19/12/2025
17ویں میزل خان شہید میموریل فٹبال ٹورنامنٹ – تاریخی اور یادگار کامیابی
منگلوَر گراؤنڈ میں منعقدہ 17ویں میزل خان شہید میموریل فٹبال ٹورنامنٹ کا فائنل ایک یادگار مقابلہ ثابت ہوا، جہاں عوامی فٹبال کلب ڈھیری سوات نے شاندار کھیل، بہترین حکمتِ عملی اور مضبوط ٹیم ورک کا مظاہرہ کرتے ہوئے پرنس فٹبال کلب منگلوَر کو 3-0 سے شکست دے کر آل کے پی کے فٹبال ٹورنامنٹ کا ٹائٹل اپنے نام کر لیا۔
عوامی فٹبال کلب ڈھیری سوات کے کھلاڑیوں نے آغاز سے اختتام تک میدان پر مکمل کنٹرول رکھا اور اپنی مہارت، نظم و ضبط اور جذبے سے یہ ثابت کر دیا کہ وہ واقعی اس اعزاز کے حقدار ہیں۔ ٹیم کی یہ کامیابی مسلسل محنت، لگن اور باہمی تعاون کا خوبصورت نتیجہ ہے۔
ہم اپنے مہمان کھلاڑیوں رحیم شاہ، حسنین اور یاسر خان کے بے حد شکر گزار ہیں جنہوں نے اپنی غیر معمولی صلاحیتوں اور شاندار کھیل سے فائنل کو مزید سنسنی خیز بنا دیا۔ ان کی پرفارمنس نے شائقین کے دل جیت لیے اور ٹیم کی کامیابی میں اہم کردار ادا کیا۔
اس کے ساتھ ساتھ ہم عوامی فٹبال کلب ڈھیری سوات کے تمام وفادار سپورٹرز کو بھی خراجِ تحسین پیش کرتے ہیں جنہوں نے بڑی تعداد میں گراؤنڈ آ کر اپنی ٹیم کا بھرپور ساتھ دیا۔ ان کی حوصلہ افزائی نے کھلاڑیوں کے حوصلے مزید بلند کیے۔
میچ کا اسکور:
عوامی فٹبال کلب ڈھیری سوات 3 – 0 پرنس فٹبال کلب منگلوَر
جس میں بلال نے شاندار کھیل کا مظاہرہ کرتے ہوئے دو خوبصورت گول اسکور کیے جبکہ ایک گول زکریا خان نے سکور کیا.
یہ فتح نہ صرف ٹیم بلکہ پورے سوات کے فٹبال کے لیے باعثِ فخر ہے۔
Zakarya Zaryal ⚽
Xa-Bilal Khan ⚽⚽
