22/03/2026
السلام علیکم!
617 وٹو کرکٹ میلہ کے آج کے دن کے اختتام پر وینر ٹیم الفَتح کرکٹ کلب گڑھ فتح شاہ رہی۔ جنہوں نے آج سارا دن بہترین کارکردگی کا مظاہرہ کیا۔ پوری ٹیم نے شاندار کھیل پیش کیا۔
پہلا میچ 452 کے ساتھ کھیلا گیا، جس میں 63 رنز کا ہدف دیا گیا۔ اس میں نمایاں کھلاڑیوں میں مہرہیبت خان شامل تھے۔ الفتح کرکٹ کلب کے کپتان نے بہترین قیادت کی، جبکہ ان کا ساتھ دیا الیاس آنٹو، عبدالباسط نے۔ بولنگ میں حسن فوجی نے شاندار کارکردگی دکھائی، جن کا ساتھ نواز سندیلا، غلام حسین گجر اور عبدالرحمان نے دیا۔
تمام بولرز نے بہترین بولنگ کرتے ہوئے مخالف ٹیم کو صرف 30 رنز پر آل آؤٹ کر دیا اور یکطرفہ میچ جیت لیا۔
سیمی فائنل میں مقابلہ بابا گلبور کرکٹ کلب کے ساتھ ہوا، جس میں الیاس آنٹو، عبدالباسط، غلام حسین گجر اور حسن فوجی نے شاندار بیٹنگ کرتے ہوئے چاروں طرف چھکے لگائے۔ بولنگ میں بھی غلام حسین گجر اور حسن فوجی نے آؤٹ کلاس کارکردگی دکھائی اور بابا گلبور کرکٹ کلب کو صرف 90 رنز تک محدود رکھا، یوں یہ میچ بھی یکطرفہ جیت لیا گیا۔
ہم دل کی گہرائیوں سے مبارکباد پیش کرتے ہیں الفَتح کرکٹ کلب گڑھ فتح شاہ کو فائنل کے لیے کوالیفائی کرنے پر۔
