05/04/2024
မောင်ရေ
သပြေဘူတတွေ မပွင့်တော့ဘူးသိလား
မန္တလေးက အရမ်းပူလာပြီ ။
မဟာမုနိ မယ်ဆယ်တန်း
မောင်နဲ့အတူရောက်ခဲ့လို့တော်သေးတယ်
ဟိုကမကလေ မောင်ရယ် တအားကြူးတာပဲ
အစ်မတို့ အတူတူမရှိတော့ဘူးဆိုတာ
ဘယ်သူ့မှ မပြောပါဘူး ။
စမြင်ကပ်ကြသူတွေလည်း ကပ်ကြပါစေ ။
လစ်ဗာပူးမှာ ဘယ်သူတွေ ပြန်ရောက်ပြီလဲ
မောင်မီးစိမ်းရက်နဲ့ ချက်နေတာ အစ်မ မဟုတ်ဘူး ။
ကလော့ရာသီသက်တမ်းနဲ့
အစ်မ သိပ်မကွာဘူးထင်တယ်
အိပ်ပြီ ဂွတ်နိုက် ချစ်တယ်မှ မပါရင်
LDRS မဟုတ်ဘူးထင်တယ် ။
သူပျော်ရွှင်ရာ ဘဝတစ်ခုမှာ
ကိုယ့်အချစ်တွေ လေပြေလိုပဲ အေးပါစေ .... ဆိုတာ
ကိုမျိုးကျော့ခေတ်ဦးက
အစ်မတို့ ညည်းခဲ့တဲ့သီချင်းပေါ့
မောင့်အဝတ်ဟောင်းလေးတွေ လျှော်ရင်း
အမှောင်ရိပ်ထဲရပ်ကာရယ်
ကိုယ်တစ်ယောက်တည်း အားငယ်မယ်ဆိုတဲ့
မတင်ဇာမော်လည်း အခုထိ အသဲကွဲနေတုန်းပဲ
ချစ်မိသူဆိုတာ လောကမှာ စစ်အရှုံးဆုံးလူပါ မသီတာ
ဆိုတဲ့ ဆရာတာရာမင်းဝေ စာသားထဲကအတိုင်း
ဘုံအဆင့်ဆင့်မှာ မြင့်သထက်မြင့်ပါစေ !
အခုတော့
ချစ်သူ့လက်ဆောင်များဆိုတဲ့ ကိုငှက်သီချင်းလေးနဲ့
၂၆လမ်း x ၆၅ လမ်းထောင့်မှာ အစ်မတစ်ယောက်တည်း
#
