29/08/2026
ڈیڑھ ماہ بعد لاپتا کوہ پیما کی لاش کا سراغ، ڈرون آپریشن کامیاب
برسوات : فلک سر کی چوٹی پر کوہ پیمائی کے مشن کے دوران تقریبا 45 دن قبل گر کر جاں بحق ہونے والے خوازہ خیلہ سے تعلق رکھنے والا کوہ پیما میاں سید علی شاہ باچا کی لاش کا بالآخر سراغ لگا لیا گیا۔ نجی ٹیم نے ڈرون کی مدد سے فلک سر پر کامیاب آپریشن کرتے ہوئے مرحوم کی موجودگی کی تصدیق کرلی۔ ٹیم کے مطابق ڈرون آپریشن کے دوران لاش کی لوکیشن، تصاویر، ویڈیوز اور ضروری کوآرڈینیٹس محفوظ کرلیے گئے ہیں، جو ریسکیو آپریشن میں مددگار ثابت ہوں گے۔ اہلیان سوات اور متاثرہ خاندان نے حکومت اور متعلقہ اداروں سے مطالبہ کیا ہے کہ موسم مزید خراب ہونے سے قبل فوری طور پر ہیلی کاپٹر ریسکیو آپریشن شروع کیا جائے اور مرحوم کی میت کو باحفاظت ابائی علاقہ منتقل کیا جائے۔۔
