جا رئيس جديد قلنا أنتم خذيتوا فلوس و معادش نعطيكم !
- أنا موش طالب منك باش تعطيني ، أنا نطالب بحق نادي البنزرتي
- الجامعة التونسية لكرة القدم حكمت علينا بالاعدام و معادش ناخذوا حتى فرنك
- علاء الدين دريدي خرج من نادي البنزرتي و يسال نادي البنزرتي برشا فلوس لكن رفض يشكي بحمعيتو
-اللاعب القطري فما شكون من بنزرت كان يحرض فيه باش في لخر خذا منو فلوس
- أن شاء الله ابناء نادي كيما علي العياري و يكن و وجدي الجباري و البراطلي يكونوا في المستوى و ياقفوا معانا
- نداء لجماهير المقيمة في الخارج باش تعاون الفريق
- جماهير نادي البنزرتي باش تكون في حجم التطلعات

16/07/2024

16/07/2024