19/08/2026
Dhalinyarada Galdogob oo booqday Isbitaalka Guud ee Galdogob.
Guddoomiyaha Dhalinyarada Galdogob oo ay weheliyaan xubno ka mid ah hormuudka dhalinyarada Galdogob ayaa booqasho ku tagay Isbitaalka Guud ee Galdogob halkaas oo ay kulan iyo xog-warran kula yeesheen maamulka isbitaalka.
Dhalinyarada waxaa si diirran u soo dhaweeyay Agaasimaha Isbitaalka Eng. Maxamed Cabdullaahi Aadan kaaso dhalinyarada siiyay warbixin dhammaystiran oo ku saabsan taariikhda isbitaalka, marxaladihii kala duwanaa ee uu soo maray, adeegyada caafimaad ee uu bulshada u hayo iyo shaqada baaxadda leh ee maanta ka socota.
Agaasimuhu wuxuu si gaar ah uga warramay hayaankii dheeraa ee uu soo maray Isbitaalka, caqabadihii iyo duruufihii uu ka gudbay iyo dadaalladii lagu xaqiijiyay in isbitaalku maanta noqdo xarun caafimaad oo si joogto ah ugu adeegta bulshada.
Dhalinyaradu waxay si weyn ugu mahadceliyeen Agaasimaha waqtiga uu u huray isbitaalka iyo warbixinta qiimaha badan ee uu la wadaagay iyagoo bogaadiyay dadaalka iyo shaqada muuqata ee lagu horumariyay adeegyada isbitaalka.
Waxaa si gaar ah loo xusay in Isbitaalka Guud ee Galdogob uu ka soo tillaabay marxalad adag isagoo mar ahaa hayโad wajahday fashil iyo caqabado balse maanta noqotay mid ka mid ah xarumaha danta guud ugu muhiimsan ee ay reer Galdogob ku faanaan taasoo ay dhaliyeen hoggaan dulqaad iyo hawl-karnimo leh.
Maanta isbitaalku ma aha oo keliya xarun caafimaad oo u adeegta bulshada Galdogob balse wuxuu adeegyo caafimaad u fidiyaa bulshada ku nool gobollada Dhexe, Mudug iyo deegaanno ka baxsan iyadoo adeeggiisu gaaro Ceel-Cad iyo illaa gobol waynaha Doollo ee Dowlad Deegaanka Soomaalida (DDS).
Dhalinyarada Galdogob waxay u arkaan horumarka Isbitaalka Guud ee Galdogob tusaale mudan in lagu daydo gaar ahaan sida xarun ay dhibaatooyin iyo caqabado badan soo mareen loogu beddeli karo hayโad si hufan ugu adeegta danaha guud ee bulshada.
Waxaan Agaasimaha iyo dhammaan shaqaalaha Isbitaalka Guud ee Galdogob uga mahadcelinaynaa dadaalka ay ugu jiraan u adeegidda bulshada waxaana ku dhiirrigelinaynaa inay sii wadaan hawsha muhiimka ah ee ay bulshada u hayaan.
Dhalinyaradu waa inay ogaadaan oo qiimeeyan kana qaybqaataan ilaalinta iyo horumarinta danta guud ee bulshada.
.
