04/09/2026
بكرا يوم مهم جداً للموسم الجاية بكرة السلة السورية بانعقاد الجمعية العمومية السنوية للاتحاد 🇸🇾🚨
كتير قرارات رح تطلع ومنها تحديد عدد الأجانب على أرض الملعب ، في أندية بدها 3 أجانب وفي أندية مع الاستمرار بنظام " 2+1 " ومتل ما عم نسمع الأندية يلي بدها 3 أجانب على أرض الملعب رح تنجبر تشرك لاعب تحت 23 سنة.
نظام البطولة رح يكون عالطاولة ، في إمكانية الاستمرار بنظام الموسم الماضي وتكون الأدوار النهائية بشكل " فاينال 6 و فاينال 4 " أو ممكن يكون في تغييرات حسب آراء الأندية والمناقشة يلي رح تصير.
اللوائح الانضباطية والعقوبات و الشكل التنظيمي للمباريات رح يتم البت فيه بعد الاجتماع.
الأهم انو رح يكون في تصويت على أغلب النقاط المتداولة وهون الكرة بملعب الأندية.
انتو كمتابعين وجمهور شو رأيكم؟
كيف بدكم يكون نظام اللاعبين الأجانب؟
بخصوص الحضور الجماهيري انتو مع عودة الترحالات أو لاء ؟
وشو بقترحوا أمور لمصلحة اللعبة؟
