19/05/2026
کرکٹ آسٹریلیا نے بگ بیش لیگ (بی بی ایل) کے افتتاحی میچ کے لیے چنائی کے وینیو کا انتخاب کرلیا۔
میڈیا رپورٹ کے مطابق آسٹریلیا بگ بیش لیگ کا بھارت سے آغاز کرنا چاہتا ہے اور بی بی ایل سیزن کے پہلے میچز کی میزبانی چنائی کرے گا جس کے لیے کام بھی شروع کر دیا گیا ہے۔
میڈیا رپورٹ میں کہا گیا ہے کہ بی بی ایل کا پہلا میچ دسمبر میں بھارت میں کھیلا جائے گا، کرکٹ آسٹریلیا کو تامل ناڈو کرکٹ ایسوسی ایشن اور بھارتی بورڈ کی جانب سے مثبت فیڈ بیک ملا ہے۔
میڈیا رپورٹ میں بتایا گیا ہے کہ کرکٹ آسٹریلیا کے پانچ رکنی وفد نے چنائی میں ایک میٹنگ میں حصہ لیا اور آسٹریلوی وفد نے چنائی کے مقام پر آئی پی ایل میں چنائی سپر کنگز کا آخری ہوم میچ بھی دیکھا۔
میڈیا رپورٹ کے مطابق آسٹریلوی وفد نے وینیو کی ریکی مکمل کر لی ہے جس دوران بھارتی بورڈ کے صدر متھن منہاس بھی وینیو پر موجود تھے۔
میڈیا رپورٹ میں کہا گیا ہے کہ حکومتی سطح پر ابھی معاملات طے ہونا باقی ہیں جس کے بعد حتمی فیصلہ ہو گا۔
