Zoal Fitness

02/01/2021

‏🔥سين و جيم مع زول فتنس🔥
س:
السلام عليكم
العيشة الواحدة البلدية فيها كم سعرة
و العيشة الطوسطة فيها كم برضو
و الفول الجرام فيهو كم سعرة و شكرا ؟

‏ج:
العيشة البلدية تقريبا بتلقى وزنها بين ٥٠ الى ٦٠ جرام و اللي هي فيها ١٤٤ سعرة اذا ٥٠ جرام او ١٧٣ سعرة حرارية اذا ٦٠ جرام
بالنسبة للتوست القطعة الواحدة بيكون فيها حوالي ١٠٠ سعرة حرارية و الفول ال ١٠٠ جرام فيهو ١٠٠ سعرة حرارية
و دي كلها ارقام تقريبية طبعا

29/12/2020

‏عودة لسلسلة كبسولات زول فتنس

كبسولة زول فتنس رقم 24:
التعامل مع الاصابات و التمارين

https://t.co/j3Gfg0z0oN‎

Listen to كبسولة زول فتنس رقم 24: التعامل مع الاصابات و التمارين ؟ by Zoalfitness on

29/12/2020

‏🔥نصائح عامة عن الرياضة :

1️⃣بادي في الرياضة جديد ، ابدا بالبسيط كالمشي او نط الحبل و فيهم ابدا بابسط زمن ممكن تعمل فيهو النشاطين ديل او غيرهم و زد عليهم مع الزمن.

2️⃣مصاب في مكان في جسمك ، اتجنب تمرينه و اعتبر الاصابة فرصة تركز على باقي اعضاء جسمك.

‏3️⃣اخذ كفايتك في ايام الراحة، لانه انت ما رجل آلي و جسمك بيحتاج زمن عشان عملية استشفاء العضلات.

4️⃣النوم و التغذية من العناصر المهمة جدا البتأثر على ادائك في الرياضة عموما سواء كنت محترف او الرياضة مجرد هواية.

‏5️⃣قبل ما تتمرن بنص ساعة الى ٤٥ دقيقة اشرب ليك كباية قهوة بتنشطك و بتساعدك تركز في التمرين.

6️⃣حاول تثبت من جدولك الغذائي انه يكون عندك سلطة خضار او فواكه يومية، عشان تقدر تتحصل على المغذيات الصغيرة/الثانوية Micronutrients زي الفيتامينات و المعادن.

‏7️⃣اختار نوع الرياضة الانت بتحبها عشان تقدر تستمر عليها.

8️⃣اعرف انه في ملييون طريقة تقدر تحقق بيها هدفك فيما يخص الرياضة او التغذية، فما تنسى بعد ما تأخذ نصيحة الخبراء، في مساحة لاختيار و ممارسة الطرق البتناسب حياتك الشخصية و وضعك.

‏9️⃣ قبل التمرين بساعة اكل ليك وجبة خفيفة فيها كاربوهيدات عشان تديك طاقة للتمرين.س

🔟لمن تسمع نفسك بتقول انا ما بتريض عشان ما عندي كذا او كذا او مافي جيم قريب، اعرف دي كذبة بتكذب بيها على نفسك،الرياضة ما بتحتاج منك اي معدات ،كفاية جدا انك تتمرن بجسمك فقط من غير اي معدات خارجية

04/12/2020

حال بعض من الناس لمن يسمعو النصحية دي 😑

19/11/2020

لكن كل الناس بتقول شاي التخسيس بينقص وزنك 😭

18/11/2020

‏🔥كل اربعة او خمسة اسابيع من جدول تمارينك اخذ ليك اسبوع راحة.
🔥 الاسبوع الراحة ده ممكن يكون واحد من ثلاثة:
1️⃣ انك تواصل تشتغل حديد لكن بأوزان خفيفة جدا بحيث ما ترهق نفسك
2️⃣تشتغل كارديو خفيف خلال اسبوع الراحة
3️⃣توقف تمارين تماما

و الافضل انك تواصل بس باوزان خفيفة و ايام اقل

‏🔥الغرض من الاسبوع ده
1️⃣انه بيدي جسمك فرصة اوسع يرتاح من الضغط حق الحديد و تتم عملية استشفاء العضلات بصورة كاملة.
2️⃣استشفاء الجهاز العصبي
3️⃣تدي مفاصلك و الاوتار فرصة ترتاح من الضغط المتواصل.
4️⃣ راحة ذهنية ليك.

‏اثر الاسبوع الراحة ده عجييب جدا بترجع بحماس اعلى و بيكون مستوى لياقتك/قوتك زاد بسبب تعافي و استشفاء جسمك بالكامل.

17/11/2020

🙂

16/11/2020

‏🔥تمرين الليلة،
التمرين ده بركز فيهو على حجم الشغل اكثر من ثقل الاوزان. و فيهو بيكون الاوزان اخف نسبيا من يوم القوة (strength) و التكرارات بتكون اعلى يعني من ٨ الى ١٥ عدة و الجولات كذلك اكثر .
الغرض من التمرين ده التركيز على تضخيم العضلات و التركيز على عزل العضلات. https://t.co/obahcZ40N6‎

10/11/2020

تمرين الليلة 💪🏾💪🏾

07/11/2020

نصائح لقياس الوزن

19/10/2020