24/03/2025
ماتبقاش السبب في أذاهم!
أكتر وجع ممكن يحس بيه حد هو لما يكون الظلم جاي من أقرب الناس ليه…
ولما يكون الأب اللي المفروض يكون السند، هو اللي بيكون مصدر الألم الجرح بيبقى أعمق بكتير.
الأب مش بس كلمة..
الأب شعور بالأمان، بالاحتواء، بالعدل…
لكن لما يبقى الأب هو السبب في الخوف، في الانكسار، في الإحساس بعدم القيمة الدنيا بتتقلب جحيم...
الأب اللي صوته دايمًا عالي، واللي عمره ما حسّس ولاده إنهم مهمين، واللي وجوده خوف أكتر ما هو طمأنينة...
بيحفر في قلوبهم جروح ما بتطيبش بسهولة.
لكن الحقيقة المؤلمة إن مش كل الآباء بيفهموا إن دورهم مش بس توفير الأكل واللبس..
لكن كمان بناء أرواح سليمة، دعم، كلمة طيبة، حضن وقت الخوف. الولاد اللي اتظلموا من أبوهم بيكبروا بحاجات ناقصة جواهم.
بحروب داخلية بين حبهم ليه بالفطرة، وبين وجعهم من اللي عمله فيهم!
زي ما قال "الأبوة لا تعني فقط إنجاب الأطفال، بل تعني أيضًا حمايتهم من الأذى، حتى لو كان الأذى منك."
لو كنت واحد من اللي مروا بالتجربة دي، افتكر إنك مش لازم تكون نسخة مكررة، مش لازم تعيد نفس الدائرة...
انت تقدر تكسر السلسلة تبني نفسك، وتكون السند اللي ما لقيتوش، وتدي للي حواليك الأمان اللي كنت محتاجه..
لأن العدل اللي ما لقيتوش ممكن تبدأه بنفسك..
