Zia Xia Sports

Zia Xia Sports Live Ground Sports By Zia Xia

04/03/2022

جہدے باہجوں بچدا نئیں

ہُن تے اوہ وی جچدا نئیں

کھوہ کے کھادا ہووے تے

ایڈا سؤکھا پچدا نئیں

وچ قصور دے کیہ ہویاۓ

اج کل بُلھا نچدا نئیں

ارشد منظور

04/03/2022

لوہے دا کی کم اے بُوٹے نوں وڈے

جے کر کواڑے چ لکڑ نہ ہووے

نیویاں ہویاں تے برابر ہویاں اُنگلاں

ولی نے بندے جے آکڑ نہ ہووے

سہیل کاہلوں

03/03/2022

رشتے دی ریج

کدی کدی مینوں رشتیاں دی

بڑی ریج آندی اے

کھبّی جیب چوں دس روپیے کڈ کے

سجّی جیب چ پا لینا واں

مینوں دادے دِتے نے

کدی کسی نکی کند تے بہہ کہ

باہواں ہوا چ کر کے

ہسی جانا

مینوں نانے موڈھیاں تے بٹھایا اے

کدی ٹردیاں آپے ای ڈگ پینا واں

بسم اللہ بسم اللہ کر کے اٹھنا واں

مینوں دادی گل نال لایا اے

کدی دو چار لیڑے لے کے

سڑک ول ٹر پیناں واں

لیہ والی گڈی پچھے

کتھے جانا ای منڈیا؟

رولا پیا پانا واں

مینوں نانی نے بلایا اے

کدی کسے نال لڑ کے تے

پیو دی مار توں ڈردیاں ہویاں

گھر دے بار کھلو جاواں

فر کوئی مینوں آ کے آکھے

چل ہن گھر نوں آجا کاکا

تیرا تایا آیا اے

کدی کدی مینوں رشتیاں

دی بڑی ریج آندی اے

کدی عید تے امی فاخرہ آکھے

جا وے پج کے گری لے آ

سوگی تے بادام وی لے آ

چوکھا دودھ تے سیویاں لیاویں

تیریاں پھوپھیاں آونیاں نے

کدی جے ابا بیمار ہو جاوے

مینوں تے پے وخت جاوے

فون میرا جو وجی جاوے

اپنے آپ نوں پیاں آکھاں

رشتے داراں سیاپا پایا اے

کدی کدی مینوں رشتیاں دی

بڑی ریج آندی اے

سہیل کاہلوں

03/03/2022

سچا اے یا چُوٹھا اے

فر کیہ ہویا، بندا اے

آدم کیہنے جمیا سی

جیہڑا سب دا ابا اے

جیبھاں وڈھی جاندے او

سنیائے نک دا رولا اے؟

باقی وی مخلوقاں نیں

بندے نوں کوئی مسئلہ اے

اپنی اکھ توں پُچھدی آں

تینوں کیہنے دسیا اے؟

طاہرہ سرا

02/03/2022

خاباں تیکر سُکھ نے بس

جدھر ویکھاں دُکھ نے بس

اندر لکھاں رونے نیں

ایویں ہسدے مُکھ نے بس

چھاواں ونڈن والے اج

ٹاویں ٹاویں رُکھ نے بس

بندہ بندہ کھا کے وی

کیتی نہیں اے بُھکھ نے بس

سُکھ تے ساحر دِتے سن

قسمیں ماں دی کُکھ نے بس

جاوید ساحر

02/03/2022

اکھ چوں اتھر کِناں کُو چِر

روکاں دلبر کناں کو چر

مُورت وچ اے صورت تیری

پُوجاں پتھر کناں کو چر

اوڑک پیلے ہو جانے نیں

ساوے پتر کناں کو چر

اگاں لاشے سڑکاں اُتے

ویکھاں منظر کناں کو چر

اوہدا ہاسا رُکدا نہیں اے

رووے ساحر کناں کو چر

جاوید ساحر

01/03/2022

ڈِگا ٹہٹھا بھاویں کدھروں بھورا پیار جے لبھے

چھج پتاسے ونڈاں مینوں میرا یار جے لبھے

روندی اکھ دے اتھرُو سُکن مُکھ تے ہاسے آون

دُکھ ونڈاون والا کوئی نہ کوئی غمخوار جے لبھے

ہاسے خُشیاں پیار محبتاں جِتھے لبھدے ہوون

جِندڑی ویچ خریداں انج دا کوئی بزار جے لبھے

جس نال وی جِینا مرنا دُکھ سُکھ سانجھا ہووے

دل میں اوہدی جھولی پاواں اوہ دِلدار جے لبھے

نہر کنارے بہہ کے میں تے دِلبر گلاں کرئیے

سانوں وی کوئی نجمی ہفتہ تے اتوار جے لبھے

سلیم نجمی

01/03/2022

کیہ صلاح ای

یار ملن دی کوئی صورت لبھدی نئیں تے

ہجراں دی پَنڈ سر تے چُک کے

دُکھ دی تکڑی تُل نہ جائیے

قدرت نے جے لیکھاں اندر وکھ وکھ رہنا لکھیا اے تے

ویلے دی پتھریلی اَکھ چوں ہنجو بن کے ڈُھل نہ جائیے

اک دُوجے نوں بُھل نہ جائیے

میثم علی آغا

28/02/2022

ہر پاسے ہر ویلے دُکھ

ویکھاں نوے نویلے دکھ

اپنے رنگ وچ رنگی پهردے

رنگریزے، رنگیلے دکھ

میری ہستی وچوں نکلے

صحرا، جنگل، بیلے، دکھ

مینوں مست کری رکهدے نیں

ہجراں دے البیلے دکھ

میرے من وچ لائی رکهدے

ہر دم سوہنے میلے دکھ

عالیہ شاہ

28/02/2022

عشق دا بُوہا کھول وے سائیاں

کُن دی بولی بول وے سائیاں

تیری پرِیت دی حد نا کوئی

نہ کوئی اسدا مول وے سائیاں

کِدھرے یار وی مِل جاوے گا

سُنیا جگ ہے گول وے سائیاں

سائیاں آس تِری وِچ جھلی

جِندڑی بیٹھی رول وے سائیاں

تُوں سچا، تُوں کامل مُرشد

تُوں سانول، تُوں ڈھول وے سائیاں

ایتھے کیہڑا دردی میرا

سد لے مینوں کول وے سائیاں

میرے جہی دا تُوں مُل پایا

تُوں سوہنا انمول وے سائیاں

عالیہ شاہ

Address

Mailsi

Website

Alerts

Be the first to know and let us send you an email when Zia Xia Sports posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zia Xia Sports:

Shortcuts

Share

Category