03/01/2026
پی سی بی نے ٹی20 ورلڈ کپ کے لیے ابتدائی اسکواڈ آئی سی سی کو بھجوا دیا
پاکستان کرکٹ بورڈ (پی سی بی) نے ٹی20 ورلڈ کپ کے لیے ابتدائی 15 رکنی اسکواڈ اور ریزرو کھلاڑیوں کے نام انٹرنیشنل کرکٹ کونسل (آئی سی سی) کو ارسال کر دیے ہیں۔
پی سی بی 31 جنوری تک بغیر آئی سی سی اجازت کے اسکواڈ میں تبدیلی کر سکتا ہے، اس کے بعد تبدیلی کے لیے آئی سی سی ٹیکنیکل کمیٹی کی منظوری درکار ہوگی۔
بورڈ سری لنکا کے خلاف سیریز کے بعد ورلڈ کپ اور آسٹریلیا سیریز کے حتمی اسکواڈ کا اعلان کرنا چاہتا ہے، کیونکہ چند کھلاڑیوں کی پرفارمنس کا مزید جائزہ لیا جائے گا۔
ابتدائی فہرست میں سری لنکا ٹور کے کھلاڑیوں کے ساتھ بابر اعظم، شاہین شاہ آفریدی اور حارث رؤف کے نام بھی شامل ہیں۔
آئی سی سی ٹی20 ورلڈ کپ 7 فروری سے بھارت اور سری لنکا میں شروع ہوگا، جبکہ پاکستان اپنے تمام میچز سری لنکا میں کھیلے گا۔.🇵🇰🏏🔥
.
