Myanmar Kabaddi Federation

29/08/2026

🫁 Kabaddi ကစားခြင်းက အဆုတ်ကျန်းမာရေး ကောင်းမွန်စေတယ်ဆိုတာ သိပြီးကြပြီလား?

ကာဘာဒီ (Kabaddi) ကစားနည်းက ခန္ဓာကိုယ်ရဲ့ ကြွက်သားအားစိုက်ထုတ်မှုတင်မကဘဲ အဆုတ်နဲ့ အသက်ရှူစနစ်ကို အလွန် အားကောင်းစေတဲ့ အားကစားနည်းတစ်ခုဖြစ်ပါတယ်။

ကစားစဉ်အတွင်း အသက်ရှူသွင်း/ရှူထုတ်စနစ်ကို ထိန်းချုပ်ယှဉ်ပြိုင်ရတာကြောင့် Lung Capacity ကို သိသိသာသာ မြှင့်တင်ပေးပါတယ်။

ဒါ့အပြင် လှုပ်ရှားမှုများသောကြောင့် Stamina ကို တိုးတက်စေတဲ့အပြင်
နှလုံးနှင့် သွေးလှည့်ပတ်စနစ်ကို ကောင်းမွန်စေပြီး တစ်နေ့တာလုံး တက်ကြွလန်းဆန်းစေပါတယ်။

ကျန်းမာသန်စွမ်းတဲ့ အဆုတ်နဲ့ ကြံ့ခိုင်တဲ့ ခန္ဓာကိုယ်ကို ပိုင်ဆိုင်နိုင်ဖို့ Kabaddi အားကစားနည်းကို လေ့ကျင့်လိုက်ကစားကြည့်လိုက်ရအောင် 💪🇲🇲

26/08/2026

🇲🇲 နိုင်ငံတကာ SEA GAMES ပြိုင်ပွဲဝင် အမှတ်တရများနှင့် ရှေ့ဆက်သွားမည့် ခရီးစဉ် – မြန်မာနိုင်ငံ ကာဘာဒီအဖွဲ့ချုပ် (MKF) 🇲🇲

ထိုင်းနိုင်ငံတွင် ကျင်းပခဲ့သည့် (၃၃) ကြိမ်မြောက် SEA Games တွင် မြန်မာနိုင်ငံ ကိုယ်စားပြု Kabaddi အားကစားနည်းဖြင့် သမိုင်းဝင် ပထမဆုံးအကြိမ် ဝင်ရောက်ယှဉ်ပြိုင်ခဲ့သည့် အမှတ်တရများနှင့် ရှေ့ဆက်မည့် ခရီးစဉ်ကို ဝေမျှပေးလိုက်ပါတယ်။

ဥက္ကဋ္ဌ၊ ဒုဥက္ကဋ္ဌများနှင့် တာဝန်ရှိသူများက အိန္ဒိယ၊ ပါကစ္စတန်နှင့် ထိုင်းသံရုံးများနှင့် ချိတ်ဆက်ခဲ့ရာ ပါကစ္စတန်သံရုံးမှတစ်ဆင့် အာရှအဖွဲ့ချုပ်၏ ကူညီမှုဖြင့် ပါကစ္စတန်နိုင်ငံသား နည်းပြတစ်ဦးကို နှစ်နိုင်ငံ ချစ်ကြည်ရေးအတွက် စေလွှတ်ပေးခဲ့ပါတယ်။

ထူထောင်ချိန် ၃ လသာ ကြာမြင့်သေးတဲ့ မြန်မာအသင်းက အတွေ့အကြုံရင့် မလေးရှားအသင်းကို ခြိမ်းခြောက်နိုင်ခဲ့ပြီး၊ စင်ကာပူအသင်းကို ၂ မှတ်အကွာဖြင့် ကြေးတံဆိပ်နှင့် ကပ်လွဲခဲ့သော်လည်း အရှေ့တောင်အာရှ အဖွဲ့ချုပ်များ၏ စိတ်ဝင်စားမှုကို ရရှိခဲ့ပါတယ်။

ဒါ့အပြင် အဖွဲ့ချုပ်သစ်ဖြစ်သည်နှင့်အညီ နာယက၊ ဥက္ကဋ္ဌနှင့် ဒုဥက္ကဋ္ဌများ၏ ကိုယ်ပိုင်ငွေဖြင့် အကုန်အကျခံကာ နိုင်ငံတော်အတွက် သွားရောက်ယှဉ်ပြိုင်ခဲ့ခြင်း ဖြစ်ပါတယ်။

မလေးရှားနိုင်ငံတွင် ကျင်းပမည့် (၃၄) ကြိမ်မြောက် SEA Games တွင် ဝင်ရောက်ယှဉ်ပြိုင် ဆုတံဆိပ်များ ဆွတ်ခူးနိုင်ရေးအတွက် အမှုဆောင်အဖွဲ့သစ်ဖြင့် စနစ်တကျ ပြန်လည်ဖွဲ့စည်းကာ ပြင်ဆင် ဆောင်ရွက်လျက်ရှိပါတယ်ခင်ဗျာ။ 🇲🇲💪

21/08/2026

🇲🇲 မြန်မာနိုင်ငံ ကာဘာဒီအဖွဲ့ချုပ် (MKF) ၏ နိုင်ငံတကာ ဆက်ဆံရေးနှင့် လေ့လာရေး ခရီးစဉ်များ 🇲🇲

မြန်မာ့ကာဘာဒီ အားကစားကဏ္ဍ ဖွံ့ဖြိုးတိုးတက်စေရန်နှင့် နိုင်ငံတကာအဆင့်မီ နည်းပညာပံ့ပိုးမှုများ ရရှိစေရန်အတွက် မြန်မာနိုင်ငံ ကာဘာဒီအဖွဲ့ချုပ် တာဝန်ရှိသူများသည် နိုင်ငံတကာ သံရုံးများနှင့် ဒေသတွင်း မိတ်ဖက်အဖွဲ့အစည်းများထံ သွားရောက်၍ အဆင့်မြင့် တွေ့ဆုံဆွေးနွေးမှုများကို အောင်မြင်စွာ လုပ်ဆောင်ခဲ့ကြပါတယ်။

၂၀၂၅ ခုနှစ် ၊ ဩဂုတ်လ (၅) ရက်နေ့တွင် အားကစားသံတမန်ရေးရာ တိုးမြှင့်ရန်၊ နည်းပညာပိုင်းဆိုင်ရာ အကူအညီများရရှိရန်နှင့် အပြန်အလှန် လေ့လာရေး အစီအစဉ်များ ဖော်ဆောင်နိုင်ရန် Pakistan သံအမတ်ကြီးနှင့် တရားဝင် အဆင့်မြင့် တွေ့ဆုံဆွေးနွေးမှုများ ပြုလုပ်ခဲ့ပါသည်။

ဒါ့အပြင် အားကစားသမားများ၏ လေ့ကျင့်ရေးစွမ်းရည် မြင့်မားလာစေရန်၊ ကျွမ်းကျင်သော နည်းပြများ၏ အကူအညီရယူရန်နှင့် အားကစား အခြေခံအဆောက်အအုံများ ပူးပေါင်းဆောင်ရွက်ရေးအတွက် ၂၀၂၅ ခုနှစ်၊ ဇွန်လ (၃၀) ရက်နေ့တွင် India သံအမတ်ကြီးနှင့် မဟာဗျူဟာမြောက် ဆွေးနွေးမှုများကိုလည်း ဆောင်ရွက်ခဲ့ပါတယ်။

မြန်မာ့ကာဘာဒီ၏ နည်းပညာပိုင်းဆိုင်ရာ အတွေ့အကြုံနှင့် စွမ်းဆောင်ရည်များကို အရှိန်အဟုန်မြှင့်တင်နိုင်ရန် တောင်အာရှနှင့် ASEAN ဒေသတွင်း သံတမန်ရေးရာ မိတ်ဖက်အဖွဲ့အစည်းများနှင့် ဆက်ဆံရေးကို ပိုမိုနက်ရှိုင်းအောင် တည်ဆောက်လျက်ရှိပါတယ်။💪🏻▶️

19/08/2026

🇲🇲 မြန်မာ့ Kabaddi အားကစားသမားများ၏ နိုင်ငံတကာ အဆင့်မီ လေ့ကျင့်ပြင်ဆင်မှုများ 🇲🇲

မြန်မာနိုင်ငံ ကာဘာဒီအဖွဲ့ချုပ် (MKF) အနေဖြင့် မြန်မာ့ Kabaddi အားကစားသမားများ၏ စွမ်းဆောင်ရည်နှင့် ကြံ့ခိုင်မှုများ နိုင်ငံတကာအဆင့်သို့ ရောက်ရှိလာစေရန်အတွက် အထူးလေ့ကျင့်ရေးအစီအစဉ်များကို စနစ်တကျ ရေးဆွဲဆောင်ရွက်လျက်ရှိတယ်။

အဖွဲ့ချုပ် ဥက္ကဋ္ဌ ဦးကျော်နိုင်၊ ဒုတိယဥက္ကဋ္ဌ ဦးသန့်ကိုဝင်းနှင့် အဖွဲ့ချုပ် တာဝန်ရှိသူများ၊ နာယကကြီးများသည် ကစားသမားများ၏ လေ့ကျင့်ရေးကွင်းသို့ ကိုယ်တိုင်သွားရောက်၍ လေ့ကျင့်နေမှုများကို အနီးကပ် ကြည့်ရှုစစ်ဆေးပြီး လိုအပ်သည်များကို ချက်ချင်း ဖြည့်ဆည်းပေးခဲ့ပါတယ်။

အထူးသဖြင့် ကစားသမားများ၏ နည်းဗျူဟာနှင့် ကစားဟန် ပိုမိုထက်မြက်လာစေရန်အတွက် နိုင်ငံတကာမှ အတွေ့အကြုံရှိ နည်းပြများနှင့် နည်းစနစ်ကျွမ်းကျင်သူများကို ဖိတ်ခေါ်၍ IKF (International Kabaddi Federation) ၏ နိုင်ငံတကာ စံချိန်စံညွှန်း၊ စည်းမျဉ်းများနှင့်အညီ အနီးကပ် သင်ကြားလေ့ကျင့်ပေးလျက်ရှိပါတယ်။

မြန်မာ့ Kabaddi အားကစားသမားများ စိတ်ဓာတ်ရေးရာ တက်ကြွစွာဖြင့် နိုင်ငံတကာအဆင့်မီ ကစားနိုင်စေရန် နိုင်ငံတကာ နည်းပြများနှင့်အတူ အဖွဲ့ချုပ်မှ ဆက်လက်၍ အစွမ်းကုန် အနီးကပ် ပံ့ပိုးလေ့ကျင့်ပေးသွားမည် ဖြစ်ပါသည်။ 🇲🇲💪

17/08/2026

🇲🇲 Myanmar Kabaddi Federation ၏ မျှော်မှန်းချက်နှင့် အနာဂတ် ရည်မှန်းချက်များ 🇲🇲

အားကစားက အမျိုးသားရေး စိတ်ဓာတ်နှင့် နိုင်ငံတော်၏ ဂုဏ်သိက္ခာကို မြှင့်တင်ပေးနိုင်သော အဓိက စွမ်းအားတစ်ခု ဖြစ်ပါတယ်။ ✨

ကျွန်ုပ်တို့ အဖွဲ့ချုပ်ရဲ့ ရေရှည်မျှော်မှန်းချက်များက အားကစားသမားများရဲ့ စွမ်းဆောင်ရည်ကို မြှင့်တင်ပေးရုံတင်မကဘဲ မျိုးဆက်သစ် လူငယ်များရဲ့ အနာဂတ်ကို ပုံဖော်ပေးခြင်းနှင့် မြန်မာ့ဂုဏ်ကို ကမ္ဘာ့အလယ်တွင် တင့်တယ်စေခြင်းတို့အတွက် ရှေ့ရှုရေးဆွဲထားခြင်း ဖြစ်ပါတယ်။

▪️Kabaddi အားကစားနည်းကို မြန်မာတစ်နိုင်ငံလုံးရှိ ပြည်နယ်နှင့် တိုင်းဒေသကြီးအသီးသီးတွင် ကျယ်ကျယ်ပြန့်ပြန့် သိရှိကစားလာစေရန်နှင့် မြန်မာ့အားကစားကဏ္ဍတွင် ထိပ်တန်းအားကစားနည်းတစ်ခုအဖြစ် စနစ်တကျ တည်ဆောက်ရန်။

▪️နိုင်ငံတကာ နည်းပြများ၊ နည်းစနစ်ကျွမ်းကျင်သူများနှင့် ပူးပေါင်း၍ ကစားသမားများ၏ စွမ်းဆောင်ရည်၊ နည်းဗျူဟာနှင့် ကြံ့ခိုင်မှုများကို IKF (International Kabaddi Federation) စံချိန်စံညွှန်းများနှင့်အညီ အဆင့်မြှင့်တင်ရန်။

▪️မျိုးဆက်သစ် ကစားသမားကောင်းများ စနစ်တကျ မွေးထုတ်ပေးရန်။

▪️အာရှနှင့် ဒေသတွင်း ကာဘာဒီအဖွဲ့ချုပ်များ၊ သံရုံးများနှင့် နီးကပ်စွာ ပူးပေါင်းဆောင်ရွက်ပြီး မြန်မာ့အားကစားကဏ္ဍကို ကမ္ဘာ့အလယ်တွင် တင့်တယ်စေရန်။

မြန်မာနိုင်ငံ ကာဘာဒီအဖွဲ့ချုပ်သည် ရေရှည်ခိုင်မာသော စီမံကိန်းများဖြင့် မြန်မာ့အားကစားကဏ္ဍ မြင့်မားတိုးတက်ရေးအတွက် အရှိန်အဟုန်မပျက် ဆက်လက်ကြိုးပမ်း ဆောင်ရွက်သွားမည်ဖြစ်ပါသဖြင့် မိဘပြည်သူ ပရိသတ်များ၏ အားပေးထောက်ခံမှုကို အစဉ်အမြဲ ကြိုဆိုလျက်ရှိပါတယ်။ 🇲🇲💪

08/08/2026

🇲🇲 မြန်မာ့ Kabaddi အဖွဲ့ချုပ် အစပျိုးခဲ့တဲ့ ခရီးလမ်း

တစ်ချိန်က ရိုးရာအားကစားဝိုင်းလေးတွေကနေ အစပြုခဲ့တဲ့ ခြေလှမ်းတွေဟာ ယခုအခါမှာတော့ နိုင်ငံတကာ ယှဉ်ပြိုင်မှုတွေအထိ ဘယ်လိုရောက်ရှိလာခဲ့လဲဆိုတဲ့ မြန်မာနိုင်ငံ ကဘာဒီ အားကစား အဖွဲ့ချုပ်ရဲ့ မမေ့နိုင်စရာ ခရီးလမ်းတစ်လျှောက်ကို ပြန်လည်မျှဝေပေးလိုက်ပါတယ်။

မြန်မာ့မြေပေါ်မှာ ကဘာဒီအားကစား အမြစ်တွယ် ရှင်သန်လာစေဖို့နဲ့ မျိုးဆက်သစ်တွေအတွက် လမ်းခင်းပေးခဲ့ကြတဲ့ ရှေ့ဆောင်ပုဂ္ဂိုလ်တွေရဲ့ အစပျိုးမှုတွေက အဖွဲ့ချုပ်အတွက် အဓိက အုတ်မြစ်ကြီး ဖြစ်လာခဲ့ပါတယ်။

ထိုမှတစ်ဆင့် အခက်အခဲအတားအဆီးများစွာကို အသင်းသားတွေနဲ့ တာဝန်ရှိသူတွေ လက်တွဲပြီး စုစည်းညီညွတ်စွာနဲ့ ကျော်ဖြတ်နိုင်ခဲ့ကြပါတယ်။

ခေတ်မီလာတာနဲ့အမျှ အဖွဲ့ချုပ်အနေနဲ့ နိုင်ငံတကာ အတွေ့အကြုံသစ်တွေကိုပါ ယူဆောင်လာနိုင်ဖို့ ကြိုးစားခဲ့ကြပါတယ်။ နိုင်ငံတကာမှ နည်းပြပညာရှင်တွေ ကိုယ်တိုင်လာရောက်ပြီး မြန်မာ့လက်ရွေးစင် အားကစားသမားတွေကို စနစ်တကျ လေ့ကျင့်သင်ကြားပေးမှုတွေအပြင်၊ ပြည်ပလေ့လာရေးခရီးစဉ်တွေနဲ့ အဆင့်မြင့် လေ့ကျင့်ရေးစခန်းတွေကိုပါ အကောင်အထည်ဖော် ဆောင်ရွက်လာနိုင်ခဲ့ပါတယ်။

ဒီလို မရပ်မနား ကြိုးပမ်းအားထုတ်မှုတွေရဲ့ ရလဒ်အနေနဲ့ ယခုအခါမှာဆိုရင် အာရှအဆင့်ပြိုင်ပွဲတွေနဲ့ SEA Games လို အဓိက အားကစားပွဲကြီးတွေမှာ မြန်မာနိုင်ငံရဲ့ အလံတော်ကို လွှမ်းမားစေပြီး နိုင်ငံကိုယ်စားပြု အစွမ်းကုန် ဝင်ရောက်ယှဉ်ပြိုင်နိုင်တဲ့အထိ ဂုဏ်ယူစရာ အောင်မြင်မှုမှတ်တိုင်များကို အတူတကွ စိုက်ထူနိုင်ခဲ့ပြီ ဖြစ်ပါတယ်။

ရှေ့ဆက်လျှောက်လှမ်းမယ့် အနာဂတ်ခရီးလမ်းတွေမှာလည်း မြန်မာ့ကဘာဒီ အားကစားလောက ပိုမို အဆင့်မြှင့်တိုးတက်စေဖို့အတွက် အဖွဲ့ချုပ်ရဲ့ လှုပ်ရှားမှုအပေါင်းကို အားပေးဝန်းရံပေးကြပါဦးနော်။ 💪✨

06/08/2026

🤼‍♂️ KABADDI အားကစား ဆိုတာ ဘာလဲ?

အသင်းလိုက် ညီညွတ်မှု၊ ကိုယ်ခန္ဓာ သွက်လက်ချက်ချာမှုနဲ့ အသက်ရှူနှုန်း ထိန်းချုပ်မှုတို့ကို အကောင်းဆုံး စမ်းသပ်ပြသရတဲ့ ရင်ခုန်စိတ်လှုပ်ရှားစရာ ကဘာဒီ (Kabaddi) အားကစားနည်း ဆိုတာ Tagging ၊ Wrestling နဲ့ ဉာဏ်ရည်ဗျူဟာသုံး ကစားကွက်တွေကို အံ့မခန်း ပေါင်းစပ်ထားတဲ့ ရှေးဟောင်း အားကစားနည်းတစ်မျိုး ဖြစ်ပါတယ်။

ကွင်းပြင်ညီပေါ်မှာ အသင်းတစ်သင်းကို ကစားသမား (၇) ယောက်စီနဲ့ အပြန်အလှန် ယှဉ်ပြိုင်ကစားရပါတယ်။

တိုက်စစ်ကစားသမား (Raider) က တစ်ဖက်လူ့နယ်မြေထဲကို ဝင်ရောက်ပြီး ခုခံကာကွယ်သူတွေကို ထိတွေ့ကာ "Kabaddi" လို့ အဆက်မပြတ်အော်ရင်း ကိုယ့်ဘက်ခြမ်းကို လုံခြုံစွာ ပြန်လာရတာ ဖြစ်ပါတယ်။

တိုက်စစ်သမားက တစ်ဖက်လူကို ထိပြီး အောင်မြင်စွာ ပြန်လာနိုင်ရင် အမှတ်ရရှိပြီး၊ ခုခံကာကွယ်သူတွေ (Defenders) ဘက်ကလည်း Raider ကို အမိအရ ဖမ်းဆီးနိုင်မှသာ အမှတ်ရရှိမှာ ဖြစ်ပါတယ်။

ဒီအားကစားနည်းက ခွန်အား၊ အမြန်နှုန်းသာမက အသင်းသားတွေအချင်းချင်း ညီညွတ်မှုနဲ့ လျင်မြန်တဲ့ ဆုံးဖြတ်ချက်ချနိုင်စွမ်းတွေကို အထူးလိုအပ်တဲ့ ရင်ခုန်စိတ်လှုပ်ရှားစရာ အားကစားတစ်ခုပဲ ဖြစ်ပါတယ်။

မြန်မာ့ကဘာဒီ အားကစားလောက ဖွံ့ဖြိုးတိုးတက်ရေးအတွက် အစွမ်းကုန် ကြိုးပမ်းဆောင်ရွက်နေမှုများကို ဆက်လက် အားပေးကြပါဦးနော်။ 💪🇲🇲

04/08/2026

"ရိုးရာ အားကစား တစ်ခုအဖြစ် KABADDI စတင်ပေါ်ပေါက်လာပုံ" ✨

ရှေးခေတ် အိန္ဒိယနိုင်ငံနဲ့ တောင်အာရှဒေသတွေမှာ လူငယ်တွေရဲ့ ကိုယ်ခန္ဓာကြံ့ခိုင်မှု၊ သွက်လက်ချက်ချာမှုနဲ့ အရေးပေါ် တုံ့ပြန်နိုင်စွမ်းတွေကို လေ့ကျင့်ပျိုးထောင်ပေးတဲ့ ရိုးရာတိုက်ခိုက်ရေးနဲ့ ကစားဟန်တစ်ခုအနေနဲ့ Kabaddi ဟာ အစပျိုးပေါ်ပေါက်လာခဲ့တာ ဖြစ်ပါတယ်။ 💪🏻

ရှေးယခင်က ဒီကစားနည်းကို ရွာတွေရဲ့ ပွဲလမ်းသဘင်တွေ၊ ရိုးရာအထိမ်းအမှတ် အခမ်းအနားတွေမှာ လူငယ်အချင်းချင်း အသင်းဖွဲ့ကာ ကိုယ်ခန္ဓာစွမ်းရည်ကို အပြိုင်အဆိုင် ယှဉ်ပြိုင်ကစားခဲ့ကြရင်းကနေ အချိန်ကာလကြာလာတာနဲ့အမျှ ကျယ်ပြန့်လာခဲ့ပါတယ်။

အဲဒီနောက်မှာတော့ ရှေးဟောင်း ရိုးရာကစားနည်းသက်သက်အဖြစ်ကနေ ရပ်တန့်မနေဘဲ ခေတ်မီနိုင်ငံတကာ စံနှုန်းတွေနဲ့အညီ စည်းမျဉ်းစည်းကမ်းတွေ၊ ကွင်းအကျယ်အဝန်းတွေနဲ့ ကိုက်ညီတဲ့ တရားဝင် အားကစားနည်းတစ်ခုအဖြစ် အဆင့်ဆင့် တိုးတက်ပြောင်းလဲလာခဲ့ပါတယ်။💯

တစ်ချိန်က ရိုးရာပျော်ပွဲရွှင်ပွဲတွေကနေ စတင်ခဲ့တဲ့ Kabaddi ကစားနည်းက ယခုအခါမှာဆိုရင် ကမ္ဘာ့အဆင့်မီ အာရှအားကစားပြိုင်ပွဲတွေနဲ့ SEA Games လို အဓိက အားကစားပွဲကြီးတွေအထိပါ တရားဝင် ဝင်ရောက်ယှဉ်ပြိုင်ကစားလာနိုင်တဲ့အထိ အောင်မြင်မှုမှတ်တိုင်သစ်တွေကို စိုက်ထူနိုင်ခဲ့ပြီ ဖြစ်ပါတယ်။

ရှေးဟောင်း ရိုးရာအမွေအနှစ်တစ်ခုကနေ ခေတ်မီနိုင်ငံတကာ အားကစားနည်းတစ်ခုအဖြစ် အဆင့်ဆင့် ပြောင်းလဲတိုးတက်လာခဲ့တဲ့ Kabaddi အားကစားရဲ့ ရာဇဝင်သမိုင်းကြောင်းကို တန်ဖိုးထားရင်း မြန်မာ့ Kabaddi အားကစားလောကကြီးလည်း ရှေ့ဆက်ပြီး ပိုမိုတိုးတက်မြင့်မားလာစေဖို့အတွက် ဆက်လက် အားပေးကြပါဦးနော်။ 💪🇲🇲

@

04/08/2026

With SEA Sports News – I just got recognised as one of their top fans! 🎉

16/12/2025