03/06/2025
پاکستان ووشو کنگفو فیڈریشن کا ایک اجلاس ھیڈ آفس ٹاؤن شپ میں ہوا ۔ جس میں ووشو کنگفو کے ذریعے امن ، فرقہ وارانہ نظریات کی سرکوبی، بین المذاھب بھائی چارہ، قبولیت اور رواداری کو فروغ دینے کا عزم کیا گیا۔ اجلاس میں یہ فیصلہ بھی ہوا کہ کھلاڑیوں، انسٹرکٹرز ، کوچز اور تنظیمی عہدیداران کی باقاعدہ ذہن سازی اور تربیت کی جائے کہ وہ پیغام پاکستان کو قریہ قریہ پھیلا دیں ۔ اس سلسلے میں باقاعدہ ورکشاپز اور سوشل میڈیا کے استعمال کو بھی استعمال کیا جائے گا۔بھارت کے خلاف جنگ میں بہترین انداز میں وطن عزیز کا دفاع کرنے پر پاک افواج کو
خرا ج تحسین بھی پیش کیا گیا۔
اجلاس کی صدارت پاکستان ووشو کنگفو فیڈریشن کے چیئرمین ملک افتخار احمد اعوان ، سیکرٹری جنرل مسز عنبرین افتخار، صدر پنجاب ووشو ایسوسی ایشن عامر شہزاد بٹ، سیکرٹری جنرل پنجاب ووشو ایسوسی ایشن ملک عثمان احمد ، ایسوسی ایٹ سیکرٹری پاکستان پروفیسر سید محمود غزنوی اور علی رضا بھٹی نے شرکت کی۔ مستقبل میں ھونے والی نیشنل چیمپئن شپس اور کھلاڑیوں کی فلاح و بہبود کے بارے میں بھی مشاورت ہوئی
