Ururka Kubada Cagta Jubbaland

Ururka Kubada Cagta Jubbaland Ururka Kubbada Cagta Jubbaland " JUBBALAND FOOTBALL ASSOCIATION" JUFA"

Guddoomiyaha Ururka Kubadda Cagta Jubaland Mudane Axmed Cabdullaahi Axmed “Qaldaan” ayaa kulan muhiim ah isugu yeeray gu...
07/05/2026

Guddoomiyaha Ururka Kubadda Cagta Jubaland Mudane Axmed Cabdullaahi Axmed “Qaldaan” ayaa kulan muhiim ah isugu yeeray guddoomiyeyaasha kooxaha heerka koowaad ee Jubaland, waxaana kulanka lagu shaaciyay in si rasmi ah uu u bilaaban doono tartanka horyaalka heerka koowaad ee Jubaland, kaasoo furmi doona 5-ta bisha Juun.

Kulanka ayaa diiradda lagu saaray diyaar garowga tartanka, xeerarka lagu maamulayo ciyaaraha iyo sidii loo horumarin lahaa kubadda cagta Jubaland, si dhalinyarada loo helo fursado dheeraad ah oo dhanka ciyaaraha ah.

Waxaa kulanka ka qeybgalay Guddoomiyaha Ururka Kubadda Cagta Jubaland, xoghayaha ururka iyo guddoomiyeyaasha kooxaha heerka koowaad ee ka qeybgalaya tartanka.

Kulanka inta uu socday ayaa kooxaha la guddoonsiiyay agab isboorti oo ay ku bilaabi doonaan tartanka, iyadoo sidoo kale la sameeyay qori tuur lagu kala ogaaday kulamada furitaanka iyo jadwalka kooxaha.

Guddoomiyaha Ururka Kubadda Cagta Jubaland Mudane Axmed Cabdullaahi Axmed “Qaldaan” ayaa faahfaahin ka bixiyay ujeedka kulanka iyo muhiimadda uu tartankani u leeyahay horumarinta dhalinyarada, kobcinta tayada ciyaaraha iyo xoojinta isdhexgalka bulshada Jubaland.

Ururka Kubadda Cagta Jubaland wuxuu caddeynayaa inaysan waxba ka jirin wararka been-abuurka ah ee sheegaya in Garoonka K...
04/05/2026

Ururka Kubadda Cagta Jubaland wuxuu caddeynayaa inaysan waxba ka jirin wararka been-abuurka ah ee sheegaya in Garoonka Kubadda Cagta Waamo lagu xaraynayo baabuurta aan lahayn taariko

Sidoo kale, waxaan caddeynaynaa inuusan jirin wax xiriir rasmi ah oo arrintan nagala soo sameeyeen Laamaha Dowladda ee ku shaqada leh.

Xiriirka Kubada Cagta Jubaland, Wasaaradda iyo hay’adaha ay khusayso waxaa ka go’an ilaalinta iyo horumarinta garoomada ciyaaraha, si dhalinyarada Jubbaland ay u helaan goob ay ku kobciyaan xirfadahooda.

Waxaan ugu baaqaynaa bulshada in ay ka fogaadaan faafinta wararka aan la hubin, islamarkaana ay ku kalsoonaadaan wararka rasmiga ah ee ka soo baxa hay’adaha mas’uulka ka ah arrimaha ciyaaraha.

Innaa lillaahi wa innaa ilayhi raajicuun.Guddoomiyaha Ururka Kubadda Cagta Jubaland, Ahmed Abdullahi Ahmed, iyo guud aha...
24/04/2026

Innaa lillaahi wa innaa ilayhi raajicuun.

Guddoomiyaha Ururka Kubadda Cagta Jubaland, Ahmed Abdullahi Ahmed, iyo guud ahaan bahda ciyaaraha Jubaland waxay tacsi tiiraanyo leh u dirayaan qoyska, ehelada, asxaabta iyo dhammaan shacabka Soomaaliyeed geerida naxdinta leh ee ku timid Keyse Abdiqani Warsame, oo ku geeriyooday dalka Algeria.

Alle ha u naxariisto marxuumka, Janatul Firdowsana ha ka waraabiyo, samir iyo iimaanna haka siiyo qoyskiisa, eheladiisa iyo dhammaan intii uu ka baxay.

Marxuum Keyse Abdiqani Warsame waxa uu ka mid ahaa bahda kubbadda cagta Jubaland, waxaana si weyn loogu xasuusan doonaa inuu ka soo ciyaaray kooxo kala duwan oo magaalada ka dhisnaa, isla markaana uu ahaa dhalinyaro firfircoon oo door wanaagsan ka qaatay bahda ciyaaraha.

Geeridiisu waa mid murugo iyo tiiraanyo ku reebtay bahda ciyaaraha iyo bulshada Soomaaliyeed inteeda kale.

Alle ha u naxariisto, qabrigana ha u waasiciyo, jannadiisana haka waraabiyo.

Aamiin.

Guddoomiyaha Ururka Kubadda Cagta Jubaland Axmed Cabdullaahi Axmed iyo bahda ciyaaraha Jubaland ayaa hambalyo u diray ga...
09/04/2026

Guddoomiyaha Ururka Kubadda Cagta Jubaland Axmed Cabdullaahi Axmed iyo bahda ciyaaraha Jubaland ayaa hambalyo u diray garsoore Cumar Cabdulqaadir Cartan oo loo xushay inuu ka mid noqdo garsoorayaasha tartanka kubadda cagta adduunka ee 2026. Waxay ku tilmaameen guul taariikhi ah oo dhiirrigelin u ah ciyaaraha Soomaaliya.

Innaa lillaahi wa innaa ilayhi raajicuun.Gudoomiyaha Ururka kubada cagta Jubaland Ahmed Abdulahi Ahmed iyo Bahda ciyaara...
20/03/2026

Innaa lillaahi wa innaa ilayhi raajicuun.

Gudoomiyaha Ururka kubada cagta Jubaland Ahmed Abdulahi Ahmed iyo Bahda ciyaaraha Jubaland waxey halkan tacsi tiiraanyo leh uga diraayan geeridii naxdinta lahayd ee ku timid walaalkeen Ahmed Guure Xirsi (Ahmed Buur), oo ku geeriyooday magaalada Muqdisho.

Alle ha u naxariisto marxuumka, janadii Firdowsana ha ka waraabiyo. inuu samir iyo iimaan ka siiyo qoyskii, eheladii, asxaabtii, iyo dhammaan ummadda Soomaaliyeed ee uu ka baxay.

Marxuum Ahmed waxa uu ka mid ahaa bahda kubbadda cagta Jubbaland, waxaana si gaar ah loogu xasuustaa kaalintii uu ka qaatay horumarinta ciyaaraha, isagoo macalin u ahaan jiray kooxda iskufilan islamarkaana door muuqda ku lahaa kobcinta kubbadda cagta ee gobolka Jubbada Hoose.

Geeridiisu waa mid naxdin leh oo nawada tabatay guud ahaan bahda ciyaaraha iyo bulshada inteeda kale.

Alle ha u naxariisto, jannadiisana ha ka waraabiyo.

Aamiin.

Gudoomiyaha ururka kubada cagta Jubaland mudane Ahmed Abdulahi Ahmed ayaa hambalyo ku aaddan munaasabadda Ciida u diray ...
19/03/2026

Gudoomiyaha ururka kubada cagta Jubaland mudane Ahmed Abdulahi Ahmed ayaa hambalyo ku aaddan munaasabadda Ciida u diray guud ahaan shacabka Soomaaliyeed, gaar ahaan bulshada reer Kismaayo.

Gudoomiyaha ururka kubada cagta Jubaland Ahmed Abdulahi Ahmed wuxuu ummadda Soomaaliyeed La Wadaagayaa hambalyada munaas...
17/02/2026

Gudoomiyaha ururka kubada cagta Jubaland Ahmed Abdulahi Ahmed wuxuu ummadda Soomaaliyeed La Wadaagayaa hambalyada munaasabadda Curashada Bisha Ramadaan. Allaha naga aqbalo soonka, salaadda, iyo camalka suuban, Caafimaad Qabna Ha inoogu Dhameeyo.

17/02/2026

Guddoomiyaha Xiriirka Kubadda Cagta Jubbaland, Ahmed Abdullahi Ahmed, ayaa ka warbixiyay shirkii maanta qabsoomay.

Ururka Kubadda Cagta Jubaland ayaa maanta agab isboortis ku wareejiyay kooxaha heerka koowaad ee Jubaland, si loogu diya...
17/02/2026

Ururka Kubadda Cagta Jubaland ayaa maanta agab isboortis ku wareejiyay kooxaha heerka koowaad ee Jubaland, si loogu diyaariyo tartanka horyaalka soo socda.

Kulanka wareejinta qalabka waxaa goob joog ka ahaa Guddoomiyaha Ururka Kubadda Cagta Jubaland Mudane Axmed Cabdullaahi Axmed (Qaldaan), oo sheegay in qalabkan uu yahay mid si gaar ah loogu talagalay kooxaha, kana kooban dhar “home” iyo “away” ah oo ay koox walba si u gaar ah u yeelan doonto. Wuxuu xusay in markii h**e aysan kooxuhu lahayn dhar u gaar ah, balse maanta la siiyay qalab rasmi ah oo aan koox kale ku ciyaari doonin.

Horyaalka heerka koowaad ee Jubaland ayaa si rasmi ah u furmi doona 22/05/2026, iyadoo kooxaha lagu dhiirrigeliyay inay galaan diyaar-garow buuxa.

Qalabkan isboorti waxaa iska kaashaday Ururka Kubadda Cagta Jubaland iyo shirkadda AZAAD SPORTS HOUSE oo ugu talagashay in ay taageerto horumarinta ciyaaraha isla markaana kooxaha siiso qalab tayo leh oo u gaar ah.

Garoonka kubadda cagta ee Waamo Stadium ee degmada Kismaayo ayaa si rasmi ah loogu soo xiray tartanka akademiyada.Ciyaar...
16/02/2026

Garoonka kubadda cagta ee Waamo Stadium ee degmada Kismaayo ayaa si rasmi ah loogu soo xiray tartanka akademiyada.

Ciyaartii k**a dambaysta ahayd ayaa dhexmartay kooxda MBC iyo kooxda Olympic , iyadoo natiijadu ku soo idlaatay 1-1 waxaana la isla aade gool ku laad ama rigoore waxeyna guusha raacde kooxda MBC taasoo sidaas ku qaaday koobka tartanka.

Munaasabadda xiritaanka waxaa ka soo qayb galay gudoomiyaha ciyaaaha degmada kismaayo Xoghaya ururka kubada cagta jubaland,, aqoonyahanno iyo marti sharaf kale.

Garoonka ayaa si weyn u buux dhaafiyay taageerayaal kala socday labada kooxood iyo qaybo kala duwan oo bulshada ah, kuwaas oo muujiyay farxad iyo taageero ku aaddan horumarinta ciyaaraha iyo is-dhexgalka bulshada.

Finalka tartanka Akademiyada.
15/02/2026

Finalka tartanka Akademiyada.

Address

Kismayo-Somalia
Kismayo

Website

Alerts

Be the first to know and let us send you an email when Ururka Kubada Cagta Jubbaland posts news and promotions. Your email address will not be used for any other purpose, and you can unsubscribe at any time.

Shortcuts

Share

Category