28/04/2026
الفرق بين اللاعب الموهوب و اللاعب المصنوع و كيفية التعامل معهم :
أولاً : اللاعب الموهوب
صفاته :
عنده مهارة فطرية ( تحكم، مراوغة، رؤية )
بيتعلم بسرعة جدًا
عنده حلول مبتكرة في الملعب
أحيانًا بيبقى “مزاجي” أو مش ملتزم تكتيكيًا
مميزاته :
بيكسبك ماتشات بلقطة
عنده “لمسة مختلفة” عن باقي الفريق
عيوبه ( لو ما إتظبطش ) :
ممكن يعتمد على نفسه بس
ممكن يهمل التدريب أو يكسل
الغرور بيضيع مستقبله
إزاي تتعامل معاه :
ما تخليش موهبته شماعة للإهمال
اشتغل على الانضباط قبل المهارة
إديله حرية إبداع، بس داخل نظام
دايمًا تحديه بلاعبين أقوى منه
علمه إن الكورة “فريق” مش فرد
---
ثانيًا : اللاعب المصنوع ( المجتهد )
صفاته :
مش موهبة فطرية قوية
بيعوض بالإجتهاد و الإنضباط
بيسمع التعليمات كويس
بيتطور تدريجيًا
مميزاته :
ثابت في مستواه
ملتزم تكتيكيًا
ممكن يبقى عمود فريق
عيوبه :
محتاج وقت أطول عشان يطور نفسه
أحيانًا يفتقد الحلول الفردية
إزاي تتعامل معاه :
اديله ثقة دايمًا
كافئه على الإلتزام مش بس الأداء
إشتغل معاه على المهارات الأساسية بشكل مستمر
ما تقارِنوش بالموهوب ( دي أكبر غلطة )
خليه يشوف تطوره خطوة خطوة
---
الخلاصة كمدرب :
الموهوب = جوهرة محتاجة ضبط
المصنوع = مشروع ناجح محتاج صبر
الفريق الناجح مش بالموهبة بس، ولا بالإجتهاد بس
لكن لما تعرف توظف الإتنين مع بعض 👌🏼
---
نصيحة مهمة ليك كمدرب :
أخطر حاجة إنك تدلع الموهوب زيادة، أو تظلم المجتهد
الإتنين لو دورتهم صح ممكن يوصلوا لنفس المستوى 👍🏼
゚
#نصيحه #
