BLUE ZONE

BLUE ZONE صفحة تناقش بموضوعية أمور أزرق حمص.

06/06/2026

بتعرف شو اللي بيزعل؟

إنه لو كان عنا محترف تاني منيح مع براندون بالذهاب ضد الجيش والثورة

أو مثلاً لو الحكم صفر فاول لكوخ بار ضد الجلاء
والوثبة ما مرتين خسروا من النواعير باتفاق ضد المدرب

أو مثلاً لو سلة غامبريل ضد الوحدة متأخر فيها 3 ثواني بس، او حتى ما فايتة سلة موري
وديكسون ما عامل شي لجمهور الأهلي ومكمل اللعبة وفريقنا ما توتر

أو عالأقل هابو بس حط سلتين عالوحدة من لعبتين بدل ما ياكل شبه بلوك من اقصر لاعب بالدوري

لعبتين من هدول بس كانوا أهلونا بأسهل طريقة، أو حتى لعبة وحدة كانت خلت التأهل بإيدنا عالأقل!

06/06/2026

1- فوز على النواعير وطالب بحكام أجانب
2- عميل حافز للعيبة الشبيبة، وطالب بحكام أجانب "حقنا بتوقع كونه لعبة مؤثرة علينا"
3- طالب بإنه تكون لعبتنا بنفس وقت لعبة النواعير بآخر جولة
4- تعاقد مع محترف خارق بأي سعر كان يلعب مع ديكسون وباكنر ضد الأهلي، واذا قدران تجيبه ضد النواعير شكراً كتير

واساساً من مصلحة الأهلي بحال ما كانت لعبتنا مؤثرة عترتيبهن
إذا اختل واحد من ال4 شغلات لا تعمل اللي بعده..

+ جمهورنا بطران عالكأس ما بعرف لي وكأننا شبيبة او وحدة او اتحاد

بطولة رسمية ونحنا ما عنا غير وحدة، لي ما نبقى بجو بطولات السلة فيها؟

وكونه بالمحليين فأكيد محليينا احسن من اغلب الفرق "فقط الوحدة والوثبة أعلى، الاتحاد بنفس المستوى بأول 6 لعيبة"

وانت قادر تدعم بجميل صدير وزكريا الحسين ونور جنيات لهالبطولة وما حيكلفوك شي وفوقها حيكونوا حابين يعملوا شي ليحسنوا صورتهن قبل الموسم الجاي

كتير من جمهور الكرامة بهدل كل اللي غلط وعمل مشاكل بالصالةوكتير كمان عاتب الآلتراس على إنه ما كان دوره إيجابي "مع العلم إ...
05/06/2026

كتير من جمهور الكرامة بهدل كل اللي غلط وعمل مشاكل بالصالة
وكتير كمان عاتب الآلتراس على إنه ما كان دوره إيجابي "مع العلم إنه اللي صار صار من كل الصالة ما بس من الآلتراس"

بس مجرمين يا رئيس اتحاد كرة السلة السوري؟

ما مشكلة رح اجي معك كونك عم تمشي بالـ"قانون"

بس بدي اسألك كم سؤال ضروري

1- الـ"مجرمين" برأيك هني كل اللي شاركوا بأعمال الشغب، ولا بس اللي زتوا الشماريخ؟

بحال كان كل اللي شاركوا، شفنا شي "مجرمين" فاتوا عالسجن بلعبة الأهلي؟

وبحال كان بس اللي زتوا الشماريخ، فاللي انزت 4 شماريخ، يا أخي 6 شماريخ، اللي انحبس أكتر من هالعدد، فمعناها شو؟؟

2- الـ"مجرمين" الواضح إنهن كل جمهور الكرامة بالنسبة إلك، ما بعرف لي حقدت عليهن فجأة مع إنه الحركة اللي عملوها معك بغض النظر إن كانت صح أو غلط فكانت أقصى درجات الرقي "لما طلعوا من الصالة وانت عم تحكي"
ما بعرف إذا انت شفتهن "مجرمين" من هداك اليوم أو لا، بس أكيد كان إلو علاقة مباشرة بهاليوم
مع إنه اللي عملوه هو نفسه اللي عملتوه كاتحاد سلة بإنه ما حدا إجا وتوج فريق تحت الـ16 لتكسروا خاطر أطفال وشباب صغار أخدوا البطولة بإنه ما يتتوجوا بيوم فوزهن..

المهم؛ بحب ذكرك إنه هالجمهور هو أكتر جمهور -للأسف طبعاً- دعمك ودعم ملفك، وإنك أساساً ترشحت من نادي الكرامة، نادي الـ"مجرمين"

3- بحب بس قلك كم شغلة

المجرم هو اللي عرقل ملف جوي زلعوم مع الكرامة ومشاه مع الوحدة
اللي عرقل ملف ماجور ماجاك لحتى ما يلعب مع الكرامة
اللي لهلأ ما حاول يزبط ملف صالة حمص ولا فكر فيها وخلانا نبقى بزريبة غزوان أبو زيد
اللي ما خلا مناسبط يمدح فيها حلب والشام وفرقها ونسيان حمص، أو يا ريت نسيانها، عم يحاربها ليراضي غيرها "وهون حمص فعلاً، كرامة ووثبة"

كلها حالات حمص قادرة تحاربك فيها، وتشتكي عليك فيها، ولسا في كمان؛ كمّل؟
بلاها هلأ، الجايات كتار

ما حدا بينكر إنه منستاهل نتعاقب، والعقوبات ممكن تكون شديدة زيادة بمحلات وبمحلات مناسبة وبمحلات ممكن تكون حتى أقل من اللازم، بس الواضح إنه فيها حقد، وإنه مأخودة بدون الرجوع للقانون ولهيك بساعة في بند تغير لأنه كان الكرامة قادر يشتكي على هالشي..

أكيد اللي صار بلعبة حمص أكبر من اللي صار بلعبة حلب، بس الفرق 68 مليون؟
الصالة كلها حضرتكن ما دافعين فيها 10% من هالمبلغ عفكرة، ومديرية الرياضة اللي بحمص أساساً لازم تتحمل كلفة الأعطال اللي تسببت فيها يوم اللي عملت فطور رمضان فيها..

68 مليون فرق؟
مع اني ما ضد المبلغ، بس فعلاً كل هالفرق بين الحالتين؟ الـ4 شماريخ بيكلفوا كل هالقد؟

عموماً منستاهل، لأننا فكرناك زلمي

03/06/2026

لا تردوا عأي حدا بيبرر اللي صار بالصالة

بحياتنا ما كنا ولا رح نكون هيك، وهي ما دروشة؛ اللي صار هو الدروشة بعينها..

لما تحاول تقلد غيرك دروشة، ولما ما تعرف لا الوقت ولا الطريقة دروشة، بس للأسف مع وسخنة!..

بحياته ما كان شي فيو دم وضرب عالروس يتبرر، باخد اللعبة بإيدي بإني أعرف اضغط صح، ويكون عندي فريق صح، أما فكر اضغط لما يصير الفرق 20! 😂

لما تطلع القرارات ما تقارنوا، ولا حدا عمل شغب طالع الجمهور التاني او الحكام او اللعيبة مشطوبين غيرنا

ما حدا زت شماريخ عالصالة وعجمهور الخصم

رح يجوا نفس اللي عملوا هالقصص يحكوا هون ويسبوا هون بس ما عاد مشكلة
يا عيب الشوم وبس

02/06/2026

بوست عن الموسم كاملاً؛ رأي خاص أو عام ما مهم

1- التراس بلو صن
بلشتوا الموسم بشكل سيئ وبعدها مشيتوا بشكل ممتاز
بس مصيبة انكن تنهوا الموسم هيك، مصيبة تكون المجموعة اكتر شي ما منضبط بلعبة متل هي، مصيبة الالتراس تبع الفريق يضيع البوصلة ويترك الادارة ويروح عتفاهات جوا اللعبة ليخلي الادارة ترجع تنزل بيان مضحك تخبي فشلها فيه

2-كبارية النادي؛ ملاحظين انكن من لما استلمتوا النادي لحالكن النادي من فشل لفشل؟
ملاحظين انكن انتو اللي لما عم تشوفوه عم يطلع عم توقعوه بإيديكن وكله بحجة مصلحة النادي؟

الشللية اللي جواتكن ما بدي تبطلوها، بدي تطلعوا انتو وياها برا النادي، النادي والله أكبر من عقلية معتز مندو وغيرو اللي كب فريق كامل بعد ما كان الفريق متصدر وبطل دوري، كب جهد موسم بعدين كب الفريق كلو بدال ما يبني عليه بس لحتى ما ينقال فريق فجر او العموري!..

خلص اتركوها لغيركن، والقصة ما بالعمر ها! القصة فيكن، بعد 100 واحد عمرهن فوق ال50 وال60 وبيشتغلوا بالنادي بعقلية صح

ابو شاكر حبيبنا بس خلص، القصة ما هيك بتمشي، ورد خذلك لهيك ما بدك تتعاقد معو؟ لهيك ما تعاقدتوا مع الشامي؟ ما عيب!
عفكرة ما هو اللي خذلك، ما هني اللي خذلوكن، انتو اللي خذلتونا وخذلتوهن، الحق ما عليهن، لعيبة كانوا احسن فريق بالدوري معكن وبتعفيساتكن خسروا، هاد ذنبكن وبس

3- من اليوم؛ فهر كالو إذا ما بده يشيل كل هدول ويقفل باب النادي عأغلبهن لا يدفع لا قدم ولا سلة، لأنه يا استاذ فهر جربناها والله وما نابنا شي، بتعرف ليش؟

لأنك اذا جبت فراس وجاب لعيبة عأول مطب حينقال شبيح ومكوع، إذا جبت جهاد كمان عند أول مطب حينقال ما بيعرف بالدوري، وما مدرب فريق اول بحياتو، اذا جبت اجنبي واذا واذا

وهالحكي ما من الجمهور ها، انتبه؛ الجمهور حقو يقول
هالحكي من عالم بدها توقع الموجود لأنها بحلف تاني

ونفس الحكي سلة، خلي هيثم حينقال فشل سنة وسنتين معك، جيب أمير حيجيك اللي بيكرهو ويفشلو

الحل الوحيد؛ قعود مع الشباب اللي بيحبوا النادي، الفهمانين بالنادي، قعود مع الكوادر الناجحة من النادي

حكي جهاد وحكي فراس، حكي العمير ومصعب، حكي مهند ومجد بالسلة، مع الشباب المعروفين والمشهود الهن بفهمهن بالنادي

احسن موسم تعاقدات بالسلة بدون اي منازع وكان بنفس الوقت اقل من كل المواسم المدفوع فيهن وما كمل من سيئ الذكر يامن بالي كان الموسم اللي انوجد فيه أبو ماسة وفؤاد، لو موجودين اليوم مع نفس الفريق ما كان الفريق أحسن من العك اللي عملوه عمار جمال الدين وابو قاعود؟

4- وأخيراً وبعرف الجمهور رح يشوف هالحكي خالص، بس هاتوا جميل صدير وزكريا الحسين وقاتلولنا عالكأس، هاتوا هال2 وقاتلوا عالكأس، الكأس بس محليين ووضعه اسهل بكتير من اي شي

قاتلوا عالكأس لانه هي مهمتكن.

02/06/2026

صحي
مارسيلو كورية عمل 10 دقايق دفاعية احسن من موسم هابو كلو

02/06/2026

الجمهور ما عرفان الوقت اللي ممكن يعمل فيه تشويش عالحكم او الفريق التاني

ولا عرفان حتى عمين يعصب

من اول يوم لآخر يوم؛ القصة من الادارة واللي ركب الفريق
لا مدرب ولا لعببة، اسوأ لاعب واحسن لاعب ما دخلهن، التحكيم واتحاد السلة ما دخلهن

هدول ممكن كل واحد فيهن خسرنا لعبة، بس كل اللعب خسرونا ياهن الادارة
كل اللعب خسرونا ياهن اللي تعاقدوا مع اللعيبة

وبس.

للكابتن رامي عيسى واتحاد السلةمحترف النواعير ما بيتعاقب ولا لعبة؟يعني لأنه مادوكس تعاقب هاد ما عاد يتعاقب عادي؟ولا خلص ه...
01/06/2026

للكابتن رامي عيسى واتحاد السلة

محترف النواعير ما بيتعاقب ولا لعبة؟
يعني لأنه مادوكس تعاقب هاد ما عاد يتعاقب عادي؟

ولا خلص هلأ صار عادي بعد ما تطبق القانون معنا ومع الأهلي؟

رحم الله المشجع الأهلاوي والصديق الشاب دلشاد داهودالله يرحمه ويغفرله ويتقبله
31/05/2026

رحم الله المشجع الأهلاوي والصديق الشاب دلشاد داهود

الله يرحمه ويغفرله ويتقبله

بعرف وأكيد الجمهور أمله 0، ولكن واجب الإدارة والفريق اللي وصلونا لهون يقاتلوا لآخر نفس مشان يراضونا ولو عالأقل بالقتال، ...
30/05/2026

بعرف وأكيد الجمهور أمله 0، ولكن واجب الإدارة والفريق اللي وصلونا لهون يقاتلوا لآخر نفس مشان يراضونا ولو عالأقل بالقتال، لنقول في مرحلة عملوا شي!

الفرق بين الكرامة والنواعير 3 خسارات؛ مع فكرة انه المواجهات + النقاط إلنا

هل النواعير ممكن يخسر 3 لعب؟ طبعاً ممكن

طب هل نحنا رح نربح ال4 لعب؟ هاد اللي لازم يقاتلوا عليه، متل ما ممكن نربح ممكن نخسر وعهالأداء والإدارة والفريق فهاد الاحتمال الأكبر

بس اللازم إنه تقاتلوا كفريق، انتو هالمرة تقاتلوا مشان الجمهور لما يكون الجمهور تعب مشانكن؛ ردوا جزء من جمايل هالجمهور اللي كان يدعمكن حتى لما يكون الفرق كبير للي ضدكن لأنه كان مآمن فيكن

العبة ضد الوثبة يوم التلاتا، ولعبة النواعير والوحدة الأربعا عأرض النواعير

هاللعبة خصوصاً لازم نرحلها قاتل أو مقتول؛ ووقتها الوحدة يا بيربح وبيعطينا دفعة يا بيخسر ومنقول خلص مستحيلة

مع العلم إنه الكأس قرب، وفوارق الكأس أقل بكتير من فوارق الدوري لعدم وجود اجانب
خصوصاً انه الدرع نحنا خسرنا بفوارق بسيطة وبدون ما يكون موجود معنا وائل وشهم..

الحكي حيكون في قباله حكي كتير من الجمهور طبعاً بإنه خلص ولي عم تحكي؛ بس اللي بعرفه اننا الكرامة، واللي بعرفه انه الادارة لازم ما توفر جهد عالواقع
متل ما هيك ما وفرت جهد عالفيس لتورجينا انها اسوأ ادارة سلوية مرت، واسوأ اذارة بتعرف تتعامل مع الجمهور والاتحادات، واسوأ اذارة بتعمل بيانات

Address

Homs

Website

Alerts

Be the first to know and let us send you an email when BLUE ZONE posts news and promotions. Your email address will not be used for any other purpose, and you can unsubscribe at any time.

Shortcuts

Share

Category