15/09/2026
«يا كوتش، أنا عايزة أخسس بطني.»
«وماله يا حبيبتي؟»
تقول لي:، أنا بس عايزة أخسس بطني
بس انا مش هعمل نظام غذائي، يعني عايزة أخسسها بالجيم بس.»
«مش فاهمة يعني إيه؟ 😂»
تقول:
«يعني يا كوتش أنا رفيعة، وماعنديش غير حتة البطن دي، فكنت عايزة أنزلها بالرياضة كده… أصلًا يعني مش تخينة.»… هتنزليها بالرياضة إزاي؟
«بالرياضة يا كوتش!»
رياضة؟! 😂
هو إنتِ فاكرة إن الرياضة هي الحل السحري للتخسيس؟
كان غيرك أشطر! والله
يعني يا حبيبتي لو كانت كده، وكل الناس دخلت الجيم وخسّت بطنها، اودراعها، اورجلها، اوأفخاذها، اوظهرها، او وزنها على بعضه…
كانت بقت أسهل حاجة في الدنيا!
كان كل الناس نزلت الجيم، وأكلت براحتها، ومحدش عمل نظام غذائي… ونقول تمام التمام! 😂
لكن الحقيقة إن مفيش حاجة اسمها أخس برياضة بس.
التخسيس محتاج نظام أكل مناسب ومضبوط في السعرات حسب احتياج جسمك، مع مراعاة وزنك وطولك وسنك ونشاطك وحالتك الصحية، بالإضافة للرياضة.
والرياضة مهمة جدًا طبعًا:
بتساعدك تحافظي على الكتلة العضلية.
وتقوي جسمك.
وتحسن شكله وتناسقه.
وتساعد في تحسين اللياقة والنشاط.
وتساعدك في الوصول لنتيجة أفضل أثناء رحلة خسارة الدهون.
لكن الرياضة لوحدها مش هتقول للجسم: احرق دهون البطن بس.
وتيجي تقوليلي:
«يعني يا كوتش ماينفعش أخسس بطني بالرياضة بس؟»
أقولك:
تاني يا حبيبتي… كان كل الدكاترة ما سمعناش عن عمليات نحت، ولا شفط، ولا شد، ولا تكميم، ولا تحويل مسار، ولا كانت العمليات بتتكلف المبالغ الكبيرة دي… لو الموضوع سهل كده! 😂
يعني إيه بقى؟
يعني لازم نقفل بُقنا… بس مش بمعنى ما ناكلش! 😂
نقفل بُقنا عن العادات الغلط.
عن الأكل الـunhealthy.
عن الأكل اللي بناكله وإحنا حاسين إنه «حاجة صغيرة ومش هتفرق»، وهو في الآخر بيجمع سعرات كتير جدًا على مدار اليوم.
ننظم أكلنا.
ننظم نومنا.
نهتم بالحركة والتمرين.
نعمل تمارين مقاومة عشان نحافظ على عضلاتنا ونقوي جسمنا، ومع الوقت نبني كتلة عضلية مناسبة.
ونبص كمان على صحتنا بشكل عام، ولو فيه أعراض أو سبب طبي يستدعي تحاليل، نراجع الطبيب ونعمل الفحوصات المناسبة.
أما موضوع إننا كل شوية نغيّر الدايت ونلخبط الجسم بأي طريقة وخلاص…
لأ.
مش لازم كل فترة نغيّر النظام لمجرد إن «الجسم اتعود».
لكن ممكن نعدّل السعرات والخطة حسب وزنك الجديد واحتياجك ونتائجك، وممكن بعض الناس يناسبها صيام متقطع أو تقليل كربوهيدرات أو طرق مختلفة لتنظيم الأكل، لكن مش كل نظام ينفع لكل واحدة.
المهم إن الخطة تكون مناسبة ليكي وقابلة للاستمرار.
وبعدين تيجي تقوليلي:
«طب يا كوتش… على كده أنا مش هلعب غير على بطني بس؟»
أقولك:
لأ يا حبيبتي… دي بقى لها بوست تاني لوحدها. 😂
لأن موضوع:
«أنا عندي بطن بس… ألعب بطن بس؟»
ده محتاج نفهمه براحة…
وأقولك ليه لازم نمرن الجسم كله، حتى لو البطن هي أكتر حاجة مضايقاكي.
استنوا البوست الجاي. 💪🖤
وحوش العضلات
