20/09/2026
سابق چیئرمین پی سی بی رمیز راجہ نے محمد رضوان پر لگنے والے الزامات کو بے بنیاد قرار دیتے ہوئے ان کی حب الوطنی اور کردار کی ایک ایسی گواہی دی ہے جس نے ناقدین کو لاجواب کر دیا ہے۔ رمیز راجہ نے واضح کیا کہ رضوان وہ پہلا پاکستانی کھلاڑی تھا جس نے اپنے ایمان اور اصولوں کی خاطر لاکھوں روپے کا نقصان ہنسی خوشی برداشت کر لیا، مگر کسی جوئے کی کمپنی کا لوگو اپنی جرسی پر پہننے سے دو ٹوک انکار کر دیا تھا۔ انہوں نے وہ دردناک لمحہ بھی یاد دلایا جب 2022 کے ٹی ٹوئنٹی ورلڈ کپ فائنل میں شکست کے بعد رضوان ڈریسنگ روم میں ایک بچے کی طرح پھوٹ پھوٹ کر رویا تھا۔ جس شخص کے دل میں اپنے ملک کے لیے اتنی تڑپ اور سچائی ہو، اس کی وفاداری پر شک کرنا سب سے بڑی ناانصافی ہے۔
آج سب سے زیادہ افسوسناک بات یہ ہے کہ بغیر کچھ ثابت ہوئے بھارتی میڈیا اس صورتحال کا بھرپور فائدہ اٹھا کر ہمارے سب سے دین دار کھلاڑی کی کردار کشی کر رہا ہے۔ اپنے ہی سچے ہیروز کو بغیر کسی ثبوت کے یوں دشمنوں کے سامنے تماشا بننے کے لیے چھوڑ دینا، آخر اس سارے گھناؤنے کھیل اور ذلت کا اصل ذمہ دار کون ہے؟
