Gym Brothers

24/11/2023

Side chest 1 day out Dubai Muscle Show at
Coach/in 🇲🇦

18/11/2023

A pic from check-ins with 1 week before Dubai Muscle Show

25/10/2020

Be patient, because all great things take time!!

23/02/2020

Updates: Chubby face, sleepy eyes, full muscles... 🔥 gonna keep a good mark this time! 😌👌🏼
6 weeks out | Moroccan championship 🔥
بقات 6 سيمانات تقريبا على بطولة المغرب، وكنحس براسي واجد من دابا 🤤😅
Instagram: .laghrissi

22/01/2020

الاخوان السلام عليكم نتمنى تكونو بخير...توحشتكم و جيت نقرقب معاكم الناب.....

قالك ء سيدي هادا واحد الشخص ضعيف بزاف...باش يربح وزن كيخصه مثلا 3000 سعرة حرارية...هو ما دايرش هاد الحساب و ما كايفهمش فيه اصلا...هو فقط باغي يربح الوزن و اول حاجة كيحلم بيها هي GAINER و الي معروف عند عامة المغاربة باسم PROUUTIN DIAL LA MASSE...

المهم الأخ مشى لواحد المحل "محترم" سول على شي برودوي قالو ليه انت ناقص بزاف خاصك واحد مجهد غادي يعطيك 2000 سعرة حرارية في النهار (بعد ما تستهلك 500غ ديال الغبرة مخلطة مع الحليب....هادي ما قالوهاش ليه بطبيعة الحال)...

قبل ما نحكيو شنو غادي يجرا لصاحبنا.....نفترضه هاد السيد بحث شوية قبل و حاول يفهم شوية التغذية الخ....و هو الشي اللي ما داروش....المهم خاصو 3000 سعرة... هو نحيف حيث ما كايوصلهاش بتغذيته الحالية...يمكن يكون كياكل يالله 2500...2400..او 2000 سعرة على اقل تقدير...و بالتالي خونا في الله محتاج اضافة 500...600...حتال 1000 سعرة على ابعد تقدير.....و بطبيعة الحال خاص تكون فيها كمية البروتينات اللازمة لاكمال الحاجيات اليومية باش ينجح البناء العضلي.... أيوا الخاوا ءشاوا بيتي ب 2000 كاملة؟؟؟ نسدو القوس.....آش غادي يجرى لخونا

خونا عنده شوية مع الحساب قال يشري حجم 10 كلغ باش يتقام عليه رخص و يدي ليه "بزااااف" 🧠.....خدى المسائل داها لدار و حطها في بلاصة زوينة و تهلا فيها كيسحاب ليه هي السبانخ ديال بوباي.....ما علينا نوى يبدى يستعملها كيف نصحوه : قالو ليه الصباح على الريق 250غ مع الحليب.....و بعد التمرين 250غ مع الحليب تاني.....و نفس الوقت قال غادي يقاد ماكلته كيف نصحوه العشران

النهار الاول ضرب داكشي للي خاصه يضرب على الريق مع ال 8 ديال الصباح.....وصلات ال 10 قال يفطر بشي بيضات و خبز الشعير في الاستراحة المدرسية....ولكن حس بأن جميع الممرات المؤدية الى المعدة أغلقت...الجوع مكاينش حسو...وصلات الساعة 12 و هو مازال مكهوم...اش غايدير...ياكل داكشي علاش قد...كان موجد شي وجبة ما بيهاش....ساعة صدق واكل منها النصف فقط.....رجع للمدرسة تاني....بقى كيتمدرس حتال ال 18...رجع للدار ضرب 2 بانانات و مشى يتريني.....رجع خدى السبانخ ديالو..عفوا 250غ غبرة مع الحليب.......اش غادي يوقع ليه من بعد؟؟؟ تماما هي هاديك اغلاق جميع الممرات المؤدية الى المعدة و الاحساس بعدم الرغبة في الأكل.....نشى ينعس خونا....سالى النهار
شحال في الحصيلة ؟
2000 سعرة ديال leproutiiin فيها شي براكة ديال leprouuutinate و شي 700 سعرة جايا من الماكلة.....

خونا مسكين كمل النهار ب 2700 سعرة و احتمال كبير تكون كمية البروتينات ما كاتجاوزش 100غ....مهم راكم فهمتوا...مستحيل تبان فيه شي نتيجة...هادشي بلا ما ندويو على سبانخ بوباي اللي ما غادينش يكملوا ليه حتى 20 يوم...

المهم عشيرنا بعد ال 20 يوم (او حتى 40 او 60 يوم في حال زاد شي خناشي اخرين) غادي يجيه الاحباط....غادي يقول ان البرودوي مغشوش....اه اصلا في المغرب كلشي مغشوش (كيف كيقولو شي عولاما...ههه)....و يقدر يقول انه عمره غادي يطفره و جد ممكن انه يتخلى على التمرين بمرة

فهمتوا شي حاجة من هاد القصة اللي ممكن تكون وقعات لبزاف؟؟؟
الاخوان....الكاينر تقدر تحتاجه يعطيك واحد25 حتال 30% على ابعد تقدير من الحاجيات ديالك....2000 او 3000 سعرة من كاينر تقدر تحتاجها الى كنتي HULK خاصاك في النهار 10.000 سعرة حرارية هههه....اما انت انسان عادي جيب الماكس من التغذية ديالك....و داك الشوية اللي يقدر يبقى ليك جيبو من كاينر .....
هاد ال gainer اللي خاصه يكون قليل من حيث نسبة السكر....فيه بروتينات بجودة جيدة و بنسبة مقبولة....كاربوهيدرات جيدة.....معدل بروتين/كارب ملائم للشخص (لاحظو معايا هنا كنتكلمو على نسب و ماشي على "شحال في السكوب؟"...و الفرق شاااااسع بيناتهم)

تصبحوا على خير

18/01/2020

الإخوان كيف غادين مع التداريب والدايت؟؟🤔
غبرنا عليكم بزاف، غير نقاد شي مسائل وهانا معاكم!! 🙏🏽
Instagram: .laghrissi

18/01/2020

Coming back this year to the Bodybuilding game, you'll see the best version ever of me!! This is my year!! Just stay tuned. 🦍🔥

Instagram: .laghrissi

23/12/2019

عدنا! 😅
فيديو قصير تسخيني 😅😂
فينكم gym brothers أنا غبرت ونتوما نعستو 🙄

تعدر علينا الشرح لعطب تقني، نعتذر منكم ونعدكم بالمزيد في القريب العاجل | Follow me on INSTAGRAM: Mr.laghrissi | Music: Aevi - Incendium Provided by No Copyri...

14/11/2019

Gym Brothers ستعود على اليوتيوب في شخص
فيديوهات تفسيرية، تحفيزية وأكثر...
ننتظر دعمكم على اليوتيوب: Reda Laghrissi LR
https://www.youtube.com/channel/UCye2EHonKCWhmAhrhEtLE_w
85k متتبع على الفايسبوك 🔥🔥

05/08/2019

Obtenez les résultats que vous voulez!!
se muscler, perdre de la graisse et tonifier avec mon programme de transformation complète!!!
4/12 semaines programme:
Contient:
- régime alimentaire personnel
- plan de cyclage des glucides
- une liste d'épicerie
- des conseils à propos compléments alimentaires
- programme d'entraînement
- ABS programme - 24/7 support en ligne
- résultats GARANTIS
- disponible en Français, Anglais et Arabe

Contactez moi sur INSTAGRAM:laghrissi
Ou bien sur E-mail:
[email protected]

29/01/2019

لو كتلعب رفعة ميتة "ديدليفت" بهاد الطريقة توقف حالا قبل ان تتعرض لإصابة قد تبعدك عن التمرين مدى الحياة !!

شخصيا كنلاحظ ان كثير من اللاعبين كيخليو اسفل ظهرهم يتقوس بهاد الطريقة ..و غالبا كيكون السبب انهم كيحاولو يهبطوا لأبعد نقطة ممكنة و فيهم اللي كيصعد فوق كرسي او شيء من هاد القبيل حتى يهبط اكثر قدر ممكن....

بهاد الطريقة فهو كيكون كيقلد بطريقة عمياء لاعبين اللي عندهم مرونة كبيرة كتسمح ليهم يهبطوا بزاف لكن مع الحفاظ على ظهر مستقيم..و هادشي هو اللي مكيفهوهش الاغلبية....اكيد كزيان تهبط لأن في ذلك اطالة اكبر للعضلة الخلفية و لكن شرط تكون عندك مرونة تخليك تهبط بطريقة صحيحة !!
ما عندكش هاد المرونة هبط القدر اللي تقدر عليه دون تقويس ظهرك...ممكن ايضا ترفع مقدمة القدمين شيئا ما بوضعهما فوق لوح او قرص مثلا..و هاكدا غادي تخلي اطالة الفخذ الخلفي اكبر.

#طاكي صاحبك عتقو قبل ما يفوت الفوت

06/12/2018

الحالة التي اصبح يعيشها الفيتنس المغربي مع "مرتزقة" اليوتوب كارثية بمعنى الكلمة

تخيلوا معي انه تجد الشخص خلال بضع اشهر ينصح في فيديو بالابتعاد عن الكاينرز و السيريوس ماس ثم بعدها ينشر فيديو ينتقد الماموث ماس و يعتبره مجرد سكر و فجأة يخرج بفيديو ينصح فيه باستعمال سيريوس ماس و يمدحه مدحا مطولا 😂😂😂
المفارقة :
ماموث ماس = خليط مالتودكسترين (كارب سريع) و شوفان بطاطس حلوة و كينوا : نسبة السكر 2,8%
سيريوس ماس = 100% مالتودكسترين (كارب سريع) : نسبة السكر 5,9%
⬅️ فهم تسطى 🤔

شخص ثاني اعتبر في فيديو اول ان الكاينرز مجرد سكر و مضيعة للنقود بعدها يعود بفيديو ثاني ينتقد الماموث ماس و يسبه سبا سبا...و فجأة يخرج بفيديو يقدم فيه كاينر مغمور لن تجده حتى في الويب..يدعي جيكانت كلوسيس و ينصح باستعماله..
ماموث ماس = خليط مالتودكسترين (كارب سريع) و شوفان بطاطس حلوة و كينوا : نسبة السكر 2,8%
جيكانت كلوسيس = خليط مالتودكسترين (كارب سريع) و شوفان : نسبة السكر 11%
⬅️ فهم تسطى🤔

تتناقض مع نفسك، تنتقد كاينر اليوم و تنصح غدا بما هو اسوء منه.....الى آين؟؟

نتمنى ان ترتقوا قليلا و تعطوا لأنفسكم قيمة عوض ان تصبحوا دمى رخيصة في يد التجار....تارة يستعملونكم لترويج مكملاتهم و تارة يستعملونكم سلاحا لضرب مكملات شركة منافسة مقابل مكملات و/او بعض الدراهم!!

من حقكم ان تقوموا بالاشهار لكن حاولوا الالتزام بالموضوعية و التشبت بمبادئكم احتراما للأشخاص الذين يتابعونكم و ان لا تستغلوا جهل بعضهم حتى يرضى عنكم من يعطونكم بعض المكملات!

الثقة التي يضعها فيكم متتبعوكم لا تقدر بثمن..بالرغم من انكم و للأسف تتخذون المتتبعين فقط طريقة للوصول لأهدافكم الشخصية حسب ما يبدو ...للأسف

الدراري...نصيحة اللي قاري فيكم قادر يحكم بنفسه عن مكمل معين..و قادر يقارنه بمكمل آخر..ما تسمعوا لحتى واحد...او تسمعوا لكن بتحفظ...ماشي غير اللي قال ليكم شي حاجة تقولوا آمين : سمعنا و اطعنا !
شوفو مقادير المكمل ingredients شنو مصادر البروتين، شنو مصادر الكارب و الدهون.....شوفو القيمة الغذائية ل100غ من المكمل (حسبوها انطلاقا من القيمة الغذائية اللي خاصة بالسكوب...حساب بسيط)...شوفو نسب البروتين، نسب الكارب و السكر...الخ......عندكم أدمغة خدموها الله يرحم الوالدين !

ما تسولونيش شنو هو احسن كاينر و واش الكاينر ما صالحش....غادي نقوليكم كيف كنقول ديما : المكملات نلجئ لها عموما حينما يتعذر حقا توفير الحاجيات من الأكل وحده!! الى كان الخصاص فقط في البروتين كتاخذ واي... كان حتى في الكارب و مالقيتيش كيفاش (و كنركز على هاد الشرط : مالقيتيش كيفاش تدير) تدير كاين الكاينر ..و تختار منه الأفضل!

و شكرا !!