Shimaa El sharkawy

Shimaa El sharkawy ICF certified life coach | CBT & BEAT Therapist | Family & Relationship Counselor
Helping you heal, grow, and reconnect with yourself.

اللهم في ليلة الجمعة المباركة، إني أهب ثواب ما قرأته من سورة الملك كاملة لروح أبي، اللهم اجعلها صدقةً جارية في ميزان حسن...
17/07/2025

اللهم في ليلة الجمعة المباركة، إني أهب ثواب ما قرأته من سورة الملك كاملة لروح أبي، اللهم اجعلها صدقةً جارية في ميزان حسناته، وأنر بها قبره، واجعل له بها نورًا يمتد من الأرض إلى السماء.

اللهم اجعل له بكل حرف من حروفها رحمة، وبكل آية نورًا، وبكل كلمة مغفرة، واجعلها شفيعةً له يوم لا ينفع مال ولا بنون.

اللهم اجعل سورة الملك سببًا في نجاته من عذاب القبر، وسُترًا له من ضيق القبر ووحشته، وبلّغه بها درجاتٍ عليا في الجنة، كما وعدت عبادك المؤمنين.

اللهم إن أبي عاطف إبن زكريا عبدك، وأنت أرحم به مني، فاجعل هذا العمل المتواضع سببًا في رفعته، وارزقني بره بعد موته، ولا تحرمني أجره، ولا تفتني بعده، واغفر لي وله، ولجميع موتى المسلمين.

اللهم اجعل كل من يقرأ هذه السورة لروحه سببًا في سعة قبره، ومغفرة ذنبه، وراحة قلبه، ولقاءك الكريم و أنت راضٍ عنه غير غضبان 🤲🏻

اللهم في ليلة الجمعة المباركة، ارحم روحًا كانت النور لقلبي، والسند لحياتي، وقطعة من روحي لا تعوّض، اللهم ارحم أبي رحمةً ...
17/07/2025

اللهم في ليلة الجمعة المباركة، ارحم روحًا كانت النور لقلبي، والسند لحياتي، وقطعة من روحي لا تعوّض، اللهم ارحم أبي رحمةً لا تُسعها السموات ولا الأرض، واغفر له عدد ما ذكره الذاكرون، وعدد ما غفل عن ذكره الغافلون.

اللهم اجعل أبي من الضاحكين المستبشرين بجناتك، وارزقه مقعد صدقٍ عند مليكٍ مقتدر. اللهم إن أبي في ذمتك، فارحمه برحمتك الواسعة، وأكرمه كما أكرمت عبادك الصالحين، اللهم اجعل قبره نورًا، وافتح له بابًا تهبّ منه نسائم الجنة لا يُغلق أبدًا.

اللهم آنسه في وحدته، وآمنه في وحشته، وثبّته عند السؤال، واجعل القرآن له أنيسًا، والعمل الصالح رفيقًا، ولا تجعل قبره ظلمةً ولا ضيقًا، واجعله دار سلام وطمأنينة يا أرحم الراحمين.

اللهم إن أبي كان لي الحبيب والصديق والسند والرفيق، فاللهم اجعل كل لحظة وجع مرت عليه كفّارة، وكل دمعة نزلت مني عليه رفعة في درجاته، اللهم اجبر كسر قلبي بجميل عطائك له، وبلّغ دعائي إليه، واجعله من السعداء في دار الحق.

اللهم اجعل له في كل دعاء مني نورًا، وفي كل صدقة جارية رحمة، وفي كل ذكر له مغفرة، اللهم اجعله من أهل الجنة، ممن يُقال لهم: “كلوا واشربوا هنيئًا بما أسلفتم في الأيام الخالية”، واجمعني به في الفردوس الأعلى بلا سابقة عذاب ولا حساب.

اللهم في هذه الليلة المباركة، لا تحرمني أجره، ولا تفتني بعده، واغفر لي وله، ولأموات المسلمين أجمعين، اللهم ارحم أبي برحمتك التي وسعت كل شيء، وارزقه لذة النظر إلى وجهك الكريم، واجعل مقامه عندك من المقربين🤲🏻
وحشتنى قوى 💔

11/07/2025
30/06/2025

شكرا لكل حد جه عزا بابا الله يرحمه ويدخله فسيح جناته
وشكرا لكل أهلنا وقرايبنا وأصحابنا
وشكرا لكل الناس اللى بعتتلى وواسونى ومكنتش برد على اتصالات ولا رسايل سامحونى كان غصب عنى ربنا يباركلكم جميعا ولا أراكم الله مكروه فى عزيز أو غالى

بقلوب راضية مطمئنة توفى إلى رحمة الله تعالى والدى / المهندس عاطف زكريا الشرقاوى الليلة الأولى لك يا أبي في قبرك،الليلة ا...
25/06/2025

بقلوب راضية مطمئنة توفى إلى رحمة الله تعالى والدى / المهندس عاطف زكريا الشرقاوى
الليلة الأولى لك يا أبي في قبرك،
الليلة الأولى التي تغيب فيها عن أنظارنا،
الليلة الأولى التي تنام فيها بعيدًا عن دفء بيتك وأحبتك…

اللهم اجعلها ليلة رحمة لا عذاب، ونور لا ظلمة، وسكينةٍ لا وحشة،
اللهم آنس وحشته، ووسع مدخله، وابدله دارًا خيرًا من داره، وأهلاً خيرًا من أهله.
اللهم ثبّته عند السؤال، واجعل قبره روضة من رياض الجنة، ولا تجعله حفرة من حفر النار.

اللهم إن قلبي موجوع على فراقه،
فاربط على قلبي، وبلغه مني السلام، والدعاء، والاشتياق.
اللهم ارحم من بات الليلة وحيدًا في قبره،
اللهم اجعل القرآن نورًا له، والعمل الصالح رفيقًا له، والدعاءَ سببًا لرفعته.

اللهم اجزهِ عني خير ما جزيت والدا عن ولده،
وارزقني بره بعد وفاته، ولا تحرمني لقياه في جناتك يا أرحم الراحمين.

إنا لله وإنا إليه راجعون.
اللهم اجعلها أولى لياليه في الجنة، لا في القبر

ربنا يرحمك يا بابا يا حبيبى ويصبرنا على فراقك نسألكم الدعاء

23/06/2025

الحمد لله دائماً وأبداً
🙏🏻

🧠💔“في علاقات بتعلمك تبعد… حتى وإنت لسه بتحب.”في ناس بتدخل حياتك وبتخليك تكتشف نفسك أكتر:بتخليك تعرف إنت بتتحمل قد إيه؟ ب...
22/06/2025

🧠💔“في علاقات بتعلمك تبعد… حتى وإنت لسه بتحب.”

في ناس بتدخل حياتك وبتخليك تكتشف نفسك أكتر:
بتخليك تعرف إنت بتتحمل قد إيه؟ بتسامح قد إيه؟ بتعدي وتفوت قد إيه؟
بس كمان، بتخليك تعرف إنت محتاج تحافظ على نفسك قد إيه؟

العلاقات دي مش لازم دايمًا تكون سامة…
أحيانًا بيكون فيها حب، واهتمام، وذكريات حلوة، ودفا…
بس رغم كل ده، بتحس إنك كل يوم بتخسر حتة من نفسك علشان العلاقة تستمر.

مش شرط أبداً يكون الطرف التاني مؤذي، بس أوقات بيكون مش ناضج كفاية…
مش واعي كفاية بإحساسك…
مش فاهم إن وجوده بيكسر فيك أكتر ما بيبنيك.

الوجع مش دايمًا بييجي من خيانة أو جرح صريح،
أحيانًا بييجي من التجاهل، من البرود، من الصمت…
من إنك تشرح نفسك ميت مرة ومفيش ولا مرة اتفهمت صح.

وتبدأ تسأل نفسك أسئلة مش بسيطة:
“هو أنا بنطفي؟
هو أنا بتغير؟
هو أنا بقيت ضعيف؟
ولا أنا طول الوقت كنت بضحى، بس دلوقتي بقيت شايف؟”

وهنا بييجي أول درس من دروس النضج العاطفي:
“الحب مش مبرر إنك تفضل في علاقة بتستنزفك.”

لما تبتدي تحب نفسك بجد وتعرف قيمتك…
هتعرف تقول “كفاية” حتى وإنت لسه بتحب.
هتعرف تمشي من غير ما تكره، وتبعد من غير ما تنتقم،
وتنسحب وأنت شايف إن كرامتك، وهدوءك، وسلامك الداخلي… أهم من وجود أي حد في حياتك.

وفي لحظة معينة هتفتكر الشخص ده … يمكن لسه بتحبه.
بس هتبقى عارف إنك اخترت نفسك.
مش علشان بطلت تحب.
لكن علشان أخيرًا…
بدأت تحب نفسك أكتر.

في نضج بييجي بعد البعد…
لما تكتشف إنك ماكنتش أناني لما خدت القرار، كنت بس بتحاول تنقذ نفسك من علاقة بتخسرك أكتر ما بتضيفلك.

في ناس بتحب بكل كيانها، بس في لحظة… بتقف قدام المراية وتسأل نفسها:
“هو أنا مستحقش أتحب زي ما بحب؟
هو الطبيعي إني أفضل في علاقة بتكسرني؟
هو لازم أكون دايمًا الطرف اللي بيسامح ويمشيها؟”

وده لحظة الوعي…
لحظة التحول اللي فيها بتفهم إن مش كل حب صحي،
وإن مش كل مشاعر تستحق تبني عليها عمر.

الحب الحقيقي مش بيكسرك علشان تكمل،
الحب الحقيقي بيبنيك علشان تكبر.

ولو لقيت نفسك بتنزل على سلالم العلاقة وحدة وحدة،
وكل يوم بتقل، وبتنطفي، وبتتهز…
فـ ده مش حب… ده استهلاك عاطفي.

وفي لحظة معينة هتكتشف إنك مش لوحدك…
وإن في آلاف زيك، بيحبوا بصدق، وبيبعدوا من غير ما يشرحوا لحد وجعهم الحقيقي.
الناس ممكن تفتكرك قاسي… بارد…
بس الحقيقة إنك كنت بتموت بالبطيء، وكنت بتضطر تضحك وإنت من جواك متبهدل.

❤️‍🩹 العلاقات اللي بتعلمك تبعد وإنت لسه بتحب…
هي اللي بتفتحلك باب على نضج جديد. بتقولك إن الحب مهم، بس الوعي… والحب لنفسك… أهم.

أكيد إحساس صعب إنك تبعد وإنت عارف إنك مش هتنسى بسهولة،
بس تأكد إنك بتعمل كده علشان تحمي اللي فاضل منك.
علشان متكملش خسرانك أكتر.

في ناس بنبعد عنهم وإحنا لسه بندعيلهم من قلبنا، بس بندعي لنفسنا كمان…
بندعي نخف، وننسى، ونتعلم، ونقوى.

💬 لو وصلت للمرحلة دي، لو خدت القرار ده وإنت بتنزف من جواك…اعرف إنك مش ضعيف.
إنت نضجت.
إنت شفت، وفهمت، وقررت تحب نفسك أخيرًا.

ومش دايمًا النهاية معناها الفشل…
أحيانًا النهاية بتكون أنجح قرار خدته في حياتك.





الخذلان اللى بييجى من أقرب الناس ليك بيوجعك في أكتر حتة انت كنت مطمن إنها في أمان.في الزاوية اللي كنت سايبها من غير حراس...
21/06/2025

الخذلان اللى بييجى من أقرب الناس ليك بيوجعك في أكتر حتة انت كنت مطمن إنها في أمان.
في الزاوية اللي كنت سايبها من غير حراسة… عشان كنت حاسس إن مفيش منها أى خطر.
في المساحة اللي فتحتها بإيدك… وقلت ده للشخص ده لأنه الوحيد اللى يستاهلها.

الخذلان مش بس وجع.
الخذلان هو صدمة فـ “مين كنت شايفه إيه؟”، و”إزاي كان شايفك؟”، و”فين كان من توقعاتك؟”، و"فى الاخر إنت طلعت إيه عنده؟"

الخذلان بيجي فجأة… من شخص كنت دايمًا مصدق إنه عمرك ما هتشوف منه إلا الخير.
بتصحى تلاقيه مش موجود، أو لسه موجود بجسمه بس مشاعره مش ليك…
أو لسه بيتكلم بس كلماته بقت غريبة عليك… أو لسه بيشاركك اليوم بس مابيشارككش قلبه.

وأصعب حاجة؟
لما تلاقي نفسك لسه بتبررله وجعه، وبتلتمسله الأعذار، وإنت من جواك بتنزف بصمت.
بتقول “معلش تعبان”، “مضغوط”، “ماخدش باله”،
وإنت جواك صوت صغير بيقولك: “بس هو وجعك… وهو عارف”.

الخذلان مش بيحصل لما الناس تبعد…
بيحصل لما الناس تفضل، بس تبطل تحس.
لما تحس إنك بقيت تقيل عليهم،
وإنك لما بتحكي وجعك بيزهقوا…
وإنك لما بتفرح مابيشاركوكش.
وإنك بقيت لوحدك حتى وهما حواليك.

الخذلان الحقيقي؟
لما تحتاجهم، وتلاقيهم بيسيبوا إيدك.
مش عشان مش قادرين،بس عشان اختاروا مايبقوش موجودين معاك.

فيه خذلان مابيظهرش… بس بيعلم.
بيخليك تتحول من شخص بيحب بعنف…
لشخص بيفكر ألف مرة قبل ما يثق و يدي أي حاجة من قلبه.

الخذلان مابيحصلش من الناس البعيدة…
ولا اللي عرفتهم يومين…
الخذلان بيحصل من اللي كنت شايفه حتة من روحك،
اللي حفظت تفاصيله وإتعودت على وجود صوته في يومك، وحبيته أكتر من نفسك،اللي كنت بتدعيله من قلبك، من غير ما يعرف.

عارف بيوجع فين كمان؟
في الحتة اللي لما تفتكر ذكرياتكم سوا تقول:
“يااااه هو ده اللي عمل فيا كده؟!”
"للدرجادى أنا هونت عليه ؟"
وتحس إن الوجع مابيخلصش، عشان مافيش إجابة.

الخذلان مش بس وجع لحظي…
هو كسر بيعيش معاك.
بيغير فيك.
بيخليك تراجع كل الناس اللي حواليك.
وبيخليك تسأل نفسك: “أنا أستاهل كده؟”

الخذلان مش بيكسرك مرة واحدة…ده بيكسرك حتة حتة…
كل مرة تطبطب فيها على نفسك لأن مفيش حد يطبطب عليك.
كل مرة تحكي كلامك لورقة عشان مفيش حضن تتسمع فيه.
كل مرة تمسك موبايلك وانت عايز تبعت لحد… ومافيش “حد” أصلاً.

لكن لو هاقولك على حاجة واحدة…
فهي إن خذلان البشر ما بيلغيش قيمتك…
و ما بيقللش من نقاء قلبك،ولا يخليك تشك إنك تستاهل تتحب بجد.

الخذلان بيفضل وجعه… بس بيعلمك.
بيعرفك مين اللي فعلاً يستاهلك،
ومين اللي كان مجرد محطة…بس مش مكان.

خلي خذلانهم سلم… تطلع عليه لفوق، مش حفرة تقع فيها لتحت.
خليك أنت… بقلبك، بصدقك، بنورك.
بس المرة الجاية، اختار بعقلك زي ما بتختار بقلبك.
وما تديش مفتاح أمانك لحد… ما يعرفش يحافظ عليه






👦💬 “ابني دايمًا بيدافع عن نفسه بالكذب.. أتعامل معاه إزاي؟”في أمهات كتير بتشتكي من الجملة دي:“كل ما اسأله على حاجة عملها،...
20/06/2025

👦💬 “ابني دايمًا بيدافع عن نفسه بالكذب.. أتعامل معاه إزاي؟”

في أمهات كتير بتشتكي من الجملة دي:
“كل ما اسأله على حاجة عملها، يقولي ماعملتش!”
“ليه بتكدب؟ أنا شايفاك بعنيا!”
“هو مش متربى؟! ده كدب واضح!”
لكن خليني أقولك حاجة مهمة جدًا…
ابنك مش كداب بالفطرة… هو بيدافع عن نفسه بالطريقة الوحيدة اللي يعرفها.

🔍 يعني إيه؟
لما الطفل يحس إنه ممكن يتعرض لعقاب، أو لوم، أو نقد قاسي…
مخه بيشغل آلية دفاع تلقائية:
“انكر اللي حصل عشان أخرج من الموقف بأقل خساير.”
يعني الكذب في اللحظة دي مش سلوك متعمد قد ما هو وسيلة حماية و بقاء.

💡 طيب نحلها إزاي؟

1️⃣ ابعدي عن فكرة “أنت كداب”… وركزي على “أنا هنا علشان أساعدك تقول الحقيقة.”
لما توصليله إنه آمن يقول الحقيقة من غير ما يتشتم أو يتحكم عليه… هيبدأ يطمن.

2️⃣ اسأليه بأسلوب يفتح الكلام مش يقفله.
بدل ما تقولي “إنت كسرت الكوباية؟!”
جربي تقولي: “أنا شوفت الكوباية مكسورة، وحابة أعرف منك إيه اللي حصل .”

3️⃣ ما تعمليش من الكذب دراما كبيرة.
لما يكذب، أوعى يكون رد فعلك ثورة و غضب شديد… لأن ده بيخليه يتأكد إن الكذب هو الحل.
خدي نفس، واهدي وقولي:
“أنا مقدرة إنك كنت خايف تقولي الحقيقة، بس أنا دايمًا هنا عشان أسمعك وعمرى ما هعاقبك طول ما انت بتصارحنى بالحقيقة حتى لو عملت حاجة غلط.”

4️⃣ اشتغلي على مشاعر ابنك مش بس سلوكه.
الطفل بيكدب لما يكون فيه “خوف” أو “قلق” أو “إحساس بعدم الأمان”.
اعملي check على علاقتك بيه:
هل بيحس بالأمان لما يغلط؟
هل فيه مساحة للحوار؟
هل بتسمعيله من غير مقاطعة أو تهزيق؟

5️⃣ علميه يتحمل نتيجة أفعاله من غير تهديد.
يعني لو كسر حاجة، نشوف مع بعض إزاي نصلح الغلط.
مش لازم عقاب، لكن لازم يتحمل مسؤولية.

6️⃣ اديله نموذج صادق… في تصرفاتك اليومية.
الأطفال بيلقطوا مننا أسرع مما بنتخيل.
لو وعدتي بحاجة وما وفيتيش، أو تحايلتى على موقف قدامه… الرسالة وصلته:
“أوقات بنقول حاجة غير الحقيقة… عادي.”

🎯 هدفنا مش إن ابننا يبطل يكذب بس… هدفنا الأكبر إنه يحس إنه مش محتاج يكذب أصلاً.

الفرق كبير أوي بين طفل بيخاف من الحقيقة، وطفل عارف إن اللي بيحبه هيسنده حتى لو غلط.

🧠 إفتكرى دايمًا:
لما الطفل يتعلم يقول الحقيقة وهو حاسس بالأمان… ده أقوى من أي عقاب.
وده اللي بيبني شخصية قوية، وضمير صاحي، وثقة بنفسه لما يكبر.

لو البوست ده لمس قلبك… شاركيه مع أم محتاجة تسمعه ♥️







Address

Al Wakrah

Telephone

+201022505898

Website

Alerts

Be the first to know and let us send you an email when Shimaa El sharkawy posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Shimaa El sharkawy:

Share

Category