17/02/2024
السلام عليكم ولاد و بنات حومتي الكل :
صدقوني ما حبيتش نهبط لكلام هذا ، أما والله شيء أقوى مني
حسيلو تعرفوني أنا حمزة بن سالم من متساكني حي الخضراء ، قاعد نتعرض
لمضايقات كبيرة برشا في الأشهر الماضية و لحتى الان و أكثر من هذا تهديد بالقتل كل يوم
- كيفاش لحكاية :
كل نمشي و لا نتعدى لبلاصة كل مرة واحد يتعدى من بحذايا يقول باش يموت مقتول ، باش يلقاوه منتحر في شجرة ، و مرة بوه باش يموت و مرة أمه و لا أخت باش تموت و مرة بش يموت لبرا ملبلاد
لا علينا ما ركزتش معاهم ، قلت هاذوما gelgin باعثم الحاكم يسخايبوني عامل حاجة .
(هاذوما ما نعرفهمش و مهمش ملحومة ) .
ثاني حاجة كل ما نمشي لقهوة يحطولي حاجة في القهوة نقعد جمعة كاملة في الفرش ، أنا حسيلو في
المرحلة هاذي متوقع منهم كل شيئ ، و أكبر دليل إنو كي نمشي لقهوة مستانس باها نلقى
serveur جديد و لا serveuse جديدة موش ملحومة و زيد واحد منهم مدلي قهوة و يده
ترعش
- المهم :
بلي يصير علي ما نحبش تقولو راهو مات منتحر خاطر الحمدلله مؤمن بالله و حياتي لكل إن شاء الله
باش نصلي لين ربي يهز أمانتو
- السبب الرئيسي عرفتو من خلال التهديد :
إنو فما مرا أكبر مني في السن و عندها حسب ما يحكيو فلوس ، مالقاولهاش مسكينة راجل ، حبو يحطونى معاها ( والله لعظيم كيما نحكيلكم ) ، قاعدين يضيقولى في حياتي حتى عايلتى ما سلمتشو زيد ما خلاوني نخدم حتى خدمة .
حتى السفر ، عندي contrat حاضر عندو برشا و أموره باهية علخر ، قاعدين يعطلو فيا ، نحكي مع السيد بل
whatsapp ، كلما نعاود نصب elwatsapp يتفسخلي مرة أخرى
- المهم مرة أخرى :
الحمدلله ناس لكل تعرفني و ربي شاهد ملفوق ، عمري مع قعدت مع وحدة أكبر مني في حتى بلاصة
و ثاني حاجة عمري ما تعديت و ما غدرت حتى أنثى و ما عملت حتى شيء فلي تتصوروه مخاخكم
إللي غاضني أكثر فما عباد تبع تتبيع ماهي فاهمة حتى شيء ، فاش قاعد يصيرلي كل يوم
حتى ملخدما إلي ناس لكل تعرفني خدام ما خلونيش نخدم ، سامحوني عالقلق عالأقل واحد يتنفس شوية
والله وصلت ماعش نحب نقعد مع صحابي لي نحبهم برشا باش ما نعملهمش مشاكل
و أي حاجة تهبط في الفيسبوك بعد date لخرة ، راهي ماهيش متاعي ، خاطر باش يقصولى الفيسبوك
