نادي الشعب

28/01/2026

في شهر واحد في نصف الموسم والفريق في الصدارة، إدارة النادي الافريقي تتفهم خروج مساعد المدرب عثمان النجار اللي خدم خدمة كبيرة وتخليه يخرج خاطر جاه عرض، بعدها بجمعة إدارة النادي الافريقي تتفهم خروج المعد البدني محمد رفقي الوسلاتي اللي خدم خدمة كبيرة بدنيا خاطر جاه عرض يخرج عادي، بعدها إدارة النادي الافريقي تتفهم خروج علي يوسف احسن مدافع في البطولة خاطر جاه عرض ومايكملش الموسم، بعدها إدارة النادي الافريقي تجيب لاعب تألق عمناول في البطولة وتراجع على التعاقد معاه خاطر تفهمت اللي جمهور النجم الساحلي مايحبش، الجمعة الجاية بيعوا شواط وفوزي البنزرتي وخلي الجمهور يمشي يصيف على بكري علاش تحرقولو عصابو عرق بعد عرق... الجمعية اللي تحب تهز الالقاب ماتعملش هذا الكل في نصف الموسم

28/01/2026

دراغر يتفق مع النادي الافريقي ✅

- سااااحبي ملا اكا مهدي ميلاد
- برجولية ضربة معلمية
- هذا بالحق عالمي .. بلاصتو في المننخب

دراغر يمضي في الترجي ✅

- الحمد لله يا ربي .. الحق ماكنتش مقتنع بيه
- تي ملاعبي بطال
- في الترجي باش يخلص 400 مليار
- تفرج كيفاش مطبس راسو حاشم
- ساااحبي تو يبان كل شي في الفحص الطبي

أسامة عبيد يتفق مع النادي الإفريقي ✅

- ربحنااااه ساحبي
- هذا يتفاهم مع شواط علخر
- ملاعبي صغير و عالمي

أسامة عبيد يمضي في النجم الساجلي ✅

- الحمد لله كي رتجنا منو
- تي في الإمارات ما لقاش روحو
- توا ساااحبي هذا في بلاصة شكون باش يلعب

هاذم كائنات مطالب انك تتعامل معاهم و تناقشهم في الكرة و تعتبر انو عندهم رأي أصلا .. راو المشكلة كان جات حد كعبات هكا تتعدى أما هذا سلوك الباجات الكل و اكثر من 95 بالمائة من الجمهور و الأغرب حتى محللين تابعينهم

لولاد أخطا الفدلكة .. هو يقلك حاجة أول.ى من حاجة
أنا نرى إنو نعالجوهم نفسيا توا أهم من الميركاتو ❤️

14/05/2025

ما فمة حتى حد قال الي انت سارق بش تطلب تدقيق مالي.. الفرجاني بيدو قال ما نتهم حد بالسرقة..
الموضوع ولب القضية هو سوء تصرف في الموارد وسوء التصرف راهو أسوء برشة مالسرقة لانو ربما يتفرع منو شبهات عديدة...
كيف تتحط قدامك ميزانية تمشي دجيب وسط ميدان إسمو (شوكان)بقريب 500 مليون وطفل لا يلعب إسبوار لا سنيور
وقت دجيب مهاجم 6 شهور مضروب ب500 مليون
وقت دجيب ملاعبية كانت تخلص في 3 ملاين تصبح تخلص في أكثر من 30 مليون
نعرفو إنو ما فمة حتى حد ينجم يدخل يدو ويهز فلوس مالكاسة ديراكت خاطر هكاكة يولي إسمو سارق وفي يدو شمعة أما وقت تبدا السمسارة هي الي تحكم و هي الي تقود وقتها الشبهة تولي أكبر ببرشة مالسرقة...
ونزيدك زيادة راهو الفيديو هذا عار علينا وخايب برشة من ناحية الفحوى والمضمون والمحتوى وصدقني كان سكت لاخر السيزون والا قدمت إستقالتك كان أرحم...
🥹🇦🇹💔

21/07/2024

تصور توا بعد هذا الكل تحل عينيك تشوف الدنيا ضباب وحاجة كحلة من بعيييد تبدا توضاح بالشوية بالشوية لين يطلعو شلاغم مجدي الخليفي واقف قدامك في السبيطار وبجنبو عبد السلام اليونسي ويطلع اللي صاير الكلو ح**ة خاطر انت دخلت في غيبوبة بعد مامشيت تتفرج في البارك وموشيلي جا يسنتر في كرة ناكك بيها في راسك ومن وقتها وانت دايخ
ويقربلك اليونسي يقلك هيا عيش ولدي اكبس روحك وفيقلنا هاو باش نستدعوك في اول مقابلة ضد مستقبل واد الليل في الديفيزيون 2 😢

09/01/2021

منظومه نكرهوكم رحمة معاكم معدومة

09/01/2021

بعض المصادر تأكد أن عدد الإقافات في صفوف جماهير النادي الإفريقي وصل ل 293 موقوف !

08/01/2021

عامين و نص، جمهور الإفريقي يسبّ فيه و هو ساكت ما تكلمش ..
عملنا مسيرة كبيرة في العاصمة، خرج قالنا مانيش خارج ..
أما نهارين التالي، كي قلنا بش نعملوا وقفة قدام الجامعة اليونسي تكبس و سوّق مسرحية الانسحاب عن طريق موزاييك ..
اليوم كي قررنا بش نهبطوا لمقرّ الجامعة، صارت المعجزة و خرج عبد السلام اليونسي تكلّم .. أي نعم .. اليونسي سمّعنا صوتو .. سبحان الله ..
بش تعرفوا اللي وديع الجريء هو الحاكم الفعلي و اليونسي ليس الا دمية في يده .. و بعد ما عمل ربع ساعة يرمي في التهم للناس الكل .. قاللنا ما ننسحب كان ما تجيبولي رئيس يتحمّل مسؤولية الديون الكل ..
ملتقانا غدوة أمام مقرّ الجامعة على الساعة 11:00..

08/01/2021

منذ هذه اللحظة ✊
ماعاد يلوم علينا حد في تونس ..
لا رئيس الجمهورية و لا رئيس الحكومة على الأحداث لي بش تصير ..
تسترتم على فساد عبد السلام اليونسي و من معه.. لهفوا أموال النادي الإفريقي.. و عاثوا فساد...
قدمنا شكاوي.. عملنا إحتجاجات سلمية .. حد ما سمعنا
و لهذا .. الساعات القليلة القادمة بش تصير حرب في البلاد لإخراج عبد السلام اليونسي القذر و بالعنف... المحاسبة و التقارير
إنتهى الدرس!!!

08/01/2021

02/05/2019

تفاصيل خطايا النادي الافريقي عند الفيفا :

اولمبيك مرسيليا : 700 الف اورو + 20% تاخير
فابريس اوندما 845 الف دولار
ريال باماكو المالي : 90 الف اورو
ابوكو : 240 الف اورو
الايطالي ماركو سيموني : 660 الف اورو
مساعدي سيموني : 127 الف اورو + 126.5 الف اورو
ابراهيم الشنيحي : 585 الف اورو
بوبكرا ديارا : 450 الف دولار
وكيل اللاعبين : 3 مليون دينار
يوهان توزغار : 1.450 مليون اورو
فاروق بن مصطفى : 243 الف دينار
سيف تقا : 350 الف دينار
سايدو ساليفو + سليمان كوليبالي + ماليك توري : 2 مليون دينار
الهولندي رود كرول : 579.5 الف اورو
غروزني الروسي : 615 الف اورو
اضافة الى ديون مولدية العلمة الجزائري و اللاعب الزيمبابوي ماتيو روزيكي و بسام الصرارفي

علما ان بعض اللاعبين تخلو عن مبالغ مالية هامة :
مختار بلخيثر 500 الف دينار
بلال عيفة 450 الف دينار
وسام يحي 400 الف دينار
تيجاني بلعيد 230 الف دينار

مجموع ديون النادي الافريقي 19.7 مليون دينار تم تسوية و خلاص 12 مليون دينار

01/05/2019

نفس الأخطاء يعني يحبو يعاودو كل شيء في جويلية وقت الي باقي الجمعيات يحضرو في بداية الموسم .
الله لا تربحكم