15/11/2012
كان مفروض نتلاقى زمان
قبل سنين الحب العذري
شكل إحساسك مني مغاير
قصة زول بالريد الفطري
وأنا لاقيتك زمن الريده
زمن الناس لاتبيع لاتشري
فيك ملامح الزول الكادح
ومن هم باكر نومو مفارق
النحل إتوسد أحلامو
وجرح الأرض إتمد مطارد
ياحلم الأمات العقرن
وشوق زولآ لأهلو مفارق
لوعارفاك لي زمنآ لسع
كنت بسابق عمري مشارق
فيك ملامح الزول الكادح
وعرقو يمازج الأرض البكري
أصلو الخوف ماشاب أيامه
وماشال هم لي يوم بكره
وشايل كل أحلامو في كفو
ورامي علي الله القوت والستره
وأنا شريتك فيني مداين
وإستنيتك عمق الفكره
شوق الغيم يتقالد ويجري
وريحة الأرض إن جالت مطره
يسبق حسي دعاشك ويرعد
نبضك في جواي بالفطره
كلمات سعاد عبدالرحمن
خالد
