Hiba fitness

11/02/2024

😄

18/07/2023

من غير المنطقي أن تطالب مدربك بنتائج أفضل وأنت غير ملتزم تدريبياً من غير المنطقي أن تطالب مدربك بنتائج أفضل وأنت غير ملتزم غذائياً من غير المنطقي أن تطالب مدربك بنتائج أفضل وأنت لا تستطيع الإستمرار بسبب مللك وعدم امتلاكك للحافز الداخلي أو بسبب ضعف إرادتك ماذا سيفعل لك المدرب حيال ذلك ؟؟!!! إنه سيمسك يدك ليرشدك بالتأكيد واضعاً لك الأسس التدريبية والغذائية وسيدعمك وسيحفزك وسيكون عونك و سندك بالتأكيد.. لكنه لا يستطيع إقحامك عنوة في مجال يبدو واضحاً أنك لا تملك الرغبة الكافية في خوض صعوباته.. المدرب ربان.. قائد.. مخطط لسفينتك التي تستعد للإبحار.. ولكن الإبحار في خضم المحيطات يتطلب استعدادات أخرى بكل تأكيد

❤️❣️

15/07/2023

معلومة باختصار #
رح نحكي عن ثبات الوزن

عنا معادلة صغيرة يلي هيي انو نحنا
( بنسمن من برا لجوا وبننحف من جوا لبرا) وهاد اللي مابدنا ياه بدنا عكسو تماما 🥴
شو يعني بننحف من جوا لبرا ؟؟ 🤔
يعني أول شي بننزل مي 💦 وطالما وزنك كبير ⛄️معناتو في مي اكتر مما بتتخيل
لهيك الفترة هي بختلف من حدا للتاني وحتى ممكن تطول
وبعدا بتبلش تنزل ( visceral fats) الدهون اللي على الاحشاء
هي الفترة انت بتسميها ( فترة الثبات) وهيي اطلاقا ليست ثبات
في شغلات كتير بتصير وأصلا لازم تصير مشان صحتك ومشان وزنك ولحتى أصلًا تقدر توصل لل subcutaneous fat يعني الدهون اللي تحت الجلد✊🏻 اللي بتشوفها بعينك 👁واللي بسببها بتعمل كل هاد 🫁🫀💪🏃🏻‍♀️🏃🏼‍♂️

يعني اللي بتقول عنو ثبات بالوزن هيي فترة نزول دهون الاحشاء visceral fats وهي الفترة لا أنا ولا غيري رح يعرف يقلك اديش بدك وقت لان نحنا مارح نعرف أديش فيها دهون

بس عالأكيد هيي مالها ثبات
لهيك طالما شغلك صح استمر ولاتيأس ولاتقارن حالك بغيرك
جسمك بيعرف شغلو
موفقين 💗

07/07/2023

معلومات باختصار #

كلام بيهم الجميع وكلنا بحاجتو 😌

* بتعرفو انو فينا نخدع جسمنا لحتى نحصل عالسعادة ؟
في أربع chemicals مسوؤولين عن السعادة

١- أول واحد فيهن Endrophins
وهاد ال Endrophins بنقدر ناخدو اذا أكلنا dark chocolate واذا ضحكنا واذا طلعنا مشينا ( خصوصا نحط اغاني رواق بنحبها) 😉

٢- تاني واحد شوي أقوى منو هو Oxytocin
بيعلى عنا اذا أعطينا مجاملة للناس اللي حوالينا واذا عانقنا اللي بنحبهن

٣- اللي بعدو هو Seratonin
بيعلى عنا اذا أكلنا أكل صحي واذا اتعرضنا لأشعة الشمس واذا كمان مشينا

٤- وأقوى واحد فيهن كلهن هو Dopamine
بنقدر نحصل عليه اذا بعدنا عن الأكل الجاهز واذا اخدنا حمام بارد واذا لعبنا رياضة

بتضل الرياضة سيدة كل المواقف 😍😍😍
موفقين 💗

02/07/2023

02/07/2023

معلومات باختصار ❣️❣️

للأشخاص اللي عندن الحرق بطيئ او عندن ملل من الالتزام

بدك تنزل وزنك وتقلل من الكتلة الدهنية وتستمر فترة طويلة بالالتزام لازم تقلل السعرات الداخلة لجسمك بس لتقدر تتحمل قلة السعرات الداخلة لجسمك وتضل عم تنزل بالوزن لفترة طويلة وتضل محافظ عالكتلة العضلية وتضل عملية الأيض مرتفعة وشهيتك مسيطر عليها هالنصائح الك:

-توقف عن تناول الكربوهيدرات البسيطة بوجبة الافطار وخاصة الكروسان والمعجنات والكورن فليكس والخبز واستبدلها بحصة عالية من البروتين والألياف مثل البيض والجبنة والحمص والفول وحاول تستعمل المعلقة والشوكة بدل الخبز

- تارك مخزون فيتامين دال كتير منخفض ؟
من أكتر الأشياء اللي بتعمل شراهة للأكل انو أي مخزون سواء فيتامينات او معادن كان فيه نقص بيصير بدو يعوض بالأكل حتى يقدر يحصل ويظبط هذا النقص بالمخزون
يعني اذا عندك نقص بفيتامين دال او الحديد او B12 أو اي فيتامين ظبطه بتظبط شهيتك 🥰

-الكورتيزول عندك كتير عالي ؟ رح تخلي شهيتك كتير عاليه
ممكن عم تسهر كتير او بتاكل بليل ، اعمل shift وخلي اكلك بالنهار حاول ماتاكل بعد ال ٦ ماكسيموم ٨ بليل و
Try to relax
ونام ٨ ساعات ضروري ضروري
( هرمون النمو المسؤول عن الحرق والسعادة ومحاربة الاكتئاب والتوتر بيشتغل بوقت نومك حصرا اللي تقديريا بيكون من ال ١١ لل ٤ الصبح )

وبعدا شوف كيف شهيتك رح تظبط ورح تقدر تنزل بالوزن وتضل مستمر عالحمية بسهولة أكتر 😊

وموفقين 🌸

30/06/2023

أغرب و أكثر الأسباب الشائعة في زيادة الوزن أو حتى ثبات الوزن وعدم القدرة على خسارته هو ببساطة ( نقص الحديد )

- نقص الحديد موجود عند النساء أكثر منه عند الرجال بسبب الدورة الشهرية والحمل والولادة واستهلاك اللحوم الحمراء بشكل أقل من الرجال

- لاتتوقف أعراض نقص الحديد عند عدم خسارة الوزن ولكن يمكن أن يتسبب نقصه بالكآبة وفقدان الدافع بالحياة ومشاكل في الحرق والمناعة

بالتالي ماهو المصدر الأفضل الذي سيعوض النقص بأسرع وقت ممكن وامتصاص افضل ، الجواب هو : اللحوم الحمراء وكل ماكان اللون اغمق أكثر كان فيها نسبة حديد أعلى وامتصاص افضل كالكبدة ( سودة الخاروف) مثلًا

- عند المقارنة بالسبانخ أو المصادر النباتية للحديد لايمكن مقارنته بحد ذاته بشكل غير مطبوخ لانه وجب معرفة ما اذا وجد فيه مادة ( الأوكساليت) التي تمنع امتصاص الحديد لذلك طبخه لحد ما يمكن أن يحسن الامتصاص ولكن لايقارن بمصدر اللحوم الحمراء

- شي تاني رح نذكر فيه وهو حتى لو ( الهيموجلوبين) أو مستويات الدم عندك طبيعية يمكن تعاني من نقص الحديد لهذا وجب فحص مستوى الفيريتين مخزون الحديد لانه الاساس اللي رح يحدد اذا عندي مشكلة ولازم عالجها

دمتم بخير 🌸

30/06/2023

معلومة باختصار #

الموز يساعد الرياضيين

يحتوي الموز على ٣٢ ملغ من المنغنسيوم ، وهو مصدر كبير للبوتاسيوم والألياف وفيتامين ج وفيتامين ب ٦
يحتوي الموز على الالكتروليات ( المعادن والأملاح )

لذا ان كنت رياضيًا او شخص يمارس التمارين الرياضية فهذه الفاكهة خيار رائع لك كمصدر طاقة ويساعد في تغذية خلاياك بشكل كبير

حتى أنه عند مقارنته بالشوفان فإنه لايزال يحتوي على نسبة أقل من السكر وكمية أقل من الكربوهيدرات من الحبوب الصحية الأخرى مثل الأرز والكينوا
الموز هو الخيار الأمثل مقارنة بأي فاكهة أخرى في رأيي

29/06/2023

منقول من الدكتور أسامة الجنزير كل الشكر

بوست طبي



🟢كتير اوقات منحس بالم بمنطقة الكتف
و منهملها بدون ما نفكر انو ممكن تكون علامة من علامات التهاب اوتار الكتف

🔴هاد النوع من الالم و المشاكل ممكن يقيد حركتنا و يسببلنا اعاقة بالانشطة اليومية البسيطة و الكبيرة
متل لبس الجاكيت و حتى الرياضة
بهل البوست رح نحكي عن اعراض و اسباب و طرق علاج هل المرض

🔴 ؟

🟢في بداية الإصابة بالتهاب الوتر
الاعراض بتكون خفيفة و بسيطة
لهيك معظم الاشخاص بيهملوها و ما بيعطوها اهمية
🟢بتشمل الاعراض :

1️⃣الإحساس بألم خفيف مع النشاط البدني
وحتى في وقت الراحة.

2️⃣الإحساس بألم يمتد من مقدمة الكتف إلى جانب الذراع.

3️⃣الإحساس بألم مفاجئ مع حركات رفع ونزول الذراع.

4️⃣الالم بيزداد خلال رمي الاشياء
متل الطابة او لعبة السلة

⛔ومع تطور الإصابة يبدأ المريض في الشعور بأعراض أكتر والتي تشمل:

1️⃣الإحساس بالألم وقت الليل

2️⃣فقدان القوة والحركة في الكتف

3️⃣الألم في امتداد الذراع خلف الظهر.

4️⃣حركات محدودة ومؤلمة في مفصل الكتف

🔴 ؟

🟢العديد من الاسباب
منها الرياضة العنيفة
تحميل وزن اكبر من استطاعة عضلات الكتف

حركات مفرطة مفاجئة
العمل المكتبي

السقوط و الرضوض على الكتف

🔴 ؟

🟢عدة طرق تساعد في وضع تشخيص التهاب الوتر

✅الفحص السريري للكتف:

من خلال الفحص السريري للكتف
و تحديد مجال الحركة للكتف
ملاحظة الحركات المؤلمة
وضع نقطة واضحة للالم في الكتف

⛔كتير مهم نفحص الرقبة و ننفي علاقتها بالالم قبل وضع التشخيص

✅الصورة البسيطة

بالحالات المتقدمة ممكن يظهر التكلس واضح بالكتف ع الصورة البسيطة
بس الانسجة الرخوة و الاوتار ما بتبين الا ع الرنين حصرا

✅التصوير بالرنين المغناطيسي

بوضحلنا وجود الالتهاب و الوذمة
او وجود اذية باوتار الكتف بشكل دقيق وواضح

🔴 ؟

🟢هدف العلاج هو تقليل الألم مع الحفاظ على الحركة الطبيعية للكتف ومنع تكرار الإصابة

✅عنا عدة خطوط علاجية تبعا للعمر و درجة الاذية و نمط الحياة

1️⃣العلاجات الأولية:

مثل استخدام أكياس الثلج وأدوية معينة مثل البروفين و باقي المسكنات و مضادات الالتهاب اللاستيروئيدية

2️⃣العلاج الطبيعي:

يشمل مجموعة من تمارين الحركة
ويعتبر جزءًا مهمًا جدًا من خطة العلاج
بيشمل ايضا المعالجة الفيزيائية المتخصصة بحركات الكتف

🔴 في حال استمرار الالم او في الحالات الشديدة نلجأ للحقن داخل الكتف
مثل الكورتيزون و البلازما
و هي الفقرة حكينا عنها بالتفصيل بهل البوست


3️⃣العلاج الجراحي:

في حال التمزقات في الكفة المديرة
و عدم استجابتها على الحقن
نلجأ للجراحة لخياطة الكفة او وضع طعم عضلي او نقل وتر داخل الكفة المديرة

🔴 ؟

🟢متل ما حكينا فوق هيك اصابة سببها اجهاد مفرط على اوتار الكتف

لهيك ممكن تفيدنا شوية نصائح بسيطة بالوقاية من هل الاصابة

✅التدرج في التمارين الرياضية و الاحماء الجيد قبل التمرين

✅الالتزام باوزان محددة عند التدريب و الاعتماد على زيادة التكرار
بدل من زيادة الوزن

⛔⛔التوقف عن التمرين فورًا في حالة الإحساس بأي ألم غير طبيعي

اخيرا
✅نحن في العيادة التخصصية للجراحة العظمية

نشدد على أهمية استشارة الطبيب على الفور

في حالة الإحساس بأي آلام في الكتف غير عادية في الكتف تمنعك من أداء نشاطاتك العادية⛔⛔⛔

✅✅حتى يمكن البدء في العلاج على الفور وتوقع أفضل نتائج ممكنة

29/06/2023

معلومات حلوة عن البطيخ .. 🍉

السؤال اللي بينسأل كل موسم الو .. البطيخ بيسمن ؟

اكثر الاجابات بتقول
لا
هو مفيد جدا لبناء العضلات قريت معلومة عنو
يحتوي البطيخ على فيتامينات متعددة أبرزها A و C، وكلها فيتامينات تساعد الجسم على إنتاج الكولاجين، وهو بروتين يساعد على تعزيز صحة العضلات، ونموها، إذ يساهم في تحفيز إنتاج بعض البروتينات المفيدة لتقوية العضلات، كما يساهم في التخفيف من آلام المفاصل، وإعادة ترميم غضاريف المفاصل، هذا إلى جانب أنه مفيد لصحة العظام

طبعا يحتوي على سكر الفركتوز . كل 100 غرام. فيه 6 غرامات سكر.
ولكن مفيد في بناء العضلات لاحتوائه على السيترولين والأرجنتين اللي بساعدو عضخ الدم للعضلات َ يعني أوكسجين اكتر واستشفاء وتستستيرون أكثر.
لكن مهيج للقولون بلدرجة الاولى

غذاء ممتاز ولكن يرفع السكر بشكل سريع غير مستحب لمريض السكري

المشكلة مو بالبطيخ
المشكلة بكمية البطيخ يلي رح ناكلها
يعني ازا بتاكلي نص بطيخة شي ٣ كيلو بسمن اكيد
بس هوي يعد من اقل الفواكه بيحتوي على سعرات بمعدل ٣٠ سعرة بال١٠٠ غرام قرابة ال ٦ غرام سكر
البطيخ والفريز اقل الفواكه سعرات

بنصح فيه بعد التمرين لانو بساعد عالاستشفاء🤏