31/07/2026
War bixin kooban shirka kampala ka dhacay
=: Amniga Soomaaliya wuxuu si toos ah ugu
xiran yahay heshiis siyaasadeed oo Soomaaliyeed.
Haddii Dowladda Federaalka, dowlad-goboleedyada iyo mucaaradku ku muransan yihiin dastuurka, doorashooyinka iyo awood-qaybsiga:
ciidamada iyo hay’adaha amnigu ma yeelanayaan hoggaan mideysan;
*iskaashiga Dowladda Federaalka iyo dowlad-goboleedyadu wuu daciifayaa;
* Al‑Shabaab waxay ka faa’iidaysanaysaa khilaafka;
* shacabka iyo saaxiibbada caalamku waxay luminayaan kalsoonida;
* wareejinta amniga ee AUSSOM-na way adkaanaysaa.
Sidaas darteed, heshiisiinta siyaasadeed ma aha oo keliya “arrin gudaha ah”; waa tiirka koowaad ee amniga qaranka.
Amniga Soomaaliya heshiis siyaasadeed ayuu ku xiran yahay
Madaxweyne Xasan Sheekh wuxuu shirka Kampala ka codsaday in war-murtiyeedka laga saaro qodob ku baaqayay heshiis siyaasadeed oo dhex mara garabyada siyaasadda Soomaaliya, isagoo ku tilmaamay “arrin gudaha ah.”
Hase yeeshee, shirka Kampala wuxuu ku adkeystay in khilaafka siyaasadeed uu si toos ah u saameynayo amniga Soomaaliya, dagaalka Al‑Shabaab iyo wareejinta mas’uuliyadda amniga ee AUSSOM.
Dal aan siyaasaddiisa heshiis ku ahayn ma dhisi karo ciidan mideysan, hay’ado amni oo xooggan iyo dowladnimo xasilloon.
