Aajoi Cricket Club Malar

15/05/2026

10/05/2026

10/05/2026

09/05/2026

Champion once again

08/05/2026

Final Aajoi vs shaymureed
Date 9th may 2026
Venue: Aajoi cricket Ground
Special Guests

06/05/2026

آل کولواہ کرکٹ ٹورنامنٹ ............ ایلیمنیٹر 2 کی سنسنی خیز میچ رپورٹ
کولواہ اسپورٹس رپورٹر
آجوئی گراؤنڈ مالار میں جاری آل کولواہ کرکٹ ٹورنامنٹ کے ایلیمنیٹر 2 میں شائقینِ کرکٹ کو ایک زبردست اور ہائی اسکورنگ مقابلہ دیکھنے کو ملا، جہاں شے مرید کلب اور قلندرانی کلب آمنے سامنے آئے۔ اس اہم میچ میں شے مرید کلب نے شاندار کھیل پیش کرتے ہوئے 33 رنز سے فتح حاصل کی اور یوں فائنل کے لیے کوالیفائی کر لیا، جہاں اب ان کا مقابلہ مضبوط ٹیم آجوئی کلب مالار سے ہوگا۔
ٹاس کے بعد پہلے بیٹنگ کرتے ہوئے شے مرید کلب کے بلے بازوں نے میدان میں رنز کی برسات کر دی اور مقررہ 14 اوورز میں 7 وکٹوں کے نقصان پر 233 رنز کا پہاڑ جیسا اسکور کھڑا کر دیا۔
شے مرید کی جانب سے نسیم رفیق نے شاندار اور جارحانہ بیٹنگ کرتے ہوئے صرف 24 گیندوں پر ناقابلِ شکست 77 رنز بنائے، جس میں 10 فلک شگاف چھکے اور 2 چوکے شامل تھے۔ ان کے علاوہ عمران علی نے 16 گیندوں پر 46 رنز کی دھماکہ خیز اننگز کھیل کر ٹیم کو مضبوط بنیاد فراہم کی، جبکہ آخر میں اسامہ سلیم نے صرف 9 گیندوں پر 34 رنز بنا کر اسکور کو مزید خطرناک بنا دیا۔
قلندرانی کی جانب سے باؤلنگ میں کامران نمایاں رہے جنہوں نے 4 اہم وکٹیں حاصل کیں جبکہ بابل شریف نے 2 کھلاڑیوں کو آؤٹ کر کے کچھ مزاحمت دکھائی۔
234 رنز کے بڑے ہدف کے تعاقب میں قلندرانی کلب کے بیٹسمینوں نے ہمت تو دکھائی اور بھرپور مقابلہ کیا۔ امیر دھماکہ نے شاندار بیٹنگ کرتے ہوئے 23 گیندوں پر 63 رنز بنائے جبکہ قمر ساگر نے صرف 11 گیندوں پر 41 رنز کی تیز رفتار اننگز کھیل کر میچ کو سنسنی خیز بنا دیا۔ اس کے علاوہ نعمت ستار نے بھی 36 رنز کی اہم اننگز کھیلی، مگر مسلسل وکٹیں گرنے کے باعث ٹیم مقررہ 14 اوورز میں 200 رنز تک ہی پہنچ سکی۔
شے مرید کی جانب سے باؤلنگ میں عمران نے 2 وکٹیں حاصل کیں جبکہ نسیم رفیق، وسیم رفیق اور واچہ نے ایک ایک کھلاڑی کو آؤٹ کر کے ٹیم کی جیت میں اہم کردار ادا کیا۔
یوں شے مرید کلب نے 33 رنز سے شاندار کامیابی حاصل کرتے ہوئے فائنل میں جگہ بنا لی۔ نسیم رفیق دھواں دھار اننگز کی بدولت میچ کا ہیرو قرار پائے۔اب شائقینِ کرکٹ کی نظریں اس بڑے مقابلے پر مرکوز ہیں جہاں فائنل میں شے مرید کلب اور آجوئی کلب مالار آمنے سامنے ہوں گے۔

04/05/2026

آل کولواہ کرکٹ ٹورنامنٹ ۔۔۔۔۔۔۔۔۔۔۔۔۔۔۔ ایلیمنیٹر 1 شے مرید کی سنسنی خیز فتح، قندیل کو 9 رنز سے شکست
​مالار (اسپورٹس رپورٹر): آجوئی گراؤنڈ مالار میں کھیلے گئے ایک انتہائی دلچسپ اور کانٹے دار کرکٹ مقابلے میں شے مرید نے قندیل کو 9 رنز سے ہرا کر ایلیمنیٹر میچ اپنے نام کر لی۔ 125 رنز کے ہدف کے تعاقب میں قندیل کی پوری ٹیم 116 رنز بنا کر پویلین لوٹ گئی۔
​شے مرید نے پہلے بیٹنگ کرتے ہوئے مقررہ اوورز میں جارحانہ کھیل کا مظاہرہ کیا اور 11.4 اوورز میں 125 رنز بنائے۔ اوپنر زاہد علی نے 16 گیندوں پر 25 رنز کی اننگز کھیلی جس میں 2 بلند و بالا چھکے شامل تھے۔ مڈل آرڈر میں جاوید واحد نے برق رفتار 24 رنز (11 گیندیں) اور عمران علی نے 23 رنز بنا کر ٹیم کے مجموعے کو مستحکم کیا۔ قندیل کی جانب سے حازم اور الیاس سب سے کامیاب بولر رہے، جنہوں نے بالترتیب 34 اور 24 رنز دے کر 3، 3 کھلاڑیوں کو آؤٹ کیا۔
​قندیل کی جوابی کارروائی اور عمران علی کی تباہ کن بولنگ
​126 رنز کے تعاقب میں قندیل کا آغاز اچھا رہا، جہاں عارف نے 33 اور اختیار نے 30 رنز بنا کر میچ کو جتوانے کی بھرپور کوشش کی۔ تاہم، شے مرید کے بولر عمران علی قندیل کے بلے بازوں کے لیے ڈراؤنا خواب ثابت ہوئے۔ عمران علی نے نپی تلی بولنگ کرتے ہوئے صرف 16 رنز کے عوض 4 اہم وکٹیں حاصل کیں اور قندیل کی بیٹنگ لائن کی کمر توڑ دی۔ نسیم رفیق نے بھی ان کا بھرپور ساتھ دیتے ہوئے 3 کھلاڑیوں کو آؤٹ کیا۔
​قندیل کی ٹیم 13ویں اوور میں 116 رنز پر ڈھیر ہو گئی اور اسے 9 رنز سے شکست کا سامنا کرنا پڑا۔ اس فتح کے ساتھ ہی شے مرید نے ایلیمنیٹر 2 کےلئے کوالیفائی کرکےاپنی برتری ثابت کر دی۔ جہان ان کا مقابلہ کل قلندرانی سے ہوگا۔ عمران علی شاندار آل راؤنڈ کارکردگی کی بدولت میچ کا بہترین کھلاڑی قرار پائے۔میچ کے اختتام پر شائقینِ کرکٹ نے دونوں ٹیموں کے کھیل کو خوب سراہا، خاص طور پر عمران علی کی عمدہ بولنگ اور عارف کی ہمت کی تعریف کی گئی۔

04/05/2026

03/05/2026

آل کولواہ کرکٹ ٹورنامنٹ ............. کوالیفائر ون کی شاندار جھلک
کولواہ اسپورٹس رپورٹر
آجوئی گراؤنڈ مالار میں جاری آل کولواہ کرکٹ ٹورنامنٹ کے کوالیفائر ون میں شائقینِ کرکٹ کو ایک سنسنی خیز اور شاندار مقابلہ دیکھنے کو ملا، جہاں آجوئی کلب اور قلندرانی کلب آمنے سامنے آئے۔ دونوں ٹیموں نے میدان میں بھرپور جوش اور جذبے کے ساتھ کھیل پیش کیا، تاہم آخر کار آجوئی کلب نے اپنی مضبوط بیٹنگ اور مؤثر باؤلنگ کی بدولت میچ اپنے نام کر لیا۔
میچ میں پہلے بیٹنگ کرتے ہوئے آجوئی کلب نے جارحانہ انداز اپنایا اور مقررہ 14 اوورز میں 7 وکٹوں کے نقصان پر 195 رنز کا بڑا اسکور کھڑا کیا۔ آجوئی کی جانب سے کپتان محبوب اعظم نے شاندار بیٹنگ کا مظاہرہ کرتے ہوئے صرف 27 گیندوں پر 61 رنز کی دھواں دھار اننگز کھیلی، جس میں خوبصورت چوکے اور فلک شگاف چھکے شامل تھے۔ ان کے علاوہ نور اللہ نے آخر میں برق رفتار انداز میں 11 گیندوں پر ناقابلِ شکست 35 رنز بنا کر ٹیم کے مجموعے کو مزید مضبوط کیا، جبکہ فرید اور تابش موسیٰ نے بھی قیمتی رنز جوڑ کر ٹیم کو مضبوط پوزیشن میں پہنچایا۔
قلندرانی کی جانب سے نعمت ستار نے سب سے مؤثر باؤلنگ کرتے ہوئے 3 وکٹیں حاصل کیں جبکہ سمیر ساگر نے 2 کھلاڑیوں کو آؤٹ کر کے اپنی ٹیم کے لیے کچھ مزاحمت دکھائی۔
196 رنز کے مشکل ہدف کے تعاقب میں قلندرانی کلب نے ابتدا میں کچھ مزاحمت دکھائی۔ قمر ساگر نے ذمہ دارانہ بیٹنگ کرتے ہوئے 41 رنز بنائے جبکہ امیر دھماکہ نے جارحانہ انداز میں 27 رنز اسکور کیے، لیکن دوسری جانب وقفے وقفے سے وکٹیں گرنے کے باعث ٹیم سنبھل نہ سکی اور پوری ٹیم مقررہ 14 اوورز میں 140 رنز تک محدود رہی۔
آجوئی کلب کی جانب سے باؤلنگ میں وہاب صمد نے شاندار کارکردگی دکھاتے ہوئے 3 اہم وکٹیں حاصل کیں، جبکہ بیبرگ بلوچ اور نور اللہ نے 2،2 وکٹیں لے کر ٹیم کی جیت میں اہم کردار ادا کیا۔
یوں آجوئی کلب نے یہ اہم مقابلہ 55 رنز کے واضح مارجن سے جیت کر نہ صرف اپنی برتری ثابت کی بلکہ فائنل تک مضبوط قدم بھی جما دیا۔ کپتان محبوب اعظم شاندار بیٹنگ کی بدولت مین آف دی میچ قرار پائے
میچ میں آجوئی کے بیٹسمینوں کی جارحانہ بیٹنگ اور باؤلرز کی منظم باؤلنگ نے شائقین کو خوب محظوظ کیا۔

02/05/2026

Fareed Shohaz