39 chak cricket club

12/02/2026

ذرا نم ہو تو یہ مٹی بڑی زرخیز ہے ساقی

سرگودھا کا نوجوان کھلاڑی ہمارا بھائی اویس ظفر جو کئی بار اپنی صلاحیتوں کے جوہر دکھا چکا ہے اس بار PSL 2026 میں سیالکوٹ سٹالینز میں سیلیکٹ ہوئے ہیں ۔ ہم انکی اچھی کارکردگی کیلئے دعا گو ہیں کہ وہ سرگودھا کا نام مزید روشن کرئں ۔
بینظیر کرکٹ سٹیڈیم کیلئے خوشی اور اعزاز ہے کہ یہاں کھیلنے والے نوجوان ترقی کے سفر پر گامزن ہیں ۔۔ اللہ سب لڑکوں کو مزید کامیابیوں سے نوازے ۔

29/11/2025

چک 83 شمالی میں جاری ٹورنامنٹ اپنے اختتام کی طرف بڑھ رہا ہے ۔ آج 75 چک اور 39 چک کے درمیان سیمی فائنل میچ ہوا ۔ جس میں 39 کیطرف سے حسیب حسن نے ناقابلِ شکست 90 رنز کی اننگز کھیلی اور 6 اوورز میں 116 رنز کا ٹارگٹ دیا ۔ ٹارگٹ کے دفاع کیلئے39 کے تمام باؤلرز مزمل ، فیضان اور زبیر نے تمام تر توانائی لگائی اور 39 نے با آسانی میچ جیت کر فائنل میں رسائی حاصل کر لی ۔

10/11/2025

حیدرآباد ٹاؤن کو ویلج پریمئیر لیگ 39 کا ٹائٹل اپنے نام کرنے پر دلی مبارکباد ۔۔ٹورنامنٹ میں شامل تمام ٹیمیں تجربے اور جوش و جذبے سے بھرپور تھیں اور سب نے اچھی کارکردگی بھی دکھائی ۔۔خوب دلچسپ میچز ہوئے لیکن یوں محسوس ہوا کہ چوہدری صغیر صاحب
کی قیادت میں حیدرآباد لائنز نے پہلے دن سے تہیہ کر رکھا تھا کہ

اب تو منزل پہ پہنچ کر ہی رُکی گے راہی
جو سمندر بھی اُچھلتا ہے اُچھل جانے دو

اور یہی ہوا کہ پُول میچز میں اور کوارٹر فائنل میں 104 چک اور سیمی فائنل میں 5 رسالہ نے حیدرآباد کو بہت ٹف ٹائم دیا لیکن چوہدری صغیر کے سپاہیوں کا عزم پختہ اور ہمت جواں تھی۔وہ پہلی سے آخری بال تک ثابت قدم رہے اور منزل خود چل کر اُنکے استقبال کو آگئی۔

حیدرآباد لائنز کو دلی مبارکباد ۔۔

07/11/2025

کل بے نظیر بھٹو کرکٹ سٹیڈیم 39 شمالی میں ویلج پریمئیر لیگ کی تخت نشینی کا فیصلہ سرِ عام ہوگا۔56 ٹیمیں تاج و تخت کی خواہش مند تھیں اور اس کیلئے بھرپور تگ و دو کی ، سر دھڑ کی بازی لگائی لیکن
یہ عشق نہیں آساں بس اتنا سمجھ لیجے
اِک آگ کا دریا ہے اور ڈوب کے جانا ہے

ہماری نظر میں سب ہی ٹییموں میں قیادت کی صلاحیت کُوٹ کُوٹ کر بھری تھی لیکن ضروری تو نہیں کہ ہر مسافر کو منزل نصیب ہو۔تخت کے حصول کیلئے کانٹوں پہ چلنا پڑتا ہے سو تمام خواہش مند تھک ہار کر اس دوڑ سے نکلتے گئے ۔
اب یہ معرکہ سید ظہیر شاہ صاحب اور چوہدری صغیر صاحب کے درمیان ہو گا ۔ دیکھتے ہیں کس کے سر تاج سجتا ہے اور کون تخت نشیں ہوگا
فیصلہ کل رات ہو گا ۔ جو میدانِ جنگ بے نظیر بھٹو کرکٹ سٹیڈیم نہ آ سکے وہ لائیو مناظر 39 chak cricket club پر دیکھے ۔

06/11/2025

ویلج پریمئیر لیگ 39 چک کے دوسرے سیمی فائنل میں سامنے رنز کا پہاڑ تھا جس کو سر کرنا ناممکن تو نہیں لیکن انتہائی مشکل دکھائی دے رہا تھا۔لیکن اسکے بغیر کوئی چارہ بھی نہیں تھا۔میرے خیال میں ٹیم نے یہ زمہ داری تیمور کے سپرد کی اور وہ اس کوہ پیمائی پہ نکل پڑا ۔ سفر مشکل تھا لیکن اسکا عزم بھی پختہ تھا ۔گرتا لڑکھڑاتا لیکن ثابت قدمی سے سفر جاری رکھا اور بالآخر اس پہاڑ کو عبور کر کے ہی دم لیا اور ناممکن کو ممکن کر دکھایا ۔
اپنی ٹیم کو فتح یاب کروا کر فائنل میں رسائی دلوائی اور 104 رنز ناٹ آؤٹ کی شاندار اور یادگار اننگز کھیلی ۔

تیمور بھائی آپکو ٹورنامنٹ انتظامیہ اور 39 کے ہر فرد کیطرف سے دلی مبارکباد ۔

05/11/2025

ویلج پرئمیئر لیگ کا دوسرا سیمی فائنل 5رسالہ اور 39 چک کے درمیان کھیلا گیا جو نہایت ہی دلچسپ اور صحیح معنوں میں سنسی خیز رہا ۔تیمور کی بہت ہی اچھی بینگ پرفارمینس کے باعث 5 رسالہ نے میچ جیت کر فائنل میں چوہدری صغیر نکا اور گجہ فیڈریشن سے ٹکرانے کی ٹھان لی۔۔
بہت بہت مبارک ہو

05/11/2025

04/11/2025

چلو دِلدار چلو چاند کے پار چلو ہم ہیں تیار چلو

آج میرے پاس کہنے اور لکھنے کو الفاظ نہیں ۔ لکھوں تو کیا لکھوں بس آپ خود ہی دیکھیے گا ۔

04/11/2025

آج کی رات بڑی دیر کے بعد آئی اور بڑی دیر تک یاد رہے گی ۔ایک طرف عدنان دانو جو سرگودھا کرکٹ کی شان سمجھے جاتے ہیں اپنی نفری سمیت ویلج پریمئیر لیگ کے محاذ پر بے نظیر سٹیڈیم چک39 میں موجود تھے تو مقابل کرکٹ کے گُرو چودھری صغیر احمد نِکا حالتِ بخار میں اپنے جنگجو دستے کے ہمراہ مورچے سنبھالے بیٹھے تھے ۔ دونوں طرف سے خوب زور دار انداز میں گیند اور بلے کا استعمال ہوا ۔ہر طرح کے داؤ پیچ آزمائے گئے ۔ دونوں فریقین تھکے نہ جُھکے ۔کیسا منظر اور سماں تھا کہ الاماں ۔
بالآخر گُرو گُرو ہی ہوتے ہیں ۔99 داؤ سکھا کر بھی 1 داؤ وہ بھی فیصلہ کُن بچا لیا ۔وہی داؤ آزمایا اور سیمی فائنل میں کامیابی حاصل کر کے ولیج پریمئیر لیگ چک 39 کے فائنل میں جگہ بنا لی۔
بہت مبارک ہو صغیر بھائی اور عدنان بھائی آپکے لیے بھی ہمارے جذبات اور پیار میں کوئی کمی نہیں۔

04/11/2025

دنیائے کرکٹ کے روشن ستارے ہمارے تمہارے سب کے پیارے جب آپس میں ٹکرائے کچھ جیتے تو کچھ ہارے لیکن دیکھ کر قابلِ دید نظارے بے ساختہ سبھی پُکارے

" کیا شانِ اللہ ھُو الصمد "

اپنے ہر دلعزیز کھلاڑیوں کو ایک ساتھ کھیلتا دیکھ کر شائقین کا جوش اور خوشی نا قابل بیان تھی۔ ہماری کوشش رہے گی کہ کھیلنے اور ملنے ملانے کے یہ سلسلے چلتے رہیں۔ ہم تمام معزز کھلاڑیوں کی تشریف آوری پر ممنون ہیں ۔

03/11/2025

ستارے وہ بھی سارے کے سارے
بے نظیر کرکٹ سٹیڈیم میں

آج کی رات شائقین کیلئے انتہائی دلچسپ ہو گی۔مختلف ٹیموں کے مرکزی کردار ایک ساتھ جلوہ گر ہو رہے ہیں ۔جو صلاحیتوں میں ایک دوسرے سے بڑھ کر ہیں ۔
ہماری کوشش ہے کہ اپنے شائقین بھائیوں کیلئے ہر ممکن حد تک رونق کا سامان مہیا کریں ۔بس آپکی حوصلہ افزائی درکار ہے۔