18/02/2026
السلام عليكم ورحمة تعالى وبركاته أما بعد:
مرحبا بكم فحاد الحلقة لي سميناها ( الْجَمَاعَة الشَّفَارَة ) فالمواقع كيقولو حاجا و فلواقع حاجا آخرا هاد القوانين لي كادشوفو كاملين حتى كلمة ما طبقوها عملو العكس دهادشي .
قالو الفرقة لي غاتعطل على الوقت غاتقصى هما قصاو لي جات فالوقت ههه قالو بلي الملعب ممنوع يدخلو البراهش ولا لي ملاعبشي سعا فينما كان شي واحد باقي بالبوطة دالشغول فرجلو كيدخول يشوط ويحسَّسْ على اللاعبين لي كيوجدو نالمباراة .
قالو بلي غايكون عون سلطة أو دركي فالملعب حفاظا على سلامة الجميع وتفاديا للشغب ، سعا نهار المباراة لي جمعت بين إتحاد إهرامن وشباب إملهية واحد م الجماهير المحسوبة على إهرامن ضرب أحد اللاعبين من فريق إملهية بالموس 🔪 وسط الملعب والسب ّوالشّتم رافق جميع اللاعبين والفرق المشاركة ملي بدا الدوري وديك الحيوانات من بارا بالسبّان دبا واش غانمشيو نلعبو ولا نحاربو .
كلشي عارف بلي ديك ناس (إهر**ن) باقين عايشين ف 2006 وحنا راه ف 2026 تقدمو شوية واش نصردولكوم الرابط د 2026 قولوها ماشي عيب .
هو فالحقيقة هادشي كاامل بلا رخصة ولا موافقة د السلطة هديك غي ضحكو بيها لي مشاركين وصفي باش يبينو بلي هادشي فالمستوى السلطة معارفاشي حتى شني ضاير فديك تيجاه مشيو تعلمو كيفاش كيتنضمو الدوريات دالناس لي كيعرفو فالكورة نتوما بعادين على شي حاجا إسما كرة القدم 😉🤝
الموضوع باقي طويل الحلقة لي ماجا غانعرفو الفلوس د الدوري فين مشاو وعلاش الملعب تبنى تماك وبزااف دالحاجات فالكواليس رمضان يجمعنا
