United A2Z, Singapore (2026)

03/05/2026

[မန်ယူနိုက်တက် ၃-၂ လီဗာပူး ပွဲပြီးသုံးသပ်ချက်] ၂ ဂိုး အရှုံးကနေ ပျံလာချင်တဲ့ကြိုးကြာတွေကို မိန်းနူးဂိုးနဲ့ အနိုင်ရခဲ့တဲ့ သရဲနီများ

တနင်္ဂနွေနေ့ညနေ အိုးထရက်ဖို့ဒ် ပွဲစဉ်ရဲ့ ပထမပိုင်းမှာတော့ အိမ်ရှင်ယူနိုက်တက်က အပိုင်ကစားနိုင်ခဲ့ပြီး ဒဏ်ရာက ပြန်လာတဲ့ မားသီးယပ်စ် ကွန်ညာနဲ့ ဘင်ဂျမင် ရှက်ရှ်ကိုတို့ရဲ့ သွင်းဂိုးတွေကြောင့် ၂ ဂိုးပြတ်နဲ့ ဦးဆောင်နိုင်ခဲ့တာပါ။

ပထမပိုင်းအပြီးမှာ ကာရစ်ရဲ့အသင်းက ၂ ဂိုးပြတ်နဲ့ ဦးဆောင်နေခဲ့လို့ ဒီပွဲက အေးဆေးနိုင်မယ့်ပွဲလို့ ထင်ရပေမဲ့ ဒုတိယပိုင်းမှာတော့ အခြေအနေက လုံးဝပြောင်းလဲသွားခဲ့တာပါ။

ဒုတိယပိုင်းမှာတော့ လီဗာပူးက အစွမ်းကုန်တုံ့ပြန်မှု အသွင်သစ်နဲ့ ပြန်လာခဲ့ပြီး ဆိုဘိုဆလိုင်းနဲ့ ဂတ်ပိုတို့ရဲ့ ဂိုးတွေကြောင့် သရေကျခဲ့ပါတယ်။

ဒါပေမဲ့ စာချုပ်သစ်ချုပ်ဆိုထားတဲ့ မိန်းနူးက စထရက်ဖို့ဒ်အန်း ပွဲကြည့်စင်က ပရိသတ်တွေရှေ့မှာ အားပါပြင်းထန်တဲ့ အနိုင်ဂိုးကို သွင်းယူပြီး အောင်ပွဲခံသွားခဲ့ပါတယ်။ ကိုဘီ မိန်းနူးရဲ့ နောက်ကျ အဝေးကန်ချက်လှလှလေးဟာ မန်ချက်စတာယူနိုက်တက်တို့ ချန်ပီယံလိဂ်ဝင်ခွင့်ကိုလည်းအတည်ပြုနိုင်ခဲ့ပါတယ်။

ပွဲပြီးဆုံးချိန်အထိ လီဗာပူးရဲ့ ဖိအားပေးမှုတွေကို ကြံ့ကြံ့ခံပြီးနောက် အိုးလ်ထရက်ဖို့ဒ်မှာ အနိုင်ရခဲ့တာကြောင့် ယူနိုက်တက်ဟာ လာမယ့်ရာသီ ချန်ပီယံလိဂ်ဝင်ခွင့်ကို အတည်ပြုနိုင်ခဲ့သလို လီဗာပူးကိုလည်း အိမ်ကွင်း၊ အဝေးကွင်း နှစ်ကျော့လုံး အနိုင်ယူနိုင်ခဲ့ပြီဖြစ်ပါတယ်။

03/05/2026

လက်ရှိ မန်ချက်စတာယူနိုက်တက် နည်းပြ မိုက်ကယ် ကာရစ် စတင်ကိုင်တွယ်ခဲ့တဲ့ ရာသီဝက်အတွင်းမှာ လီဗာပူးလ်၊ မန်စီးတီး၊ အာဆင်နယ်၊ ချဲလ်ဆီးနဲ့ စပါးစ်အသင်းစတဲ့ Big 6 အသင်းတွေအားလုံးကို အနိုင်ရရှိတဲ့ မှတ်တမ်းသစ်ကို ရေးထိုးလိုက်နိုင်ပါတယ်။

Manchester United’s record against the 'Big six' under Michael Carrick:

2-0 win vs. Man City ✅
3-2 win vs Arsenal ✅
2-0 win vs Tottenham ✅
1-0 win vs. Chelsea ✅
3-2 win vs. Liverpool ✅

5 games and 5 wins. It's a perfect record in the big games for Boss Carrick. 🔥

မိုက်ကယ် ကာရစ်ကိုပဲ နည်းပြအဖြစ် ဆက်ခန့်ထားသင့်သလား ? နည်းပြသစ်ရှာပြီး ခန့်သစ်သလားဗျ

️

03/05/2026

လီဗာပူးလ်အသင်းကို အနိုင်ရရှိပြီးနောက် ဘယ်နည်းနဲ့ တွက်တွက် ၂၀၂၆-၂၇ ချန်ပီယံလိဂ်ဝင်ကို မန်ချက်စတာယူနိုက်တက်အသင်းဟာ တရားဝင်ရရှိသွားပြီဖြစ်ပါတယ်။

29/06/2025

"လာမည့် ၄၈ နာရီအတွင်း ဘယ်နောက်ခံကစားသမားသစ်တစ်ဦး အပြောင်းအရွှေ့ကို တရားဝင်ထုတ်ပြန် ကြေငြာတော့မည့် မန်ချက်စတာယူနိုက်တက်"

မန်ချက်စတာယူနိုက်တက်အသင်းသို့ ပြောင်းရွှေ့ဖို့ ပြီးခဲ့တဲ့ ဇန်နဝါရီလကတည်းက သဘောတူညီမှုရရှိထားတဲ့ အသက် ၁၈ နှစ်အရွယ် ပါရာဂွေး နောက်ခံကစားသမား Diego León သည် လာမည့် ၄၈ နာရီအတွင်း မန်ချက်စတာသို့ လာရောက် ပူးပေါင်းတော့မည်ဖြစ်ပါတယ်။

ဆေးစစ်မှုများနှင့် စာချုပ်ချုပ်ဆိုခြင်းတို့သည် ဇန်နဝါရီတွင် ပြီးဆုံးခဲ့ပြီး ၅ နှစ်စာချုပ်ကို လက်မှတ်ရေးထိုးခဲ့ပြီးဖြစ်ပါတယ်။ တရားဝင်ကြေငြာမှုကို ဇူလိုင်လ အစပိုင်းမှာ ကြေငြာမည်ဟု မျှော်လင့်ထားပါတယ်။

တောင်အမေရိက ကင်းထောက် Giuseppe Antonaccio က León ကို အရည်အချင်းရှိသူအဖြစ် ထောက်ခံပြောကြားထားပြီး မန်ချက်စတာယူနိုက်တ်အသင်းရဲ့ အားကစားဒါရိုက်တာ Jason Wilcox မှလည်း သဘောတူထောက်ခံထားတဲ့ ကစားသမားလေးဖြစ်ပါတယ်။ ပါရာဂွေးအသင်းရဲ့ ဘယ်နောက်ခံကစားသမားလေးအတွက် မန်ချက်စတာယူနိုက်တက်အသင်းက ပြောင်းရွေ့ကြေး ယူရို ၄ သန်း+ add-ons ၁ သန်းသုံးစွဲခဲ့ရပါတယ်။

photos credit to owners

26/06/2025

ကနေဦး ပြောင်းရွှေ့ကြေး သဘောတူညီမှုရရှိသွားပြီဖြစ်ပြီး ဆေးစစ်ဖို့ ရယ်ဒီပဲဆိုတဲ့ အမ်ဘူးမို

မန်ချက်စတာယူနိုက်တက်နဲ့ ဘရန့်ဖို့ဒ်အသင်းတို့ဟာ အမ်ဘူးမိုအတွက် ကမ်းလှမ်းမှု အသစ်ဖြစ်တဲ့ ပေါင် ၆၅ သန်းနဲ့ သဘောတူညီမှုရရှိသွားပြီဟု သိရရှိရပြီး ပြောင်းရွှေ့ကြေး ပေးချေမှုပုံစံနဲ့ အပိုဆုကြေးခံစားခွင့်များကို ဆက်လက် ညှိနှိုင်းနေသည်ဟု သိရပါတယ်။

မီဒီယာအချို့မှာ ဖော်ပြနေသလို အမ်ဘူးမိုအတွက် တစ်ပတ်လုပ်ခလစာဟာ ပေါင် ၂ သိန်းခွဲ မဟုတ်ပဲ ပေါင် ၂ သိန်း (သို့မဟုတ်) ပေါင် ၁ သိန်း ၈ သောင်းခန့်ဖြင့် သဘောတူညီမှုရရှိထားသည်ဟု ယုံကြည်ရဖွယ်ရှိတဲ့နေရာအချို့မှ သတင်းများအရ သိရပါတယ်။

အမ်ဘူးမိုဟာ မန်ချက်စတာယူနိုက်တက်အသင်းနဲ့ ဆေးစစ်ယူမှု ခံယူဖို့ အဆင်သင့်စောင့်ဆိုင်းနေပြီး သရဲနီတစ်ယောက်အဖြစ် ရောက်ရှိဖို့ စိတ်အားထက်သန်လျက်ရှိနေပါတယ်။

#

26/06/2025

"ဆန်ချိုအတွက် သတင်းကောင်းကြားရဖို့ရှိတဲ့ မန်ချက်စတာယူနိုက်တက်"

မန်ချက်စတာယူနိုက်တက်အသင်းကနေ အပြီးထွက်ခွာဖို့ ဆုံးဖြတ်ထားတဲ့ ဂျေဒန် ဆန်ချိုကို ဖီနာဘာချီအသင်းက ခေါ်ယူဖို့ စိတ်ဝင်စားနေပြီး တစ်နှစ်လုပ်ခလစာ ပေါင် ၈.၅ သန်း (ယူရို ၁၀ သန်း)ပေးမယ် ကမ်းလှမ်းထားသလို နည်းပြဖြစ်သူ ဂျိုဆေး မော်ရင်ညိုနဲ့လည်း ဆန်ချိုတို့ တိုက်ရိုက်ဖုန်းပြောဆိုပြီးပြီဖြစ်ပါတယ်။

မန်ချက်စတာယူနိုက်တက်အသင်းအနေနဲ့တော့ ဆန်ချိုအတွက် ဒေါ့မွန်အသင်းကို ပေးချေထားခဲ့တဲ့ ပေါင် ၇၃ သန်းပေးချေထားခဲ့ရပြီး ယခုအခါ ဆန်ချိုအပြောင်းအရွှေ့အတွက် ပေါင် ၂၅ သန်းအလိုရှိနေပါတယ်။ ဖီနာဘာချီအသင်းအနေနဲ့ ဆန်ချိုအတွက် ပေါင် ၁၅ သန်းဖြင့် ကမ်းလှမ်းဖို့ရည်ရွယ်ထားပြီး ဆန်ချိုကို စိတ်ဝင်စားနေတဲ့ တခြားအသင်းတွေဖြစ်တဲ့ ယူဗင်တပ်စ်နဲ့ နာပိုလီအသင်းတွေထက် ခြေတလှမ်းပိုသာနေပါတယ်။ ယူဗင်တပ်စ်နဲ့ နာပိုလီတို့က ဖီနာဘာချီအသင်းလောက် ကမ်းလှမ်းမှုမရှိခဲ့လျှင် ဆန်ချိုအနေဖြင့် ဖီနာဘာချီကိုပဲ လက်ခံဖွယ်ရှိနေပါတော့တယ်။

မန်ချက်စတာယူနိုက်တက်အသင်းအနေဖြင့် ဆန်ချိုအတွက် တစ်နှစ်လုပ်ခလစာ ပေါင် ၁၆.၇ သန်းပေးချေနေရသည့်အတွက် ယခုရာသီမှာ အသင်းအတွက် မကစားပေးချင်တော့တဲ့ ဆန်ချိုနဲ့ အပြီးတိုင် လမ်းခွဲနိုင်မှသာ ကစားသမားသစ်ခေါ်ယူရမှာ ငွေကြေးပိုင်းဆိုင်ရာ စည်းမျဉ်းတွေနဲ့ အဆင်ပြေနိုင်မှာပါ။

12/01/2025

အမ်းမရိတ်စ်က အနိုင်ရဖို့ ခက်ခဲတဲ့ကွင်းဆိုတာကို တယောက်လျော့နဲ့ ပင်နယ်တီပေးတာတောင် ရှံးနိမ့်ပြီး သက်သေပြခဲ့တဲ့ ဆင်ပျံကြီး
______________
တနဂ်နွေနေ့ညမှာ ယှဉ်ပြိုင်ကစားခဲ့ကြတဲ့ အာဆင်နယ်နဲ့ မန်ချက်စတာယူနိုက်တက်အသင်းတို့ရဲ့ အက်ဖ်အေဖလား တတိယအဆင့်ပွဲစဉ်မှာ အချိန်ပိုအထိ အကြိတ်အနယ်ယှဉ်ပြိုင်ကစားခဲ့ကြပြီး ပင်နယ်တီ အဆုံးအဖြတ်မှာ ၅-၃ နဲ့ မန်ချက်စတာယူနိုက်တက် အနိုင်ရရှိသွားခဲ့ပါတယ်။

အာတီတာရဲ့အသင်းဟာ ကာရာဘောင်းဖလား ဆီမီးဖိုင်နယ် ပထမအကျော့မှာ နယူးကာဆယ်ကို ၂ ဂိုး ဂိုးမရှိနဲ့ စိတ်ပျက်ဖွယ် ရှုံးနိမ့်ခဲ့မှုကနေ မဖြစ်မနေ နိုင်ပွဲ ပြန်ယူဖို့ လိုအပ်ခဲ့တာဖြစ်ပြီး ဂန်းနားပရိသတ်တွေက အဲဒီပွဲစဉ်အပြီး နည်းပြအာတီတာအပေါ် ပြစ်တင်ဝေဖန်မှုတွေ ပြုလုပ်ခဲ့ကြတာဖြစ်ပါတယ်။

မန်ချက်စတာယူနိုက်တက်နည်းပြ ရူဘင် အမိုရင်ကတော့ လီဗာပူးလ်နဲ့ ပြီးခဲ့တဲ့အပတ်က တစ်ဖက် ၂ ဂိုးစီ သရေကျခဲ့တဲ့ပွဲစဉ်အပြီး ရလဒ်ကောင်းတွေ ဆက်လက် ပိုင်ဆိုင်နိုင်ဖို့ ကြိုးပမ်းခဲ့တာဖြစ်ပေမယ့် သရဲနီတွေဟာ လီဗာပူးလ်နဲ့ပွဲတုန်းက လုပ်ခဲ့သလိုမျိုး တူညီတဲ့ လွှမ်းမိုးမှု ပြုလုပ်နိုင်ဖို့ ရုန်းကန်ခဲ့ရတာဖြစ်ပါတယ်။

ပထမပိုင်း ၁၅ မိနစ်အတွင်း ပွဲအခြေအနေက လေ့ကျင့်ရေးအစီအစဉ်လိုမျိုး ဖြစ်ခဲ့ပြီး အာဆင်နယ်ရဲ့ တိုက်စစ်ကို သရဲနီခံစစ်က ကောင်းကောင်း ခုခံနိုင်ခဲ့ပြီး မက်ဂွိုင်းယားက ပင်နယ်တီဧရိယာထဲကို ဖြတ်တင်ပေးပို့မှုတွေကို ကြံ့ကြံ့ခံ ရှင်းထုတ်နေခဲ့တာဖြစ်ပါတယ်။

၁၉ မိနစ်မှာ မာတီနယ်လီက အာဆင်နယ်အသင်းအတွက် ဦးဆောင်ဂိုး သွင်းယူနိုင်ခဲ့ပြီထင်ခဲ့ပေမယ့်လည်း သူ့ရဲ့ သွင်းဂိုးဟာ လူကျွံဘောအဖြစ်သတ်မှတ်ခြင်းခံခဲ့ရပြီး ဂျေးဇုထိုးပေးလိုက်တဲ့ဘောလုံးကို ရယူခဲ့ချိန်မှာ လူကျွံအနေအထား သိသိသာသာ ဖြစ်နေခဲ့တာဖြစ်ပါတယ်။

ပထမပိုင်းက တစ်ဖက်နဲ့တစ်ဖက် ထိရောက်တဲ့ခြိမ်းခြောက်မှုတွေ မပြုလုပ်နိုင်ခဲ့ဘဲ ပွဲပြီးဆုံးသွားခဲ့ပြီး ဒုတိယပိုင်း ပြန်စတင်ပြီး ၇ မိနစ်အကြာမှာပဲ မန်ချက်စတာယူနိုက်တက်က တန်ပြန်တိုက်စစ်ကနေတဆင့် အိမ်ရှင်တွေကို အလစ်အငိုက်ဂိုးသွင်းယူနိုင်ခဲ့ပါတယ်။

မက်ဂွိုင်းယား ကန်တင်ပေးလိုက်တဲ့ ဘောလုံးကို ဒါလော့တ်က ခေါင်းတိုက်ပေးပို့ခဲ့ရာမှာ ဂါနာချိုက ဂါဘရီယဲလ် ခြေချော်သွားတာကို အခွင့်ကောင်းယူပြီး ဘောလုံးကို ရယူသွားနိုင်ခဲ့ပြီးနောက် ဘရူနို ဖာနန်ဒက်စ်ဆီ ခင်းပေးခဲ့တာဖြစ်ပါတယ်။

မန်ချက်စတာယူနိုက်တက်အသင်းခေါင်းဆောင်က အားပါပြင်းထန်တဲ့ ကန်ချက်နဲ့အတူ အာဆင်နယ်ဂိုးပေါက်အပေါ်ထောင့်ထဲကို ဝိုက်ကန်သွင်းယူသွားခဲ့ပြီး ဧည့်သည်တွေ ဦးဆောင်ဂိုး ရရှိသွားခဲ့တာဖြစ်ပါတယ်။‌

အိမ်ရှင် အာဆင်နယ်အသင်းက ဂိုးပေးလိုက်ရပြီးမှ အားကြိုးမာန်တက်ကစားလာခဲ့ပြီး ကိုင် ဟာဗတ်ဇ်က နောက်ထပ် ၂ မိနစ်အကြာမှာရခဲ့တဲ့ ချေပဂိုးသွင်းယူပေးဖို့ အကောင်းဆုံးအခွင့်အရေးကို ဖြုန်းတီးပစ်ခဲ့တာဖြစ်ပါတယ်။

မန်ချက်စတာယူနိုက်တက်အသင်းအတွက် စိတ်ပျက်စရာအချိန်က ၆၁ မိနစ်မှာ ရောက်လာခဲ့ပြီး ဒါလော့က မယ်ရီနိုကို လျှောထိုးဖျက်ထုတ်ရာမှာ အချိန်အဆလွဲချော်သွားခဲ့ပြီးနောက် ဘောလုံးအစား အာဆင်နယ်ကွင်းလယ်ကစားသမားရဲ့ ခြေကျင်းဝတ်ကိုသာ ကန်မိခဲ့တာြဖစ်ပါတယ်။

အာဆင်နယ်ကစားသမားတွေက ချက်ချင်းပဲ ဒိုင်လူကြီးကို အဝါကတ်ပြား ပြသဖို့ ဝိုင်းဝန်းတောင်းဆိုခဲ့ကြပြီး ကွင်းလယ်ဒိုင်က မန်ချက်စတာယူနိုက်တက်နောက်ခံလူကို ၂ ဝါ ၁ နီနဲ့ ထုတ်ပယ်ခဲ့တာ ဖြစ်ပါတယ်။

အိမ်ရှင်တွေဟာ တစ်ယောက်လျော့သွားတဲ့ မန်ချက်စတာယူနိုက်တက်ကို နောက်ထပ် ၂ မိနစ်အကြာမှာပဲ ချေပဂိုးသွင်းယူနိုင်ခဲ့ပြီး မာတီနယ်လီရဲ့ ဘယ်တောင်ပံကနေ ဖြတ်တင်ပေးပို့မှုကို ဘရင်ဒီယာက ရှင်းထုတ်ခဲ့ရာမှာ မိန်းနူးက ခေါင်းတိုက်မရှင်းထုတ်နိုင်ခဲ့တာကြောင့် ဂါဘရီယဲလ်က မြေမကျဘောကန်ခဲ့ရာမှာ လူထိလမ်းကြောင်းပြောင်းပြီး ဂိုးပေါက်ထဲ ဝင်သွားခဲ့တာဖြစ်ပါတယ်။

မန်ချက်စတာယူနိုက်တက်အသင်းအတွက် နောက်ထပ် ၆ မိနစ်အကြာမှာ အခြေအနေပိုမိုဆိုးရွားစေခဲ့တဲ့ အခိုက်အတန့်တစ်ခုဖြစ်ခဲ့ပြီး ဟာဗတ်ဇ်က ပင်နယ်တီဧရိယာထဲမှာ မက်ဂွိုင်းယားကို ကျော်ြဖတ်ပြီး ဂိုးကန်သွင်းဖို့ လုပ်ခဲ့တဲ့အချိန်မှာ အဂ်လန်နောက်ခံလူက ဂျာမန်တိုက်စစ်မှူးကို ဖျက်ထုတ်ပုံကြမ်းတမ်းခဲ့တာကြောင့် ဒိုင်လူကြီးက အိမ်ရှင်တွေကို ပင်နယ်တီ ကန်ခွင့်ပေးခဲ့ပါတယ်။’

အာဆင်နယ်အတွက် ပင်နယ်တီကို အသင်းခေါင်းဆောင် မာတင် အော်ဒီဂွါဒ်က ကန်သွင်းခဲ့ပြီး နော်ဝေကြယ်ပွင့်က ဘရင်ဒီယာရဲ့ ဘယ်ဖက်ခြမ်းကို ကန်သွင်းခဲ့ရာမှာ မန်ယူနိုက်တက်ဂိုးသမားက ဆုံးဖြတ်ချက်မှန်မှန်နဲ့ ပုတ်ထုတ်ကာကွယ်နိုင်ခဲ့တာြဖစ်ပါတယ်။

နောက်ထပ် ၅ မိနစ်အကြာမှာ မာတင် အော်ဒီဂွါဒ်ကပဲ အာဆင်နယ်အတွက် ဦးဆောင်ဂိုးသွင်းယူပေးနိုင်မယ့်အခွင့်အရေးကို ဖန်တီးပေးခဲ့ပြီး ပင်နယ်တီဧရိယာထဲကို ကွက်တိ ပေးပို့ခဲ့ရာမှာ ဒီကလန် ရိုက်က ဂိုးသမားနဲ့ တစ်ဦးချင်း ဂိုးသွင်းယူခွင့်ရခဲ့ပေမယ့် သူ့ရဲ့ခေါင်းတိုက်ချက်ကို မန်ယူနိုက်တက်ဂိုးသမားက ကာကွယ်သွားနိုင်ခဲ့တာဖြစ်ပါတယ်။

ပွဲပြီးဆုံးခါနီး ၁ မိနစ်အလိုမှာ ကိုင် ဟာဗတ်ဇ်က ဂန်းနားတွေအတွက် နောက်ကျအနိုင်ဂိုးသွင်းယူပေးနိုင်မယ့် အခွင့်အရေးကို ပိုင်ဆိုင်ခဲ့ပြီး အော်ဒီဂွါဒ်ကပဲ နောက်ထပ်တစ်ကြိမ် လှလှပပ ပင်နယ်တီဧရိယာထဲ ပေးပို့ခဲ့တာဖြစ်ပါတယ်

ဒါပေမယ့်လည်း ဂျာမန်တိုက်စစ်မှူးက ရင်ဘတ်နဲ့ ထိန်းပြီး ဂိုးပေါက်နဲ့ အနီးကပ်ကန်သွင်းခဲ့ပေမယ့် အံ့အားသင့်စရာကောင်းလောက်အောင် ဂိုးဘားတန်းပေါ် ကျော်သွားခဲ့တာဖြစ်ပါတယ်။

ပုံမှန်ပွဲကစားချိန်ပြီးဆုံးတဲ့အထိ တစ်ဖက် ၁ ဂိုးစီ သရေကျနေခဲ့တာကြောင့် အချိန်ပို ဆက်လက်ယှဉ်ပြိုင်ခဲ့ကြပြီး အချိန်ပို ပထမပိုင်းပြီးဆုံးခါမှာ အာဆင်နယ်တို့ နောက်ထပ် ကျိန်းသေပေါက် ဂိုးရရှိမယ့် အခွင့်အရေး ထပ်မံရရှိခဲ့ပါတယ်။

ဂျော်ဂျင်ညိုရဲ့ ပေးပို့မှုကို ဟာဗတ်ဇ်က ထရော့ဆာ့ဒ်ဆီ မြေမကျဘော ပေးပို့ခဲ့ရာမှာ မန်ချက်စတာယူနိုက်တက် နောက်ခံကစားသမားတွေက ဂိုးစည်းပေါ်ကနေ အသည်းအသန် ရှင်းထုတ်ခဲ့ကြပေမယ့် နောက်ဆုံးမှာ ဒီလိုက်တ်က ရှင်းထုတ်နိုင်ခဲ့တာဖြစ်ပါတယ်။

အချိန်ပို ဒုတိယပိုင်းမှာလည်း နှစ်ဖက်စလုံး ဂိုးသွင်းယူနိုင်ခြင်းမရှိခဲ့တာကြောင့် ပင်နယ်တီ အဆုံးအဖြတ် ခံယူခဲ့ရာမှာ အာဆင်နယ်ဘက်က ကိုင်ဟာဗတ်ဇ် ပင်နယ်တီ လွဲချော်ခဲ့ပြီး မန်ချက်စတာယူနိုက်တက်ဘက်က ၅ လုံးစလုံး ဂိုးအဖြစ်ပြောင်းလဲနိုင်ခဲ့တာကြောင့် ဧည့်သည်တွေက အမ်းမရိတ်စ်မှာ ပင်နယ်တီအဆုံးအဖြတ်မှာ ၅ ဂိုး ၃ ဂိုးနဲ့ အနိုင်ရပြီး အက်ဖ်အေဖလား နောက်တဆင့်ကို တက်ရောက်သွားနိုင်ခဲ့ပြီဖြစ်ပါတယ်။

မန်ချက်စတာယူနိုက်တက်အသင်းဟာ အက်ဖ်အေဖလား စတုတ္ထအဆင့်မှာ လက်စတာစီးတီးနဲ့ယှဉ်ပြိုင်သွားရမှာဖြစ်ပြီး ပဉ္စမအဆင့်ကို ဆက်လက်တက်ရောက်နိုင်ဖို့ အခွင့်အရေးကောင်းကို ပိုင်ဆိုင်နေတာ ဖြစ်ပါတယ်။

10/01/2025

ပီအက်စ်ဂျီကထွက်ချင်နေတဲ့ မူအာနီကို စောင့်ကြည့်နေတဲ့ မန်ယူနိုက်တက်
__________________
မန်ချက်စတာယူနိုက်တက်ဟာ ပီအက်စ်ဂျီက ထွက်ခွာဖို့ ပြင်နေတဲ့ ကိုလို မူအာနီကို ခေါ်ယူဖို့ စိတ်ဝင်စားနေတယ်လို့ ဖက်ဘရီဇီယို ရိုမာနိုက ပြောဆိုခဲ့ပါတယ်။

မန်ချက်စတာယူနိုက်တက်က ဒီဆောင်းရာသီဈေးကွက်မပိတ်ခင်မှာ တိုက်စစ်ကို အင်အားဖြည့်တင်းချင်နေတာဖြစ်ပြီး ဒီရာသီမှာ ဟွိုင်လန်းနဲ့ ဇာဇီးတို့က သွင်းဂိုးတွေအတွက် အားထားလို့မရတာဖြစ်ပါတယ်။

ရိုမာနိုက မူအာနီဟာ ဒီဇန်နဝါရီလမှာ ဥရောပရဲ့ အလိုချင်ဆုံး တိုက်စစ်မှုးတွေထဲက တစ်ဦးဖြစ်တယ်လို့ ထုတ်ဖော်ပြောဆိုခဲ့ပြီး ပွဲကစားချိန်မရတာကြောင့် ပီအက်စ်ဂျီကနေ အငှားနဲ့ ထွက်ခွာချင်နေတာဖြစ်ပါတယ်။

ဒါပေမယ့်လည်း တော့တင်ဟမ်ဟော့စပါးအသင်းကလည်း ဒေါမနစ် ဆိုလန်ကီအတွက် ယှဉ်ပြိုင်မှုပေးနိုင်မယ့်သူအဖြစ် မူအာနီကို ပစ်မှတ်ထားနေပြီး ပီအက်စ်ဂျီကတော့ ပြင်သစ်တိုက်စစ်မှူးအတွက် ပေါင် ၅၅ သန်း ဈေးသတ်မှတ်ထားတာဖြစ်ပါတယ်။

မန်ချက်စတာယူနိုက်တက်က ဒီရာသီမှာ ပရီးမီးယားလိဂ်သွင်းဂိုး ၂၃ ဂိုးသာ သွင်းယူထားနိုင်တဲ့အထိ တိုက်စစ်အားနည်းနေတာဖြစ်ပြီး အမိုရင်ကတော့ အန်တိုနီနဲ့ ရက်ရှ်ဖို့တို့ကို မြန်မြင်္နရောင်းထုတ်ပြီး မူအာနီလိုမျိုး အများကြီး တိုးတက်လာနိုင်သေးတဲ့ တိုက်စစ်မှူးမျိုး ခေါ်ယူချင်နေတာဖြစ်ပါတယ်။

10/01/2025

နာပိုလီကြယ်ပွင့်နဲ့ ရက်ရှ်ဖို့ဒ်ကို အလဲအထပ်လုပ်မယ့် မန်ယူနိုက်တက်
___________
ရက်ရှ်ဖို့အတွက် မန်ချက်စတာယူနိုက်တက်က နာပိုလီအသင်းနဲ့ ခိုင်မာတဲ့ ပြောဆိုဆွေးနွေးမှုတွေ ပြုလုပ်နေပြီး ပီအက်စ်ဂျီထိပ်တန်းပစ်မှတ် ခဗာရက် စခီလီယာနဲ့ အလဲအထပ်လုပ်ဖို့ စီစဉ်နေတယ်လို့ ပြင်သစ်က သတင်းတွေအရ သိရပါတယ်

မန်ချက်စတာယူနိုက်တက်ဟာ ရက်ရှ်ဖို့အတွက် ဂျူဗင်တပ်၊ ဒေါ့မွန်၊ အေစီမီလန်တို့နဲ့ ပြောဆိုဆွေးနွေးခဲ့ပေမယ့်လည်း အဲဒီအသင်းတွေအားလုံးက အင်္ဂလန်တိုက်စစ်မှူးရဲ့ ကြီးမားတဲ့ တပတ်လုပ်ခလစာ ပေါင် ၃ သိန်း၂သောင်းခွဲကြောင့် နောက်တွန့်နေကြတာဖြစ်ပါတယ်

ဒါကြောင့် မန်ချက်စတာယူနိုက်တက်က ခစာတဝက်လောက်အထိ ပေးချေချင်တဲ့ ဆန္ဒ ရှိနိုင်တဲ့ စီးရီးအေထိပ်သီးအသင်းကြီးနဲ့ ဆွေးနွေးခဲ့ပြီး နာပိုလီအတွက် ၁၀၉ ပွဲမှာ သွင်းဂိုး ၃၀ နဲ့ ဂိုးဖန်တီးမှု ၂၉ ကြိမ်အထိ ပြုလုပ်ထားနိုင်ခဲ့တဲ့ ဂျော်ဂျီယာသားကို အရခေါ်ယူဖို့ ရက်ရှ်ဖို့နဲ့ အလဲအထပ်လုပ်ဖို့ ကြိုးစားလာတာလို့ ပြင်သစ်နာမည်ကြီးသတင်းစာက ဖော်ပြခဲ့ပါတယ်

ပီအက်စ်ဂျီကလည်း ရန်ဒဲ ကိုလို မူအာနီနေရာမှာ အစားထိုးဖို့အတွက် နာပိုလီနဲ့တိုက်ရိုက်ဆက်သွယ်ပြီး ခဗာရက်စခီလီယာအတွက် မီလန် စခရီနီယာအပြင် ငွေသားပါ ပါဝင်တဲ့ ကမ်းလှမ်းမှု ပြုလုပ်ခဲ့ပြီး နေပယ်အခြေစိုက်အသင်းကြီး ဘယ်လိုဆုံးဖြတ်မလဲသာ စောင့်ကြည့်ရတော့မယ်လို့ နာမည်ကြီး အပြောင်းအရွှေ့ကျွမ်းကျင်သူ ဖက်ဘရီဇီယို ရိုမာနိုက ပြောကြားထားပါတယ်။

05/01/2025

ဂိုး... လီဆန်ဒရို မာတီနက်ဇ် 52 မိနစ်

လီဗာပူးလ် 0-1 မန်ချက်စတာယူနိုက်တက်

15/12/2024

ပထမဆုံး ကိုင်တွယ်ရတဲ့ မန်ချက်စတာဒါဘီပွဲမှာ ဆာအဲလက်စ် ဖာဂူဆန်လိုပဲ မန်ချက်စတာယူနိုက်တက် နည်းပြ အမော်ရင်ဟာ ပထမဆုံး မန်ချက်စတာဒါဘီကို နိုင်ပွဲရရှိခဲ့တဲ့ နည်းပြအဖြစ် မှတ်တမ်းရေးထိုးနိုင်ခဲ့ပြီဖြစ်ပါတယ်။

မန်ချက်စတာစီးတီးနည်းပြ ဂွါဒီယိုလာကို တရာသီတည်း အသင်းနှစ်သင်းနဲ့ အနိုင်ရခဲ့တဲ့ နည်းပြဖြစ်လာခဲ့ပါတယ်။

United A2Z

03/05/2026

03/05/2026

03/05/2026

29/06/2025

26/06/2025

26/06/2025

12/01/2025

10/01/2025

10/01/2025

05/01/2025

15/12/2024

Address

Website

Alerts

Shortcuts

Share

Category