05/06/2026
ڈاکٹر محیب الرحمن کاکڑ شعبہ سپورٹس میں بلوچستان کے پہلے پی ایچ ڈی ڈاکٹر بن گئے
کوئٹہ : اسسٹنٹ ڈائریکٹر سپورٹس ڈاکٹر محیب الرحمن کاکڑ نے پی ایچ ڈی کی ڈگری حاصل کرکے شعبہ سپورٹس میں بلوچستان کے پہلے پی ایچ ڈی ڈاکٹر ہونے کا اعزاز حاصل کرلیا ان کی کامیابی صوبے کے کھیلوں کے شعبے کیلئے ایک اہم سنگِ میل ہے، ڈاکٹر محیب الرحمن کاکڑ کی یہ کامیابی اس بات کا واضح ثبوت ہے کہ محنت، لگن اور مسلسل کوششوں سے ہر میدان میں نمایاں کامیابیاں حاصل کی جا سکتی ہیں اور یقینا یہ کامیابی مستقبل میں صوبے میں سپورٹس ریسرچ، نوجوان کھلاڑیوں کی بہتر رہنمائی اور کھیلوں کے فروغ کیلئے مثبت پیش رفت ثابت ہوگی۔ بلوچستان ٹرائیتھلون ایسوسی ایشن کی جانب سے ڈاکٹر محیب الرحمن کاکڑ کو اس شاندار کامیابی پر دلی مبارکباد پیش کرتے ہوئے ان کیلئے نیک تمناؤں کا اظہار کیا گیا ہے۔
