31/12/2021
#วันนี้ยามเจ๊า ปี๋เก่าคืบจั๊น
วนเวียนแหมหั้น
มิตรแก้วสหาย
สามสิบเอ็ดเจ๊า
ปี๋เก่ามาก๋าย
วันพูกเน้อนาย
ปี๋ใหม่มาเข้า
ขอหื้อมีโจ้ค
อย่าได้หมองเศร้า
เงินคำมาเนา นักนัก
#สิ่งไหนบ่ดี
หลีกหนีแต๊ตั๊ก
หื้อแป๋งใจ๋หั้น เจยบาน
หน้าที่ก้าวล้ำ
บอกย้ำในก๋าร
สมพอประมาณ
สานต่อไปหน้า
สุขภาพดี สะหรีเจิดจ้า
โรคาผ๋ะยา หลีกเว้น
#โฮงหมอโฮงบาล
อวสานเน้นเน้น
บ่ต้องตื่นเต้น ไปไจ
ชีวิตจากนี้ สะหรีสดใส
ตึงนอกตึงใน เบิกบานแจ่งแจ้ง
สติคำคม อารมย์บ่แกล้ง
ปั๋ญญากอยแยง น้อมนบ
#สิ่งไหนบ่ดี หลีกหนีบ่รบ
เว้นห่างหื้อได้ เจริญ
กึ๊ดสิ่งดีไว้ ตึงบ่ได้เขิ๋น
จีวิตเพลิดเพลิน
ตางเดินก้าวหน้า
กึ๊ดได้สิ่งไหน เอาใจ๋แก่กล้า
ขอหื้อได้มา เพรียบพร้อม
#ครอบครัวสุขสันต์
ม่วนงันเเวดล้อม
เปื้อนมาแวดอ้อม
มวลมี
สุขสะหรี ยินดีจุ๊ผู้
ส่งยู้อยู่สบาย
ก่อนแลนายเฮย.🎉🎉
ธวัชชัย จ. แต้มไว้
๓๑.๑๒.๖๔
