26/06/2026
اینڈ آئی مین پاور حکومت پنجاب کی پرواز کارڈ اسکیم کا حصہ بن گئی
فیصل آباد: حکومت پنجاب سے منظور شدہ ریکروٹنگ ایجنسی اینڈ آئی مین پاور سلوشن نے نوجوانوں کو بیرون ملک روزگار کے بہتر مواقع فراہم کرنے کے لیے پرواز کارڈ اسکیم کا حصہ بننے کا اعلان کیا ہے۔
جاری کردہ معلومات کے مطابق پرواز کارڈ اسکیم کا مقصد اوورسیز روزگار کے خواہشمند نوجوانوں کو مالی معاونت، سماجی تحفظ اور بہتر کیریئر مواقع فراہم کرنا ہے، تاکہ وہ قانونی اور منظم طریقے سے بیرون ملک ملازمت کے مواقع حاصل کر سکیں۔
اینڈ آئی مین پاور کے مطابق ادارہ اوورسیز ایمپلائمنٹ، جی سی سی اور دیگر ممالک میں بھرتی، دستاویزات کی تیاری، ویزا پراسیسنگ، امیدواروں کی رہنمائی، کونسلنگ، آجر سے رابطہ کاری اور بعد از ملازمت سپورٹ جیسی خدمات فراہم کر رہا ہے۔
اشتہاری مواد میں وزیر اعلیٰ پنجاب مریم نواز شریف کے اس پیغام کو بھی نمایاں کیا گیا ہے کہ “پرواز بے کامیابی کا راستہ” ہے اور حکومت پنجاب نوجوانوں کی معاونت کے لیے عملی اقدامات کر رہی ہے۔
اینڈ آئی مین پاور سلوشن کا کہنا ہے کہ حکومت پنجاب سے لائسنس یافتہ اور منظور شدہ ریکروٹنگ ایجنسی کے طور پر وہ نوجوانوں کو عالمی روزگار کے مواقع تک محفوظ، قابل اعتماد اور پیشہ ورانہ انداز میں رسائی فراہم کرنے کے لیے پرعزم ہے۔
