12/06/2026
میرو پٹھان — فٹ بال سے محبت کرنے والا شاید ہی کوئی نوجوان ہو جو اس نام سے واقف نہ ہو۔ اطلاعات موصول ہو رہی ہیں کہ ہنگو پولیس نے دستاویزات کی عدم دستیابی کے باعث میرو پٹھان کو حراست میں لیا ہے۔
میرو پٹھان خیبر پختونخوا فٹ بال کا ایک معتبر اور نمایاں نام ہیں۔ انہوں نے اپنی شاندار کارکردگی، بہترین کھیل اور اعلیٰ اخلاق کے ذریعے کئی برسوں تک صوبے کی کامیاب نمائندگی کی ہے اور نوجوان کھلاڑیوں کے لیے ایک مثالی کردار ادا کیا ہے۔
متعلقہ حکام سے مؤدبانہ درخواست ہے کہ انسانی ہمدردی اور ان کی خدمات کو مدنظر رکھتے ہوئے انہیں فوری طور پر رہا کیا جائے اور ضروری دستاویزات و انتظامات مکمل کرنے کے لیے مناسب مہلت فراہم کی جائے، تاکہ وہ قانونی تقاضے پورے کر سکیں۔ ان جیسے باصلاحیت اور باکردار کھلاڑی ہمارے کھیلوں کا قیمتی سرمایہ ہیں۔
