14/05/2026
LAHU BON HKAW : Aw lawn Lon ma ( Htai hk’aw ve aw lawn “ความรอด 3ส่วน“
“Chi miˬguiˬ yaˇ ve awˬ liˇ awˬ hkʼaˇ teˇ hpaˍ awˬ hkʼaˇ suh taˇ kʼai. Gʼuiˬsha ve da‸ jaˇ ve, nyi ma cawˇ jaˇ ve leh biˇ jaˇ ve a loˍ hta‸ nawˬ hui shiˍ leh fuiˍ da‸ gʼa tuˬ, nyi ma awˬ suhˉ kʼaw‸ pa leh, chaw awˬ suhˉ hpeh‸ la piˇ-oˆ.”
Roˉma‸ li‸ 12:2 LHBE
“Dawˇ sha piˇ shehˍ hpaˇ Gʼuiˬsha lehˬ, nawˬ hui hta‸ teˇ ceuˬ le le awˬ hkʼaw lo da‸ la kehˬ la piˇ-oˆ. Ngaˬ hui ve Jawˇ mawˇ Yeˍsuˆ Hkri‸ kʼaw‸ ya‸ la ve teˇ yanˇ, nawˬ hui ve nyi ma, co ha leh awˬ to biˇ chehˇ ve awˬ hkʼaw lo venˇbaˆ taˍ kuiˬ maˇ cawˬ tuˬ, Gʼuiˬsha nawˬ hui hta‸ ha‸ shaˉ piˇ-oˆ.”
1 Hteˇsaˍlawˇniˆ li‸ 5:23
“Ngaˬ hui hteˇ ve cawˇ ve kanˉ te ve hta‸ pa taw maˇ heˆ. Yawˇ ngaˬ hui hta‸ ha kʼaˉ ve hta‸ pa taw htaiˍ hkʼaw‸ laˇ ve yoˬ. Da‸ ve kehˬ ve Awˬ ha hpu awˬ hkʼaw lo awˬ suhˉ teˇ pawˆ paw la ve hta‸ caˉ da‸ ve tsuhˇ hkʼa laˇ ve teˇ ceuˬ leh, awˬ suhˉ kʼaw‸ gu te laˇ ve teˇ ceuˬ hta‸ cuˇ leh ngaˬ hui hta‸ htaiˍ hkʼaw‸ laˇ ve yoˬ.”
Tiˇtuˆ li‸ 3:5 LHBE
“Yeˍsuˆ kʼaw‸ kʼoˆ ve, Ngaˬ nawˬ hta‸ awˬ tehˬ awˬ na kʼoˆ laˇ ve, chaw teˇ gʼaˇ lehˬ awˬ suhˉ teˇ pawˆ maˇ kʼaw‸ paw la ve kʼo, Gʼuiˬsha ve mvuhˇmiˬ hta‸ maˇ gʼa mawˬ teh‸, yawˇ hta‸ kʼoˆ piˇ ve yoˬ.”
Yoˇhanˬ li‸ 3:3 LHBE
“Hkʼe te leh, chaw teˇ gʼaˇ Hkri‸ awˬ hkʼaw lo chehˇ ve kʼo, yawˇ lehˬ chaw awˬ suhˉ hpeh‸ la peuˬ, Awˬ piˍ teˇ hpaˍ mehˉ kʼai peuˬ leh, hkʼa peu-eˬ awˬ suhˉ hpeh‸ la peuˬ.”
2 Kawˇrenˍhtuˆ li‸ 5:17 LHBE
“Chi hta‸ pa taw, cha‸ chiˆ ve hkʼa peu-eˬ leh, haiˬ ve hta‸ te ponˬ te leuˉ ve hkʼa peu-eˬ hta‸ baˬ taˉ-oˆ. Nawˬ hui ve co ha hta‸ htaiˍ hkʼaw‸ puiˉ ve, nawˬ hui awˬ hkʼaw ti taˍ ve bon hkawˇ hta‸ nyi ma nuˇ nehˬ ve awˬ hkʼaw lo ha‸ yuˬ-o‸,”
Yaˍkoˆ li‸ 1:21 LHBE
