الوحدة الدمشقي Fans

الوحدة الدمشقي Fans أخبار وتحليلات تخص المعشوق الأول نادي الوحدة الدمشقي يكتبها محبون لنادي العاصمة الأول

22/09/2024

بعد مشاهدة فريق كرة السلة المباراة الماضية ونصف مباراة اليوم
السؤال على شو كانوا عم يتدربوا مع الكوتش مروان
هجوميا فريقنا عبارة عن تلوث بصري وهو الاضعف بالبطولة

ادارتنا مشكورة سبقت كل الفرق بملف اجانب كرة السلة ، وكان الاختيار شبيه بتجربة الموسم الماضي مع دونتي من خلال الدوري السع...
02/09/2024

ادارتنا مشكورة سبقت كل الفرق بملف اجانب كرة السلة ، وكان الاختيار شبيه بتجربة الموسم الماضي مع دونتي من خلال الدوري السعودي .
في الصورة تعليقي على الصفقات يلي كتير ما فهموه وفكروني عم قلل من الصفقات
القصد كان واضح ، اذا كانت الصفقات غير مناسبة بعد التجريب بالسوبر بتمنى من الادارة تبدل فورا بأسماء مجربة حتى نقدر نعمل نتائج افضل ببطولة وصل

كرة السلة في نادي الوحدة بعتبر ملف كرة السلة في نادي الوحدة أصعب قي التعامل من ملف كرة القدم بأشواط ، السبب واضح أنو أي ...
27/08/2024

كرة السلة في نادي الوحدة
بعتبر ملف كرة السلة في نادي الوحدة أصعب قي التعامل من ملف كرة القدم بأشواط ، السبب واضح أنو أي مشاركة محلية منحقق فيها الوصافة فهي مشاركة فاشلة ، الفريق مطالب دوما بالبطولة .
الإدارة المنتخبة بدأت معالجة ملف كرة السلة الى الآن بطريقة جيدة جدا مع وجود غصة .
البداية كانت كنتصف الموسم الماضي بصيانة صالة النادي ، خصوصا انو الشام كلها عم تدرب على صالتين .
الخطوة التانية كانت تعيين الكوتش عبد الله مدرب للفريق الاول للبنات ، خطوة اراها موفقة جدا خصوصا انو وصلنا مع الكوتش ليز بالفريق الاول للسقف وما كنت شايف انو قادرة تعطي الفريق الاول شي اكتر والتغيير لازم .
الغصة انو الكوتش ليز حدا نجح نجاح باهر باخراج جيل ممتاز ويا ريت لو بقينا محافظين عليها بادارة ملف القواعد الانثوية .
بالنسبة لقواعد الرجال تحت ٢٠ وتحت ١٨ فكانت صفقة الموسم بالتعاقد مع الكوتش أشرف دركزلي ، شخصيا بعتبر هالصفقة هي الافضل لكرة السلة خلا عشر سنين خصوصا انو مدرسة النادي اخر كم سنة ما عاد صقلت مواهب ، عم قول كلمة صقل مواهب لان المواهب موجودة وبتجنن بس بدها كوتش يرعاها ومين افضل لهي المهمة من الكوتش اشرف ، اخيرا اذا الادارة أرادت خدمة السلة البرتقالية سنين لقدام فليها تعطي الصلاحيات كاملة للكوتش اشرف وبالمرحلة يلي بعد الكوتش مروان يكون الكوتش اشرف مكانو مع الجيل يلي دربو بالشباب .
بالنسبة لملف الرجال فالامور مستقرة والفريق عندو رفاهية تدعيم مراكز فيها نقاط ضعف ، بدأنا بالياس عازرية اهم موهبة سلوية سورية ، انا بشوف انو الياس تأخر بخطوة الخروج الشي يلي أدى الى تراجع مستواه ، فالمشاركات الخارجية والمشاركة مع فريق منافس بترفع من مستوى الللاعب وبتنقلو لمستوى تاني .
الحفاظ على قوام الفريق البطل مطلوب مجد شريف هابو حدو طارق عمورة اوطه ميشيل حلبي ، والتدعيم ( بعد الياس ) بهاني كصفقة اكيدة .
بيبقى اخيرا تفسير قرار لجنة الاحتراف باحتساب ابن النادي من غير التلاتة من عدمها هو الفيصل بالصفقات يلي بعد .
خلينا نفترض الوجهين ، اذا اعتبر ابن النادي خارج حسابات التلاتة فالاريحية بتكون باختيار لعيبة متوفرة بتفيدنا والاولوية لاولاد النادي هاني والسيرجية ، ومن بعدهن نديم وشهم .
اما في حال احتساب ابن النادي من اللاعبين التلاتة ف بفضل نروح على الياس هاني وسيرجية او شهم لحاجتنا لمركز صناعة اللعب .
اخيرا الادارة الى الآن عم تورجينا حجم وعي كبير وقدرة على حسم الصفقات المهمة للنادي ، الله يوفقهن

الجنرال عاد ماعاد في لاعب يتمشى ماعاد في دلال وغنج ماعاد في استهتار باسم وجمهور النادي الجنرال عاد يعني تضحية وقتالية تن...
25/08/2024

الجنرال عاد
ماعاد في لاعب يتمشى
ماعاد في دلال وغنج
ماعاد في استهتار باسم وجمهور النادي
الجنرال عاد
يعني تضحية وقتالية
تنظيم وتكتيك وجدية
يلي بيلعب هو الأحق ويلي بيعرق بالتمرين

الفانوس السحريبفتخر كتير أنو أول بوست إلي عالصفحة حيكون إيجابي فالحمد لله بعد سنتين نشفوا الدم بعروقنا خصوصي بملف كرة ال...
19/08/2024

الفانوس السحري

بفتخر كتير أنو أول بوست إلي عالصفحة حيكون إيجابي
فالحمد لله بعد سنتين نشفوا الدم بعروقنا خصوصي بملف كرة القدم ، عم نشهد اليوم ولادة رؤية عم نطالب فيها من زمان ، إدارة بخطواتها الأولى عم تثبت وجود الخبرة بإدارة ملف كرة القدم إلى جانب المال يلي وصلها لهون .
الخبرة متمثلة بالاستاذ غياث دباس اندفع تمنها وقت واخفاقات ونجاحات بسنينو يلي مضت بادارة نادي الوحدة .
كل يوم عم يفاجئني الاستاذ غياث انو عم يحقق كلشي كنت شايفو الصح وكنت بتمناه من الادارة قبل انتخابها ف سمحولي سميها لهلا ادارة الفانوس السحري .
بداية بملف كرة القدم ، فصار من الواضح أنو نادي الوحدة ما بيعمل شي كرويا بفريق اساسو غربتلية ، تطعيم مراكز ناقصة هالشي لا غنى عنو وحققلنا القاب ، اما تعمل فريق تحويشة فهاد شي ما حينجح معنا ( نجح مع غيرنا ) .
فأمنيتي الاولى كانت انو نرجع كل لعيبتنا يلي برا ، نخلق جو اسمو نادي الوحدة الدمشقي بحق وحقيق بغرفة الملابس والتدريبات والشباب البقية من باقي المحافظات حينصهروا مجبرين بهالمجموعة ، بالاضافة انو اندفع مبالغ كتير كبيرة المواسم الماضية للغربتلية ، يجي يقضيها شعلان وجاحظ ويهبر هبرتو ويمشي وفريقنا عم ينافس عالهبوط ، فهلأ شو ما عملنا وكيف ما كان مركزنا ف مصارينا راحت ع ولاد نادينا وما راحت للغريب .
الأمنية التانية يلي تحققت بعهد ادارة الفانوس السحري فهي انو حتى لو بدنا غربتلية ف عم نركز علعيبة الشام او المقيمين فيها ، هالخطوة بتوفر علينا فنادق واطعام وبيضل اللاعب ابن المدينة قريب كتير من ابن النادي ، بحارتو في جمهور للنادي حيزعل معهن اذا خسرنا ويفرحهن اذا ربحنا .
الأمنية التالتة انو التعاقدات ما عم تكون شلف متل الموسم الماضي ، كل التعاقدات عم تتراوح بين الجيدة والممتازة ، وحسب السوق والمنافسة الشرسة فالميركاتو افضل من المتوقع ، اي حدا بيعلم بالخفا شو عم يصير بيعرف انو تجميع فريق محترم أمر صعب كتير بالوقت الحالي ، في اموال طائلة عم تندفع وكم بير نفط محجوزين سكارسا لهالشغلة فمشكورة الادارة على هالاسماء ، بتمنى ما ينزعوها بالاخير ( ما بدنا البياع خالد ابراهيم )
المطلوب هلا من الادارة ٣ أمور
اولها مدرب يعرف يدير هالمجموعة واهم شي انو يخلي اللعيبة تلعب على دمها ، مياعة وتمشاية لازم تكون من المحرمات بالنادي .
تانيها مدرب فهيم يستلم هيكلة القواعد بالنادي ، معلوم انو في تراجع بالفئات بسوريا بشكل عام بس مو معقول من جيل اومري خريبين عجان ما طلع النادي لاعب عليه القيمة ، هاد اكبر دليل انو مافي عنا قواعد كرة قدم بالنادي ليجي الشخص يلي يرجع يحييها .
تالتها ملعب تدريبي محترم بيليق باسم النادي خصوصا انو الارض موجودة
ملف كرة السلة يتبع

Address

Dimashq

Website

Alerts

Be the first to know and let us send you an email when الوحدة الدمشقي Fans posts news and promotions. Your email address will not be used for any other purpose, and you can unsubscribe at any time.

Shortcuts

Share

Category