03/01/2026
اگر بنوں کی مخلص خدمت کی مثال تلاش کی جائے تو حاجی باز 👈محمد خان کا نام نمایاں طور پر سامنے آتا ہے۔ 👉
1967 میں جب وہ کالج کے طالب علم تھے، تب سے ہی انہوں نے پختون سٹوڈنٹس فیڈریشن کے پلیٹ فارم سے بنوں کے طلباء اور نوجوانوں کی نمائندگی اور خدمت کا آغاز کیا۔ وہ اس وقت سے مسلسل اپنی قوم، اپنے علاقے اور بنوں کے عوام کی فلاح و بہبود کے لیے سرگرم ہیں۔
حیرت کی بات یہ ہے کہ آج جب اُن کی عمر تقریباً 85 یا 86 سال ہو چکی ہے، وہ پھر بھی مکمل جوش، خلوص اور جذبے کے ساتھ بنوں اور پختون قوم کی خدمت میں مصروف عمل ہیں۔ انہوں نے نہ کبھی اپنے ذاتی مفادات کو ترجیح دی، نہ کبھی ووٹ مانگا اور نہ کسی عہدے کی خواہش کی، بلکہ ہمیشہ صرف اور صرف قوم کا درد دل میں رکھا۔
حاجی باز محمد خان نے نہ صرف باتوں کی حد تک، بلکہ عملی میدان میں بھی قربانیاں دی ہیں۔ انہوں نے کئی بار جیلیں کاٹیں، مظلوموں کے حق میں آواز بلند کی، اور بدامنی و انتشار کے ماحول میں بھی اپنی قوم کو اتحاد، یکجہتی اور شعور کی راہ پر گامزن کرنے کی کوششیں کیں۔ وہ بنوں کے مشران کو ایک پلیٹ فارم پر اکٹھا کرنے والے چند گنے چنے افراد میں سے ہیں جنہوں نے واقعی اپنے عمل سے ثابت کیا کہ قوم کی خدمت کرنے کے لیے منصب یا سیاست نہیں، بلکہ سچا جذبہ اور اخلاص درکار ہوتا ہے۔
🌹حاجی باز محمد خان واقعی بنوں کا فخر ہیں۔ ❤️
( Admin Sifat Ullah Shah )
Baz Muhammad Khan Taimur Baz Khan
