18/02/2026
TROPHY WARRIORS கிரிக்கட் கழகத்தின் பெருமிதம் சாதனைச் சிகரம் தொட்ட MIM SIFNAS அவர்களுக்கு வாழ்த்துக்கள்!
எமது TROPHY WARRIORS கிரிக்கட் கழகத்தின் ஆலோசகரும், நட்பிற்கும் பண்பிற்கும் இலக்கணமான MIM SIFNAS அவர்கள், People Leasing and Finance PLC (Al-Shafa Islamic Finance) நிறுவனத்தின் கல்முனை கிளை முகாமையாளராக (Branch Manager) 18.02.2026 அன்று தனது புதிய பொறுப்பை ஏற்றுக்கொண்டதனையிட்டு எமது கழகம் மட்டற்ற மகிழ்ச்சி அடைகிறது.
அல்-மினன் வித்தியாலயத்தில் தரம் 1 தொடக்கம் 5 வரை அடியெடுத்து வைத்து, பின் கமு/ ஸம்ஸ் மத்திய கல்லூரியின் தரம் 6 தொடக்கம் A/L வரை நிழலில் வளர்ந்த ஒரு ஆளுமை இன்று வங்கித்துறையில் ஒரு பெரும் நிலையை எட்டியுள்ளார்.
மருதமுனை மண்ணிலிருந்து வங்கித்துறையில் கால்பதித்து, மருதமுனையின் முதலாவது "Marketing Officer" எனும் பெருமையைப் பெற்ற இவர் 2007 ஆம் ஆண்டு இலங்கை வங்கியில் (BOC) தனது வங்கித்துறைப் பயணத்தில் முதல் தடமம்பதித்து பின்
2008 தொடக்கம் 2009 வரை மக்கள் வங்கியில் (People's Bank) திறம்படப் பணியாற்றி பின்னர் 2009 தொடக்கம் இன்று வரை People's Leasing and Finance (Al-Shafa) நிறுவனத்தில் சுமார் 17 ஆண்டுகால விசுவாசமான உழைப்பால் இன்று கிளை முகாமையாளர் எனும் அதியுயர் நிலையை அடைந்துள்ளார்.
ஆன்மிகம் மற்றும் பொதுப்பணிகளிலும் அதிக ஈர்ப்பு கொண்டவர்.இவர் மருதமுனை ஜம்யத்துல் உலமா சபை ,ஹிதாய பள்ளிவாசல் பொருளாளராகவும் கடமை ஆற்றியுள்ளார்.மேலும் தான் பயின்ற பாடசாலை மட்டத்திலான வகுப்புத் தோழர் குழுவின் (Batchmates Group) ஒரு முக்கிய தூணாகவும், வழிகாட்டியாகவும் இன்றும் திகழ்ந்து வருவது குறிப்பிடத்தக்கது.
தமது புதிய பொறுப்பின் ஊடாக கல்முனைப் பிராந்திய மக்களுக்குச் சிறந்த சேவையாற்றவும், இஸ்லாமிய நிதித்துறையில் (Al-Shafa) புதிய மைல்கற்களை எட்டவும் எல்லாம் வல்ல இறைவனைப் பிரார்த்தித்து, எமது TROPHY WARRIORS கிரிக்கட் கழகத்தின் சார்பாக மனமார்ந்த வாழ்த்துக்களைத் தெரிவித்துக் கொள்கிறோம்.
வாழ்த்துக்களுடன்:
நிர்வாகம் மற்றும் உறுப்பினர்கள்
TROPHY WARRIORS
18.02.2026