31/08/2024
ہماری کرکٹ کے ارباب و اختیارسے اپیل ہے اگر ہمارے سوالات جائز ہیں تو ہماری آواز بنیں۔۔۔
پہلے جو چیمپئن لیگز کے لیے پانچ منیٹوز جو بنائے گئے ہیں کیا ان پر جو کروڑوں روپے خرچ ہونگے تو اس سے کیا بہتر نا ہوتا کہ کرکٹ کی گراس روٹ اور اس کے انفراٹیکشن پر کرکٹ کی ڈویلپمنٹ کے لیے کام کیا جاتا اور جہاں پر کم سہولیات ہیں بلوچستان، اندرون سندھ، جنوبی پنجاب ، فاٹا اور کے پی کے میں کرکٹ کی ڈویلپمنٹ کے بجائے ان امیر کرکٹز کو دینے کے۔۔ پہلے ہی ان کے لاکھوں کروڑوں روپے کے اثاثہ جات ہیں اور ان پانچ کرکٹرز مینٹوز ہیں ان کے پاس ایسی کون سی جادو کی دوائی ہے جو یہ ان ڈیڈھ سو کھلاڑیوں کو پلائیں گے کہ وہ پاکستان ٹیم میں آجائیں گے اور کوئی کارنامہ سرانجام دیں گے۔۔
اور یہ سوال بھی ہیکہ جو پاکستان کے گراونڈ ستر سال سے جو تاریخی گراونڈز ہیں ان کو گرا کر ان پر اربوں روپے خرچ ہورہے ہیں کیا یہ پی سی بی اور ہمارے ملک کے پیسوں کا ضیاع نہیں ہے اگر یہی پیسے ہم آنے والے گراس روٹ لیول کے بچوں اور کرکٹرز جو کلب کرکٹ، ڈومیسٹک سیزن سے فرسٹ کلاس کرکٹ تک کھیلتے ہیں ان پر بہتر خرچ کرتے گراونڈز بناتے ان کو بہترین سہولتیں فراہم کرتے، جو پسماندہ علاقے ہیں۔۔
ہماری تمام اسپورٹس لوورز، اسپورٹس کے ارباب اختیار سے گزارش ہیکہ وہ ہماری اس اواز کو فوری طور بلند کریں اور جو چیمپیئن لیگز کے مینٹور ہیں وہ اگر بلوچستان، اندرون سندھ، جنوبی پنجاب، فاٹا سب سے ہوتے تو کیا اچھا نہیں ہوتا ملک میں یونیٹی ہوتی تمام فیڈریشن کو ساتھ لیکر چلا جاتا لیکن یہاں تو ایسے لگ رہا ہے ہیکہ پی سی بی کو قبضہ مافیا نے اپنے قبضہ میں لیا ہوا ہے،
بلوچستان، کے پی کے، اندرون سندھ، جنوبی پنجاب، فاٹا کے تمام کرکٹ آرگنائزرز اور کھلاڑیوں کو نظر انداز کیا گیا ہے، اتنے پیسوں کے ضیاع کے بعد بھی ہماری ملک کی کرکٹ کارکردگی دنیا کے سامنے ہے اس سے قبل یہ جو پانچ مینٹوز ہیں مختلف پوزیشنوں پر پاکستان کرکٹ بورڈ کے ساتھ کام کرچکے ہیں بار بار ان کو لا کر ان کو نوازنا یہ کرکٹ کے لیے لمحہ فکریہ ہے،
پی ایس ایل اور فرسٹ کلاس کرکٹ اور اتنی کرکٹ کے باوجود اس چیمپئن لیگ کا انعقاد بے معنی سا ہے اس کی کوئی حیثیت نہیں ہے کہ جب پی ایس ایل، نیشنل ٹی 20,پاکستان ونڈے کپ، اور قائداعظم ٹرافی کپ یہ ہمارے ملک کے آئینی اور بڑے ایونٹ ہوتے ہیں اسی بیس پر ٹیم کی سلیکشن ہونی چاہیے اسی کے بیس پر اچھے پرفارمر کھلاڑیوں کو ٹیم میں آنا چاہیے نا کہ اپنے پسند کے کھلاڑی اور اپنے پسند کے مینٹور بنا کر کرکٹ کو تباہی کے دہانے پر لے جایا جارہا ہے،
پاکستان ایک فیڈریشن ہے اور فیڈریشن کی پانچوں اکائیاں ہیں اور ان کے برابر کے حقوق ہیں لیکن افسوس سے کہنا پڑ رہا ہے کہ برابری تو دور کی بات نمائندگی بھی نظر نہیں ارہی ہے۔
ہمارے انہی تاریخی گراونڈز میں ورلڈ کپ کے میچز، ایشیا کپ کے میچز، ٹیسٹ سیریز، ونڈے انٹرنیشنل میچز کھیلے گئے اس وقت تو کبھی آئی سی سی نے ان کو نہیں کہا کہ ہمارے معیار کے مطابق نہیں ہیں، اگر یہ آئی سی سی کے معیار کے مطابق نہیں تھے تو ورلڈ کپ کے میچز، ٹیسٹ سیریز، وندے انٹرنیشنل میچز کیسے کرائے گئے، یہ ہم سب کے لیے لمحہ فکریہ ہے کرکٹ کے پیسے کرکٹرز پر لگنے چاہیے، اس سے قبل کبھی اس طرح نہیں ہوتا تھا، پہلے تمام صوبوں تمام اکائیوں کو لیکر چلا جاتا تھا، لیکن افسوس سے کہنا پڑتا ہیکہ پاکستان کی ستر سالہ تاریخ میں اس مرتبہ پی سی بی کے جو اعلیٰ عہدیداران ہیں انہوں نے مخصوص علاقوں کو فوکس کیا ہوا ہے
