21/06/2023
حمية الصيام المتقطع
هي حمية بتعتمد بشكل رئيسي على ايقاف تناول الطعام لساعات محددة باليوم أو ايقاف تناول الطعام لأيام محددة بالأسبوع , الصيام المتقطع بيحول الدهون المخزنة لطاقة بيستهلكها الجسم وهيك بتصير خسارة الوزن.
بتفيد الحمية كتير بحالات السكري وامراض الشيخوخة والوقاية من الزهايمر وارتفاع الشحوم وبناء العضلات
وفي عنا اكثر من نمط للصيام مثل
1- الصيام لمدة 12 ساعة في اليوم
الإمتناع عن تناول الطعام لمدة 12 ساعة متواصلة مع السماح بالمشروبات ، وتناول الطعام خلال فترة 12ساعة.
2- الصيام ليوم كامل او اكثر من يوم أسبوعيًا
الإمتناع عن تناول الطعام بشكل تام 24 ساعة مع السماح بالمشروبات , مرتين بالاسبوع على الاقل وممكن ينعمل يوم بيوم وبهالحالة بيوم الصيام ممكن نتناول الطعام الصحي مثل الخضار والفواكه والدهون الصحية والمكسرات بشرط ما يتجاوز كمية السعرات 500 كيلو كالوري والايام خارج الصيام ممكن ناخد 3-4 وجبات وبتنحسب السعرات حسب حاجة الجسم
3- الصيام لمدة 16 ساعة عن تناول الطعام مع تناول المشروبات خلال الصيام , وتناول الطعام الصحي المتكامل خلال 8 ساعات
كتير ضروري بهالصيام انو نريح جسمنا منيح وتكون ساعات النوم كافية , نحاول نخفف من الطعام غير الصحي وبنفس الوقت ناخد الاكل اللي منحبو لكن ضمن كميات محددة وطبعا ما في أي نوع ممنوع يعني منقدر ناكل أي نوع من الاكل , وطبعا بيكون كتير منيح انو نشارك الرياضة مع هاد النظام وخاصة المشي والتمارين الخفيفة
واهم شي انو ناخد كميات ماء منيحة طول اليوم سواء ماء الشرب او أي نوع من المشروبات ويفضل بدون سكر
هالنوع من الصيام مناسب لكل الاعمار ويمكن اعتماد بعض الانماط فيه كنظام حياة مستمر وبالهطريقة ممكن نخسر 8 لحد 12 كيلو شهريا وممكن انو نحسب حاجة الجسم من السعرات الحرارية بس نوصل للوزن المناسب وهيك ممكن نستمر ببرنامج الصيام المتقطع كنظام حياة ويكون البرنامج نفسو هو برنامج تثبيت الوزن
نادي القتال السوري المشروع السادس جانب جامع المصطفى
#زومبا #فيتنس #رشاقة
#حيوية #متعة #لياقة
#جمال
